صور لجمسي وقصة حب تدوم وتدوم وتدوم escape_man

[طارق الحربي]

موضوع رائع

خصوصا اني صت من اصحب الجموس الحين


قبل كانوا شيباننا مايعرفون الياباني ابدا

الين قبل كم عقد من السنين عرفوها من اليمن

لك تحياتي

[escape_man]

السلام عليكم ورحمه الله و بركاتة


مشكورين على طرح الموضوع و السيارات الامريكيه لها معجبيها (محبي العضلات الامريكية)

و مثل ماتفضل الاخوان الامريكي و بالاخص البليزر قوي ما شالله عليه ويتحمل غرابيل الزمن

حبيت اشارك بصوره لسيارتي وهي شفر تاهو موديل 1997 طبعا جير اوتو ماتيك مكينة فورتك

ماخليت مكان مارحت له بهالسياره و في كل طلعه اقول خلاص السياره هذي تبي تودع وهذي هي ما شالله

صامدة من سنوات الى يومنا هذا و ان شالله بشريلها فحل عن قريب .

هذي الصوره بعد مابحثت في ملفاتي القديمه ابحث عن صوره للسياره و مالقيت الا هذي

صورتها شتا العام الماضي في العزبه و العذر عن عدم اكتمال صوره السياره لان القصد ماكان اخذ صوره للسياره.

ماشاء الله تبارك الله ... ربي يطرح فيه البركة ياعزيز ... ولو ان الصورة مهيب كامله لكن الموتر بين من ركزته انه بسم الله عليه وحش.

اشكرك يالغالي على اثراء الموضوع وتقبل مني اجمل تحية...

يازين موضوعك زيناه ويازين الجمس زيناااه .. مشكووور

انا اشهد انه مركب وموتر
اللي يقول الامريكي والجموس والشفرات ماهي بزينة ماعندك احد
ولا يدري وين الله حاطه به ... مع احترامي
الوالد الله يطول عمره معه ( شفر ونيت 79 ) فاكه وكالة
كان ينقل عليه تمر الحمولة ( 4 طن واكثر ) والله العظيم هذا الحاصل .. يوم كان راعي فلاحة .. الى درجة ان المسامير الثمانية تنقطم .. كان يودي من القصيم للمدينة والأحساء قبل يكون هناك مصنع لتعبئة التمور بالقصيم هذا من غير المشاوير والروحات والجيات والكشتات
والان هو راعي حلال ومكفيه من ناحية شيل الشعير والاعلاف وهالامور
كلنا تعلمنا السواقة عليه انا واخوي تفحيط ودوس وصرقعة شباب.. ولا زال هذا الشفر معه وهو سيارته الرئيسية الى هذه اللحظة
واشهد ان اللي جاه وجراله ماحصل لاي سيارة

اشهدوا للجمس ياللي تعرفونه && عقب مشيه بالمسافات الطويله
والنفود اللي وطاها ويش لونه && ماورى خط الحجاز ارض مهيله
يوم يقبل والجبل مركوز دونه && يصعدونه يوم والمنزال ليله
ياحلاة الجمس يرقى مع ركونه && والجبال السود تسجد تحت ويله
ثم رصه بالدبل لجت صحونه && والحصى يفتر مع فرت عجيله
سايقه ساطي وكان الله بعونه && لالقى المقطوع ملزومن يشيله
اشهد ان الجمس كامل في فنونه && اشكر المصنع ومن صمم موديله
منوة اللي لاذكر تسهر عيونه && العميل اللي ذكر موعد عميله

يذكرون الجمس ياللي تشترونه && بالبداوة وانت فايز ياوكيله

ويازين مرورك زيناه ياخوي حقوق المطر وعسى ربي يخليلكم الشايب ويحفظه من كل مكروه .. والجموس ضاعت معها عقولنا واحتارت في قوتها وشدة تحملها فكيف بشيباننا الي يحفظهم .. انا الوالد راعي بليزرات من موديل 77 والى يومك ومعه بليزر لو اسوقه ولا احد من اخواني صلبنا على مراياته .. بلغ سلامي للوالد مع حبة خشم وقله تقبل الله منا ومنك الصيام والقيام.

