صور لجمسي وقصة حب تدوم وتدوم وتدوم escape_man

[تلسكوب 1]

بالفن من زين الطراز اصنعوكا *** والمدح يازين المنطـح زهاكـــا
دورية الحديـن لـو اطردوكــــا *** اقفيت لوخفر السواحـل وراكــا
لولا فعولـك دولتـك مامنعوكــا *** قطع السهال النازحة هي مناكـا
لك عادة تضرب ديار الهلوكــا *** ليامن سواق الشجاعة عطاكـــا
يالجمس يامن المطنخ شروكـا *** انشهد انك ساويـن مشتراكـــا

صح لسان الشاعر
وشكرا لك اخو هدلاء

[هاني 15]

قديمك نديمك لو الجديد اغنااااك

الله يعطيك العافية

[a.الخثلان]

عقلي معي ماني من العقل مسلـوب
انا الغريق وكل شـي لـه اسبـاب
انا غريق مع هل الحـب منسـوب
مع زمرة العشاق بالحـب منصـاب

هلا براعي البليزر البيج ( السحاره )

والله اني شرهان عليك شرهة كبيرة واتصدد عنك لين طبيت موضوعي

وليت والله من يعقل رجليك بقير الجمس لين تعقل وتتوب وتخلي عنك علوم

الغوص والمطرسه

انت احد مجربي البليزرات يالزينون ولك تاريخ عريق معها ولكني اشوفك شطفت

الموضوع بدون إضفاءاتك المهودة يالذيب

اول شيء أقول بسم الله عليك من الغرق

ثاني شيء

طالبك طلبة ما تشره علي ولا تصدد عني ولا يكون الجفا منك

والله انا مشتاقين لك ويا لتيك تتعشى معي يوم من الأيام قل تم

وبالنسبة لتاريخنا مع البليزرات فأنت تعرف انه موثق بالصوت والصورة

بس المشكلة ان التوثيق محطوط بدروجك طال عمرك

طلعها يا مال الشحم خلهم يشوفون البيج وشلون طرح العودي

المشكلة إن البيج مركب له كلبليتر دوج وقير توماتيك وكفرات هانكوك


بعدين وش هالجمس الجديد والله ياهو شيء

تصدق انه أحسن شيء نشيل عليه دبات الغوص قل تم


عسى رقمي ما زال عندك طال عمرك

[escape_man]

اخو هدلاء
تلسكوب
هاني 15

مروركم شرفني ونور موضوعي الله يشرف مقداركم وجاهزين لاي استفسار ومشورة

[escape_man]

اول شيء أقول بسم الله عليك من الغرق

ثاني شيء

طالبك طلبة ما تشره علي ولا تصدد عني ولا يكون الجفا منك

والله انا مشتاقين لك ويا لتيك تتعشى معي يوم من الأيام قل تم

وبالنسبة لتاريخنا مع البليزرات فأنت تعرف انه موثق بالصوت والصورة

بس المشكلة ان التوثيق محطوط بدروجك طال عمرك

طلعها يا مال الشحم خلهم يشوفون البيج وشلون طرح العودي

المشكلة إن البيج مركب له كلبليتر دوج وقير توماتيك وكفرات هانكوك


بعدين وش هالجمس الجديد والله ياهو شيء

تصدق انه أحسن شيء نشيل عليه دبات الغوص قل تم


عسى رقمي ما زال عندك طال عمرك

عنديلك صورة تسوى صورك الي صورتهن بعمرك كله

جهز عمرك وتم تم تم مليون مره وعندك الرقم ودق علي

وترى الخميس يوم مفتوح عندي ( العزبة فوق ظهر الجمس ومالي وجهة معينة )

العيد الي طاف مالقيت خوي وسريت لحالي يم ام حزم وتغديت ثم نحرتها يم القصيم وتعشي ونمت ومن الفجر توجهت لحايل ازور بعض الجماعة ومن حايل للجوف ... وان كان لك رغبة ياراعي الغوص ندزها لينبع
ماعندنا مانع ... تاخذلك غطسة ثم نرجع

بانتظارك ياراعي البيج

[الخزامى 19]

والله اشتقنالها واشتقنالك انت بعد

[سمو الصقر]

