اذا كنت فاضي تعال وعطنا رأيك وخبرتك

[الخالدي11]

السلام عليكم
كيف الحال ياشباب عساكم طيبين
العشاء معنا خخخخخ الله يخييكم

بما اني اشوفكم فاضين قلت خل أشغلكم شوي ونشغل عقولكم وعيونكم ويدينكم

المهم (( الزبدة ))

واحد وده يتمشى ولا يقنص في شعيب من الشعبان ولاكن مع الاسف مامعه سيارت فيها دبل ما معه الا داتسن ولا هايلكس يعني مش خشتك اذا غرزت
خخخخخخخخخخخخ
وش تنصحونه به
ولا يقعد في بيته احسن له

انا عندي له اقتراح
يحط الكفرات على الجنط ينسمها كلها
بس مدري وش سلبياتها

وانتم عطونا اقتراحاتكم
ولا وش السوات الله لايهينكم ولاتتأخرون ترا العشاء بيبرد
فمان الله

[Black VTC]

الددسن و الهايلكس ماشاء الله سيارات بر و كثير من النشاما يقنصون عليهن وما عليهن زود بس المشكلة اذا جاك واحد راعي بر و ما معه الا كامري والا التيما ؟؟!!.. حط العشاء ياماللعافية

[.أبوعبدالرحمن]

الفتك الاسود قال كلام حلو


لكن اللي معه كامري ولا التيما يهون


ولد عمي مجنون بر ومعه ايكو

تدرون وش سوا


والله تهور الله يجزاه خير وراح بالايكو ثلاث ايام وجا


وش رايكم بهذ

ماهوب ودكم يعطى ربع

[الخالدي11]

هههههههههههههههه
ماشاء الله
اخوي
Black VTC والله انك صدقت ان الداتسن والهايلكس ونعم تقوم بالواجب

اخوي ابوعبدالرحمن الصفيان والله ياولد عمك انه نشمي كأني أشوفه على طعس التحدي بالإيكو خخخخخخخخخ

الله يعطيكم العافية وانا مانسيت وعدي (( العشا )


سمو الله يحييكم على قل الكلافه هذي كبسة على 40 دخلة وصفارية وخاضور قانصهن على الددسن
والي يغص يعلمني اجيبله كاس موية

[ابو؟؟؟]

الددسن موتر ينشد فيه الظهر اطلع فية عادي

[الخالدي11]

صدقت والله

[slman]

والله يالدستن( الددسن )انه اطلق من الجيوب لاصار سواق الجيب لك عليه ويالله من حرمه عن عشرة رجاجيل من حقين التحلية (وسعولي جوعان ومشتهي دخل ) بس ابعد عني الحار

[محسن اليامي]

قناص سعابيلي طاحت من ذالكبسه ههههههههه

[الوعب]

السلام عليكم ورحمه الله و بركاته

اسمحولي اشارككم بهذا الموضوع

< ----------- بدا السواقه على ددسن

اكن لهالسياره احترام ,, سواقة الددسن ممتعه بصارحه لاتسئلوني في ايش لكن استمتع و انا اسوقها واعشق القير و ابدل شي حلو

المهم بخصوص الموضوع الددسن مثل ماقالو الاخوان لاعينت سواق ماعليها شر
الا في حالات معينه و هي الي راعي الجيب يضظر يشغل الدبل فيها

اخبر الددسن لاغرزت و خصوصا في رمله ,, قدم و ارجع كذا مره لين تشق لك طريق و تطلع ما شالله ,, بس المشكله لا تعلقت و حفرت

فيه حل ,,, فيه النفاخه هي موجوده عندنا في المحلات (محلات زينه السيارات) الي فيها مثل خرطوم يدخل في الشكمان و تنحط النفاخه تحت السياره و تدعس بانزين ترتفع السياره
هذي اتوقع مفيده جدا للدداسن ,, ارفعها و حط لك شي تحت التواير و امورك طيبه .

[مساير الليل]

طيب واي معه ددسن ودفرنسين وش يقول

يقول الحمد لله

ددسن ودبل بعد مابقي ألا الجنه الله يرزقنا وياكم جنات عدن

[الخالدي11]

الله يعافيكم جميعا
والله ماقصرتو ردود رائعه جدا
والله الددسن خوي طيب في البر
بس يا اخي العزيز Aaziz
هذي الي انت تقول اذا حفر الكفر في الرمل الي عند محلات الزينة تقدر تقولي معلومات عنها مثل سعرها فائدتها حجمها
الله لايهينك

[ابو سعد التميمي]

اهم شي السوااااااااااااااق سواء ددسن والا هايلكس لاصار راعيه يسوق ماعليه انشاء الله

[الظافر]

السواق اهم شىء والله حنا طلعنا للهضب بين الجهراء والعلا جهة شرعان والمناطق هذي العام الماضي في وقت الربيع وسيارتنا فورد كراون فكتوريا 93 ومعنا جيب باترول90 والله نروح عنه في بعض المحلات.بس خوينا يسوق الله يحفظه

[winchester]

قناص Vip
اللي يحط تحت الموتر علشان يرفع هذا طال عمرك بالون كبر جركل الماء 20 لتر ونفس شكله لونه أصفر وله خرطوش تركبه بالشكمان وتدعس على البنزين ممتاز وعملي يرفع الجيب لكن مشكلته أذا حطيته على شي حاد (حصاه أو شوك ) ينفجر سعره بحدود 100الى 150 ريال


دمـت بود

[يزيد_1977]

يازين الحكاكه اللي فوق الرز <<<<<مدمن حكاكه