السلام عليكم
اود اشارككم ببعض الصور لهاذه السيارات الجباره
يتبع

الله يعطيك العافية اخوي المستشار على اثرائك الموضوع وانشاء الله يكون طاب لك المقام معنا خلال موضوعي وكل عام وانت بخير يالغالي..

[stranger]

والله وانت الصادق مالك الا البليز وانا من عشاق البليز ومعي واحد م 80 ولاني مفكر أبيعة أبد ومثل ما قلت غير بس القطع الإستهلاكية وضبط الكهرب وأنس

[escape_man]

موضوع رائع

خصوصا اني صت من اصحب الجموس الحين


قبل كانوا شيباننا مايعرفون الياباني ابدا

الين قبل كم عقد من السنين عرفوها من اليمن

لك تحياتي

ياهلابك ياولد حرب والموضوع رائع بالموجودين والمشاركين فيه
وهنيالك بعشقك الجديد وانشاء الله مايخيب ظنك .. مالك الا تدسم شارب المزيون ويطيب خاطرك

شبكه يشادي رشرشٍ فوق محزم . على كما التفاح من تحت شاله
لاكن امراياته اايا اقفى موشم . اذني ريمٍ ذيرته الثعاله
شنابر اجنوطه احجولٍ بمعصم . سوداً تهيض بالطبل كل داله
ورفارفه كنها اركوح المقطم . وكن القزاز البرق لنشت اخياله
ومساحتينه حجة الي تلثم . خشف على العاشق عسير وصاله

والله وانت الصادق مالك الا البليز وانا من عشاق البليز ومعي واحد م 80 ولاني مفكر أبيعة أبد ومثل ما قلت غير بس القطع الإستهلاكية وضبط الكهرب وأنس

سلمت يالغالي والله يطرح بماتملك الخير والبركة وياليتك شاركتنا بصورة طخيمان ... ترى له عشاقه الي مايسمعون بالثمانين ووجهيته المميزة.. تحياتي لك واكرر شكري لمرورك يالغالي.

[الوعب]

السلام عليكم


ابشركم جبت الجمس ولكن .
للحين ماشريت صاحب السياره هو احد زملائي في العمل ورجال ما افضله على من عندي , قالي خذ السياره و استخدمها اسبوع و اذا عجبتك اشترها
مبدئيا السياره زوينه .. مكيف شغال و اشتغال المكينه زين من برى واضح من الصوره من داخل لا والله شوي تعبانه و صوت المكينه و القير عالي داخل كبينه السياره و اذا وصلت سرعه 100 تصير فيها رجه قويه في الدركسون و بدي السياره
فهل تنصحوني اشتري السياره و وكم تسوى ,,, على فكره هي دفع رباعي (دبل) وموديلها 94 جير عادي ولكن محوله من تماتيك ,, يعني كانت تماتيك و مسوينها جير عادي ,ويقول راعيها مسويلها صيانه شامله من اقل من سنه
الشور يا راعي الشور

[escape_man]

اخوي عزيز

لو كنت بالرياض كان نصحتك بورشة تفحص السيارة من والى..

لكن انا من رايي انك ماتاخذها لانها محولة من تماتيك الى عايدي فالشغلة غالبا تعديل وترهيم والترهيم احيانا مايضبط وايضا يكون عيب شرعي عند البيع ..

الا في حالة ان السعر مغري جدا جدا وحط تحتها خطين ... هالسيارات وخاصة من موديل 91 حساسة جدا فياتشتري شي مضبوط او لاتغامر من الاساس...

هذا رايي واذا لك راي ثاني فاهم شي تهتم فيه ... الشاسي .. الدبلات والدفرنسات .. الحرارة

والباقي بالجمس مقدور عليه ...