مساء الخير على الجميع....
اول شي الله يعطيكم العافيه على هذا الموضوع الشيق جدا ، وانتوا ياهل البليزرات نبي همتكم معنا شوي تروكم حطيتوا في راسي شي اسمه بليزر وابي تفيدوني بالذي تقدرون عليه،
1- ابي اسعار البليزر من 83_90يعني متوسط السعر،طبعا مافيه اي ترهيم كل شي زي شد البلد وبدون زيادات.
2- انا شفت بالنت ان هناك مكائن 5700 و6000و383 وانا ماعرف الا 350 و454 وش ذالمكائن وهل اتت في البليزر من بلده .
3-كيف الجربوكس الاوتوماتيك مع البليزر(يتحمل او ما يتحمل اوله عيوب)
4- بصفه عامه عيوب الدبل المتكرره في البليزر تكون من ايش اذافيه عيوب.
في الختام اشكر كل من اثرى على هذا الموضوع ويثري عليه بما يفيد الجميع وكلي اسف على الاطاله وارجو انتتقبلها بصدر رحب ودمتم بحفظ الله ...أخوكم سمو الصقر.....

[تيتشر]

العيد الي طاف مالقيت خوي وسريت لحالي يم ام حزم وتغديت ثم نحرتها يم القصيم وتعشي ونمت ومن الفجر توجهت لحايل ازور بعض الجماعة ومن حايل للجوف ... وان كان لك رغبة ياراعي الغوص ندزها لينبع

لو انك معلمني تسان خاويتك بس منيب مبعد

وبالنسبه للغوص روحوا لاملج وانا ارتب لكم الامور هناك

[تيتشر]

الاخ سمو الصقر وبعد اذنك اخوي اسكاب مان

1- ابي اسعار البليزر من 83_90يعني متوسط السعر،طبعا مافيه اي ترهيم كل شي زي شد البلد وبدون زيادات.

للمعلوميه البليزر اظن الى 86 او 87 وهو كلبليتر
وبعد كذا الى 91 حلابات
هذا اولا واسعارها النظيف منها ومو مرهم يعتبر ال 15 متوسط السعر.

2- انا شفت بالنت ان هناك مكائن 5700 و6000و383 وانا ماعرف الا 350 و454 وش ذالمكائن وهل اتت في البليزر من بلده .

اللي اعرفه انه فيه 305 و 350 للبليزر
و 454 ما تجي شد بلد على البليزر لانها ثقيله وتشعر الشاص
بالنسبه لل 383 مدري هل هي تجي شد بلد والا لا. يمكن الاخوان يفيدونك اكثر اما الارقام هذيك مدري عنها.

3-كيف الجربوكس الاوتوماتيك مع البليزر(يتحمل او ما يتحمل اوله عيوب)

انا جربت العادي وجربت التماتيك
بالنسبه لي سواقة التماتيك افضل بالرمل
لكن عيب التماتيك تخاف تبعد فيه وتتوهق بعطل لا سمح الله

ويجي منه 400 و 700 و 305 او 350 و 250

وال 700 تقريبا هو الدارج لانه اربع غيارات بس ما يبي لك تسحب فيه مواتر ولا تثقل عليه
اما 400 فهو قوي لكنه يحن المكينه وطبعا صرفية بنزين اكثر

وعموما متى ما تكابق القير مع ارقام الدفرنسات خذ لك موتر

والعادي ما جربته كثير اسأل الشباب

- بصفه عامه عيوب الدبل المتكرره في البليزر تكون من ايش اذافيه عيوب.

مافيه عيوب ابد خصوصا الدبل المنسدح جيــّــد

اتمنى اني افدتك

[سمو الصقر]

للمعلوميه البليزر اظن الى 86 او 87 وهو كلبليتر
وبعد كذا الى 91 حلابات
هذا اولا واسعارها النظيف منها ومو مرهم يعتبر ال 15 متوسط السعر.

يعطيك العافيه وافادني مرورك بالنسبه 15 متوسط سعر اي موديل،واتطلع للمزيد من باقي الاعضاء...

[تيتشر]

يعطيك العافيه وافادني مرورك بالنسبه 15 متوسط سعر اي موديل

والله ياخوك الموديلات القديمه يصير راح عليها الوقت لمقارنة سعرها بالموديل

اعتقد على حسب النظافه قد تجد 83 و 91 كلهم بنفس السعر

قبل فتره لقيت 83 نظيف بالحيل وانباع ب 15

[سمو الصقر]

والله ياخوك الموديلات القديمه يصير راح عليها الوقت لمقارنة سعرها بالموديل

اعتقد على حسب النظافه قد تجد 83 و 91 كلهم بنفس السعر

قبل فتره لقيت 83 نظيف بالحيل وانباع ب 15

مشكور وتعبناك معنا وبالنسبه للارقام التي قلت ....يعني فيه ارقام متسلسله مثل قطع السلاح تأتي على الجير والدفرنشات وإذا موجوده وين بالتحديد.....

