صور لجمسي وقصة حب تدوم وتدوم وتدوم escape_man

[ابوالعبادل]

عز الله انك صدقت وانا اقول قصه تبرد كبدك يوم رحنا معنا يوكون 98 وباثفايندر2004 ودورانجو 2000 يم طعس يقاله التمريه ما طلع الا اليوكون ويوم قالوايعتمد على السواق كل واحد اخذ سيارة الثاني ما طلع الا اليوكون الباقين شا فولهم مطلاع ثاني للطعس \لكن ابغى اسألك عن الغماره ونص كيف هو والله اعرفلي واحد معاه موديل 2000 اسودرفارف كل ما تعدى صوته يحرك المشاعروالرجال يبغى يبيع كم اسوم ؟

[ابو خطاب]

............\لكن ابغى اسألك عن الغماره ونص كيف هو والله اعرفلي واحد معاه موديل 2000 اسودرفارف كل ما تعدى صوته يحرك المشاعروالرجال يبغى يبيع كم اسوم ؟

احرص على الدبل يكون عصا.. وهج عن الازرار.. وهل هو z71 ولا عادي؟؟
الجمس تحكمه نظافته .. وممشاه بالخط .. وهل فيه دفلك في الدفرنسات ولا لا ؟؟
وهل هو يسحب بالراحه وقومته بارده ولا يحن بالخط ؟؟
بس والله مادري عن اسعارها ؟؟ بس النظيف النشيط ..لو مكانك اشريه بحده ..كاني ابستخدم ولا ني بياع.
زر هل رابط يمكن يفيدك .. واهل المعارض ابخص :
http://www.mstaml.com/section/item.php?i=323232

[الوعب]

السلام عليكم ورحمه الله

انا من المتابعين للموضوع هذا بشدددده

احب اشارككم بهذا الرابط

ما شاء الله تبارك الرحمن

[a.الخثلان]

شيء واحد ودي أجد له حل كيف أخفف مطب البليزر


وشيء ثاني ودي أعرفه هل أقدر أركب مكينة الصالون 90 454 على بليزر توماتيك دبل وأيش القير الي يتحمل

وأيش المطلوب تغييره عند التركيب ولو بغينا قير عادي وش الي ينفع

[escape_man]

اخوي الخزامى ... يعطيك العافية على مرورك والف شكر

اخوي سمو الصقر ... الشباب افادو واجابو عن استفساراتك ولكن مثل مانبهت سابقا ... اهتم بالشاصي وسلامته والبليزرات توافيق .. ومكين البليزر غالبا 305 والقطع عشرة 350 اما بقية المكاين فهي معدله بالكامات والبساتم وجيدة نسبيا ..

اخوي تيتشر ... لك تقدير خاص بهالمنتدى فانت رفيق درب وشريكي بالاهتمامات واسعد وابرك لحظة اني اخاويك او انت تخاويني وعلى العموم خط سيري دائما معروف وموتري معروف واذا لقيتني فوقفني..

ابو خطاب ... يسعدنا تواجد الخبرات مثلك ... لكن خلك من العويس .. انا خبرتي براسي وجب موترك بتعديله ونشوف ... الا العويس يشتغل لقطع عشرة دفرنسين .. ودي اركب كرونات بسنة كبيرة واغير القير .. ابي مايرده شي بالنفود.

ابو العبادل ..انت راعي مطاعس ... شكلك كذا .. فابعد عن الغمارة ونص .. هذي نصيحتي.

الزينون ... دبل المساعدات قدام وخلف او حط مثلي قدام مورونو وانسى المهابد..

Aziz حياك يارجل مرة ثانية وثالثة ورابعة بموضوع اخوك ونتمنى لك طيب الاوقات بمتابعتنا وشكرا على الرابط..

[ابو خطاب]

ابو خطاب ... يسعدنا تواجد الخبرات مثلك ... لكن خلك من العويس .. انا خبرتي براسي وجب موترك بتعديله ونشوف ...
قداااااااااااام ..........
الا العويس يشتغل لقطع عشرة دفرنسين .. ودي اركب كرونات بسنة كبيرة واغير القير .. ابي مايرده شي بالنفود.