[-المستشار-]

السلام عليكم
ببغيت اسالك يامان كم قوه الامبيرات لبليزر جمس مديل88قطع عشره

[تلسكوب 1]

السلام عليكم


ابشركم جبت الجمس ولكن .
للحين ماشريت صاحب السياره هو احد زملائي في العمل ورجال ما افضله على من عندي , قالي خذ السياره و استخدمها اسبوع و اذا عجبتك اشترها
مبدئيا السياره زوينه .. مكيف شغال و اشتغال المكينه زين من برى واضح من الصوره من داخل لا والله شوي تعبانه و صوت المكينه و القير عالي داخل كبينه السياره و اذا وصلت سرعه 100 تصير فيها رجه قويه في الدركسون و بدي السياره
فهل تنصحوني اشتري السياره و وكم تسوى ,,, على فكره هي دفع رباعي (دبل) وموديلها 94 جير عادي ولكن محوله من تماتيك ,, يعني كانت تماتيك و مسوينها جير عادي ,ويقول راعيها مسويلها صيانه شامله من اقل من سنه
الشور يا راعي الشور

اخوي عسا ماشر وين راح التاهو ؟






بغيت أسألك عن التاهو هل هو إستعمال أمريكي لأن لونه ممتاز وماقد شفت مثله

[الوعب]

مشكور يا سكيب ماان ,, انا معاك في الي قلته و بيني و بينك ما ارتحت للسياره مع ان راعيها صافط لي والله ,, نشوف ايش بيصير

تلسكوب 1 : ابشرك التاهو موجود و ما افرط فيه بحول الله , و هو واردنا مش وارد امريكا ,, و لونه هذا يجي على الكامل المواضفات ونادر جدا جدا يعني عندنا في قطر مافيه الا 3 بس و فيه درجه ثانيه من اللون تجي على رصاصي ورمادي ولكن من داخل يجي لونها عنابي
ولكن بالنسبه لي لون السياره حلو ولكن فيه عيبين ,, الاون انه مميز جدا و وين ما اروح معروف صادفتني مواقف كثيره ,, يعني مثلا اتمشي مع الاهل ولا البزران شوي ولا جايني تلفون من اي حد من ربعي انت وين رايح المكان الفلاني الساعه الفلانيه
العيب الثاني انه تدرج الالوان هذا عباره عن صبغ مش لزقه (خطوط) يعني لاسمح الله في حادث ولا شي دورني احد صيبغه لك

[escape_man]

السلام عليكم
ببغيت اسالك يامان كم قوه الامبيرات لبليزر جمس مديل88قطع عشره

المعذرة وانا اخوك

مافهمت وشتعني بالامبيرات ... عندي 81 وعندي بليزر 88

[شفر 10]

آآآه قلبت المواجع عزّ الله إن الشفر خوي ما هو بردي لكن الشكوى لله

والله يجيب اليوم اللي أقدر أصلح موتري

اللي فاتح فمه فوق ما عمره قصر معي ما به خراب غير السلف مغيره خمس مرات والأخير أصلي بـ280 ريال

ومشكلته لا جيت أشغل ما يدق السلف ولا يطلع صوت ويجلس فترة ثم يشتغل عجزت أكشف بلاه فإذا مرت عليك هذي المشكلة لا تبخل علي بالنصيحة

-----------------------------------------------------------------------------------------------------------------
قالوا البيم قلت البيم للسلاطين ::::الوا الشبح القار قلت حلاياه
ماشقح قلت الشبح خاطره شين:::::لغاب مس بطن العرق يوما ولاجاه
قالوا الهمر قلت الهمر للشياطين :::::لكن لا جا السهل كلا تعداه
والشاص قلت الشاص جافيه عيبين:::::فيه الشخر ضيق ولجة زواياه
والجمس قلت الجمس مافيه ثنتين::::: منجا يعدرب فيه لاتسع احكاه
اربع ميه حجم المكينه وخمسين::::كمل صفاته صانعه يوم سواه
في البر عند الحر في العسر والين:::::في البرد عند الطرد تعرف سواياه
قلته لأنه فيه من داعج العين:::: عدة مزايا واول الوصف ممشاه
حتى الرفارف شابهت مردف الزين ::::والبويه الي شابهت مبسم اشفاه
واليوم انا خلي اناديه بسمين:::::البهبهاني واسمه الي عرفناه0

