سؤال عن طرق - الرفيعه - القرية العليا - السعيرة - التنهات

[ابوجوري]

الاخوان

ابووطبان والكاشت للبر الف شكر للمعلومات ودمتم بخير

وشكرا

[راعي النفيد]

:what: الاخوة المكاشيت الي يعرفون الدروب زين السلام عليكم ابي طلب بسيط منكم وهو اقصرطريق من القصيم الي الرفيعة مسافة ؟ واقصر طريق بالنسبة للوقت؟

[أبو المثنى]

عليكم السلام

أقصر طريق أعرفه هو إنك لما تعدى العتش يبي يجيك أظنه ثاني كبري ، المهم الي يطلع بك للحسي اطلع معه يبي يقولك الحسي يمين أنت اطلع يسار صفّر عداد الموتر وامش 12 كيلو يبي يجيك تقاطع اطلع مع التقاطع يسار وبعدها تمشي والله ما أدري بالضبط كم كيلو لكن هن بحدود الـ 30 كيلو وبعدها يبي يجيك مخرج الصمان والطوقي تطلع معه وتمشي يبي يجيك طلعة وبعده مسارين يا أما عدال يميل إلى اليمين قليلاً أو عدال يميل إلى اليسار قليلاً أنت اطلع مع الي يميل لليسار قليلاً واستمر حتى يجيك دوار اسمتر عدال ، بعده يبي يجيك دوار ثاني وفيه لوحة للصمان اطلع معه تقريبا 110 كيلو تبي تشوف الرفيعة اقبالك

وإن كانت تبي الاحداثية عطيناك إياه.

[الشرقي]

السلام عليكم أشير عليك لاتعديت المجمعة يجيك جلاجل أطلع مع الكبري ثم خذ يسار امسك هالطريق حتى ينتهي بم رجوم بعدهاتعنيه اتجه جنوب ام رجوم 30 كم بانجاه التنهات بر0 طريق سياحي بما تعنيه الكلمة 0

أقرب وأجمل 0

[راعي النفيد]

[font=Courier New]الاخ ابو المثني الرسالة وصلت وشكرآ لك على هذا الوصف الدقيق [/font] الاخ الشرقي مشكور وماقصرت واسآل الله لكم الاجرو الثواب جميعآ

[نواف 100]

السلام عليكم أشير عليك لاتعديت المجمعة يجيك جلاجل أطلع مع الكبري ثم خذ يسار امسك هالطريق حتى ينتهي بم رجوم بعدهاتعنيه اتجه جنوب ام رجوم 30 كم بانجاه التنهات بر0 طريق سياحي بما تعنيه الكلمة 0

أقرب وأجمل 0

اشاركك الراى اقرب واجمل وتوكلو على الله

[عاشق الزبيدي]

بسم الله الرحمن الرحيم

اخوي العزيز أبو أبراهيم 2 اخواني الاعزاء رواد مكشات
السلام عليكم ورحمة الله وبركاته
أفيدكم علما بأن الطريق الى السعيرة أصبح حقيقه والطريق كتالي
الرياض- رماح- المزيرع- يسار الى شويه- الرفيعه -اتجه شمالا الى هجرة العاذرية -ثم الشيحية- ثم الشامية- ثم الفريدة -ثم الهابة أتركها على يدك اليمين - اتجه الى الصافه وعند التقاطع لف يمين الى ام الشفلح ( السوريه ) - الى أن تصل الى تقاطع يسار السعيرة ويمين الى الشيط أتجه يسار الى أن تصل الطريق الدولي والسعيرةالى اليسار والطريق مسفلت واقصر طريق الى السعيرة .
و السلام عليكم


ارجو أن أكون قد افتكم

أخوكم عاشق الزبيدي

[إلياس المطلق]

هــل الطريق من رماح إلى طريق قرية العليا مســـفلت أم لا ؟؟ وكم المسافة ؟؟
و دنا منكم التفصيل ,,,,

[جبل حبشي]

هــل الطريق من رماح إلى طريق قرية العليا مســـفلت أم لا ؟؟ وكم المسافة ؟؟
و دنا منكم التفصيل ,,,,

الطريق كله مسفلت من رماح للرفيعة ثم تأخذ يمين الي قرية العيا 90 كيلو وأن كملت الطريق بدون أن تلف يمين لقرية يوديك علي الشيحية اللهابة اللصافة وحتي طريق النعيرية حفرالباطن

[برق الحيا 55]

طريق الرفيعه - القريه العليا لابد منه ,,
ويبقى خيارين بالنسبه لوصول للرفيعه,,

الرياض -حفر العتش-الرفيعه
او
الرياض - رماح -شوية-الرفيعه


اتوقع ان الافضل هو :

الرياض -رماح 120 كيلو سريع
رماح -شويه 90 كيلو خط جديد وممتاز مستقيم مافيه اي منحنيات
شويه - الرفيعه اتوقع بحدود 50-60 كيلو اجراء كثيره مسفلته

الطريق كله مسفلت

[العاذر]

بيض الله وجيهكم جميعا

موضوع يفيد اخوانكم الذين يستفسرون عن هذا الطريق