العويس يشتغل دبلات ودفرنسات ودفلوكات كل الجيوب.. واذا ماتبي يرده شي بالنفود ركب كارونه 40 والبنيون 12 او 13 وركب دفلك (مشروك) ورا وقدام .....بصير يقضض الجدران

الزينون ... دبل المساعدات قدام وخلف او حط مثلي قدام مورونو وانسى المهابد..
معلومة طيبة .. وفعلا مدبل ورى وقدام وراح المهابد .. بس وش رايك المونرو افضل ولا الرنشو ؟؟
..

منكم نستفيد

[سمو الصقر]

السلام عليكم ورحمة الله وبركاته....
لسان حالي يعجز عن شكر كل من قدم لي نتاج خبرته وتجربته وهذا ليس بمستغرب على امثالكم ، وفي الحقيقه استفدت من ردودكم واعتذر عن تأخري بالرد لأني كنت بمشوار بعيد شوي وتقبلوا تحياتي .......

[Somebody]

الجمس لا يعلى عليه

بس يكون موتر عليه الكلام

ولا فيه اي سيارة ممكن تضاهي الجمس في الجلد وخصوص اذا كان اللي على الطاره

سوااااق بمعنى الكلمه يعني ما يعرف بريك فقط لبنص ونمره


يا بو محمد قرب اللي اليا نيش ** يشدي لصوت سكود من حيث نشا

جمسٍ جديد وما ولته المخاريش ** صبغه من المصنع ولا بعد رشا

زين صـــوته يوم ما فيه تشويش ** صافي وبلفه امـن البواجي يتعشا

والما نظيف ومرتخي بالخراطيش ** مــحــلاه يوم اقبل بـهون يتمشا


عزالله انك شوقتنا للماضي البعيد


تحيااااااااااتي للجميع

[a.الخثلان]

يعطيك العافية escape_man

[نمر 33]

الله يعطيك العافية

موضوع رائع جداً وصور حلوه الله يطعمك خيره ويكفيك شره

ما تخبر شي للبيع؟!

[escape_man]

ابو خطاب ... بامر على العويس واشوف رايه .. تهقى اي واحد بالتشاليح يعرفه ولا عندك وصف معين تدلنا عليه ...

بالنسبة لسؤالك خلني اسئل واستفسر ربعي الي عندهم مرهمات وهم الي شارو علي بالمورونو ومدري ليش ... الجمعة انشاء الله اردلك خبر.

سمو الصقر حياك الله وبياك والحمد لله على سلامتك .. ومانبي يالغالي الا دعائك...

شخص ما (somebody) صح لسان الشاعر وصح بدن ناقل القصيد والجمس الي عليه الكلام هو مال قبل مو جموس هاليومين ... يوم كل الشغلات ميكانيكية بحته وبسيطة الفك والاصلاح.

الزينون ... لابغيت تركب فمرني .. اعرفلك ورشة مضبوطة تتكفل بكل شيييء.

نمر 33... الموضوع رائع بجهود المكشاتيين الطيبين الي اثروا النقاش وماتوانو عن الاجابة عن كل شاردة وواردة وفسرها للآخرين فبارك الله جهودكم ... وجزاك الله خير على دعواتك وللاسف وانا اخوك ماخبرت جمس للبيع ... عند خويياي جمسين وضفيتهن واضفتهن بكرت العايلة والان مهدد بالطرد من البيت لاني ضيقت المواقف على الوالد ... شكله قالب علي هاليومين .. يقول لابغيت تشغل ونيتك لاتزعجنا ... دحدره للشارع العام ثم شغله هناك.

[تيتشر]

الزينون

وشيء ثاني ودي أعرفه هل أقدر أركب مكينة الصالون 90 454 على بليزر توماتيك دبل وأيش القير الي يتحمل

شاص البليزر ضعيف ما يتحمل ثقل مكينة 454 لأنه مع الوقت بيشعر الشاص

واذا

[تيتشر]

الزينون

وشيء ثاني ودي أعرفه هل أقدر أركب مكينة الصالون 90 454 على بليزر توماتيك دبل وأيش القير الي يتحمل

شاص البليزر ضعيف ما يتحمل ثقل مكينة 454 لأنه مع الوقت بيشعر الشاص

واذا بتزيد القوه .. طبق لك ارقام صح للدفرنسات واشتغل تعديل بسيط مثل الهدرز والكلبليتر ..

[طارق الحربي]

اخوي العزيز


ودي لو تسير على هالموضوع وتعطيني رايك


http://www.mekshat.com/vb/showthread.php?t=109210

[ذرب المعاني]

طيب هات رايك في البليزرات الجديده؟؟