[escape_man]

آآآه قلبت المواجع عزّ الله إن الشفر خوي ما هو بردي لكن الشكوى لله

والله يجيب اليوم اللي أقدر أصلح موتري

اللي فاتح فمه فوق ما عمره قصر معي ما به خراب غير السلف مغيره خمس مرات والأخير أصلي بـ280 ريال

ومشكلته لا جيت أشغل ما يدق السلف ولا يطلع صوت ويجلس فترة ثم يشتغل عجزت أكشف بلاه فإذا مرت عليك هذي المشكلة لا تبخل علي بالنصيحة

-----------------------------------------------------------------------------------------------------------------
قالوا البيم قلت البيم للسلاطين ::::الوا الشبح القار قلت حلاياه
ماشقح قلت الشبح خاطره شين:::::لغاب مس بطن العرق يوما ولاجاه
قالوا الهمر قلت الهمر للشياطين :::::لكن لا جا السهل كلا تعداه
والشاص قلت الشاص جافيه عيبين:::::فيه الشخر ضيق ولجة زواياه
والجمس قلت الجمس مافيه ثنتين::::: منجا يعدرب فيه لاتسع احكاه
اربع ميه حجم المكينه وخمسين::::كمل صفاته صانعه يوم سواه
في البر عند الحر في العسر والين:::::في البرد عند الطرد تعرف سواياه
قلته لأنه فيه من داعج العين:::: عدة مزايا واول الوصف ممشاه
حتى الرفارف شابهت مردف الزين ::::والبويه الي شابهت مبسم اشفاه

واليوم انا خلي اناديه بسمين:::::البهبهاني واسمه الي عرفناه0

هلابك اخوي من ممشاك لملقاك وحيا الله زميل الهواية مع ان ابو دفرنس مالي هواية فيه

بالنسبة لمشلتك ياطويل العمر والله اعلم ان الكهرب مايوصل السلف ... شيك البطارية اول شي ثم اذا تاكد

انها سليمة فشف عندك كيبل يوصل طوالي بين البطارية والسلف بدون مايروح لايمين ولا يسار فاعتقد البلاء

منه ...

انشاء الله يطرح الله الشفاء فيه بعلاجي الي قلته لك وربي يعينك على ضيقة الصدر بمفارقه هاليومين الي راحت..

[سالم بن سالم]

اخوي شفر10 السلام عليكم ورحمة الله وبركاته اضيف على ما ذكره الاخ الكريم escap _man
ما يلي :
التأكد من اسلاك السالب الموصلة من البطارية للبدي وللمكينة فقد حصل معي خلل وضعف في الكهرباء واكتشفت أن السبب ضعف الكيبل الموصل للبدي فقمت بتدبيل الاسلاك الموصلة للبدي وللمكينة وبعدها صارت الكهرباء ممتازة جداً

[شفر 10]

الأخ "الرجل الهاديء: والأخ سالم مشكورين جزيل الشكر

كلامكم عين إلا أبو عين الصواب لأن في واحد مرة قال إن الأسلاك محروقة (بس ما أدري من وين)

وهذه المشكلة تجي بعد كل شهرين

وهالورش نصب بنصب علشان سلك يأخذون 70 ريال

[اخو هدلاء]

بالفن من زين الطراز اصنعوكا*** والمدح يازين المنطـح زهاكـا
دورية الحديـن لـو اطردوكـا *** اقفيت لوخفر السواحـل وراكـا
لولا فعولـك دولتـك مامنعوكـا *** قطع السهال النازحة هي مناكـا
لك عادة تضرب ديار الهلوكـا*** ليامن سواق الشجاعة عطاكـا
يالجمس يامن المطنخ شروكـا *** انشهد انك ساويـن مشتراكـا

الجمس ماغيره موتر

تحيتي