[ابو خطاب]

هيضت شجوني...لله درك .. وما يصح الا الصحيح .. وما خدم الجمس الا العزم الجبار من مكاينه وخاصه البلوك الكبير ..
وماش مايصمل الراس الا الجمس ..ما يهناله الواحد يركب موتر بر بذيك القيمة مغير سواق طاره.. ومايلمس شي الا يبيله برمجه وطواعين .. والا هالتالي دبله زر ..ولو يجي حساسات الهواء رمل .. ماشبك ووهق راعيه بوسط البر .
فلذلك .....سلمنا سلمك .. وحذونا حذوك .. ورجعنا للقديم الي خطبوه منى وبعناه ونحن اسفين .. وقد عزمنا العزم على اعادة امجاد الماضي .. واعادة ذكريات الفك والتركيب وفن التروس من معلمنا الجهبذ الفذ ملك القيور بتشليح الحاير القديم المهندس ناصر العويس..
وراعي الجمس يحب يسوق وهو يعرف موتره مسمار مسمار.. وبعد كر وفر ومطامر دام قرابة 3 شهور لقيت لي جمس قطع 10 يطربك مشاءالله .. وكان فيه صوت معيبه ..والعله كانت بسيطه جداً .. والحمدلله .. والحين جاري تطويره خلصنا المرحلة الاولى طبقنا ارقام الدفرنسات مع تغيير القير الاتوماتيك الى عادي .. والمكينة 454 .. مع تأميم الشاص .. بس شغل صح مهب ترهيم خرابيط .. وقد اصبح الموتر خبل ولا يتوقف بسهولة لذلك جاري تطوير نظام فرامل رياضي يكبح جماحه.
وباقي صندوق رفرف جاري البحث ليتم تدشينه قريباً..

وليكون قريبا من هذه الصورة ..اقل ارتفاع والاطارات 33X12.5X15
الجنوط 15x12

مساء الخير على الجميع....

2- انا شفت بالنت ان هناك مكائن 5700 و6000و383 وانا ماعرف الا 350 و454 وش ذالمكائن وهل اتت في البليزر من بلده .
...

واسمحلي escape_man بالرد على الاخ : سمو الصقر :
تغيرت سعة المحركات بالموديلات احديثة لكن البلوك شمله تعديل بشوط البستم والراس الطويل ..فزادت السعات ..
اما 350 كيوبك انش تعادل ب cc 5700
454كيوبك انش تعادل cc 7500
مزيدا من المحركات كانت متداوله في الستينات والسبعينات على عده سيارات مثل :GTO
وهي مثلا : 511CI - 540I لم تنزل تلك المحركات بشكل تجاري ولكنها لا تزال تصنع وتطور لشركات مهتمة بالسباقات والاداء العالي . ولو ان المحرك القديم المجدد الذي نزل على الجمس الموديلات الحديثة 8100CC يعادل 502 CI ..

اما محرك 511 فكثيرا منا لا يعرف هذا المحرك وليس ذنب المحرك انه نزل في السيارات مابين الستينات والسبعينات الميلادية..وهي فترة زمنية كان البعض لم يحضرها ذهنياً لصغر سنه: 511ci الصورة تتكلم : http://www.highperformancepontiac.com/features/hppp_0704_1967_pontiac_gto/photo_04.html

وازيد من الشعر بيت ..محرك غير تجاري :
اسطوره محرك http://www.strokermotor.com/RA540.htm 540ci

[ابو خطاب]

ولانك هيضت شجوننا.. خذ هل رابط هدية مني .. وتمتعوا برشاقته (اخفض صوت الموسيقى).. القطات الاخيرة بعد تغيير المحرك الى 454

[تيتشر]

ابو خطاب

واعادة ذكريات الفك والتركيب وفن التروس من معلمنا الجهبذ الفذ ملك القيور بتشليح الحاير القديم المهندس ناصر العويس..

والله ومليون نعم .. هو اللي مضبط بليزري من والى ... ورجالن تحطه على يمناك