صور لجمسي وقصة حب تدوم وتدوم وتدوم escape_man

[تيتشر]

8
8
8

بالنسبه لي ماعرفها ولا ابي اعرفها وفرق كبيييييييييير

وش جاب الطين للصين

[ابو خطاب]

ابو خطاب ... بامر على العويس واشوف رايه .. تهقى اي واحد بالتشاليح يعرفه ولا عندك وصف معين تدلنا عليه ...

تشليح الحاير .. اخر لفه الرابعه وانت على طريق الحاير لف يمين لحد مايققل معك الخط ثم يمين استمر لحد مايدحدر الخط ويجيك لفعه وسيعه جدا على يسارك (الشارع الرئيسي بالتشليح القديم ) لفه معها يسار وستمر اذا ارتفع الطريق تشوف على يسارك جموس وبليزرات.. هذا هو .. واي واحد بالتشليح القديم يعرفه.

الزينون ... لابغيت تركب فمرني .. اعرفلك ورشة مضبوطة تتكفل بكل شيييء.

الله لا يهينك .. وصفها ..( ما خاب من استشار).

[ابو خطاب]

اخوي العزيز


ودي لو تسير على هالموضوع وتعطيني رايك


http://www.mekshat.com/vb/showthread.php?t=109210

ابدلو بدلوي هناك .. عاد لا تغرقون من كثر القرق .. .. تراني ابغسل اذانكم بسواليف عن الجموس

[وقيان]

اخوي وش رايك في جمس 2006 حجم 2500 جير اوتوماتيك... شلونه بالنفود... وش هي عيوبه... اتمنى الرد بحكم انك راعي تجربة مع الجموس

[ابوالعبادل]

مشكور اخوي ابو خطاب السياره z-71دبل ازرار لكن عزم وصوت ووقفه تسرك ما يحتاج وانا ابغاه للبران بس\السياره اللي في الرابط 99 الشكل اختلف وترى ذا رفارف يعني سايد كت على ما يقولوا

[رجل كريم]

وعليكم السلام ورحمة الله وبركاته:

دايما احب اجلس نفس الجلسة هذي .. موضوعك ذو شجون .. واضح انك انسان حساس و شاعري .. (صاير محلل نفسي )..

فعلا ما الومك ..

الله يعطيك العافية ويهنيك بموترك ..

اللهم فك أسره
قل آمين.
انت ماشفت الا الجانب الابيض من الامريكي.
وبالتوفيق.

المواتر توافيق من رب العالمين ولا تنسى جودة الامريكي زمان افضل من الان ..

للجميع تحياتي ..

[شبح الصحراء]

مشكور لدعواتك وكل عام وانت بخير عضونا المميز غضنفر

الله يعوض عليك يالشبح ... وشكلك ماتوفقت هذا اولاً ... ثانيا الامريكي يبيله شخص عنده قابلية انه يتعلم ويكون خبرة ميكانيكية وكهربائية وان كانت بسيطة.. الحرارة ماتجي بدون سبب اذا تفهم مقصدي ... واكبر اكبر اكبر علة مسببة للحرارة هي الراس ... وقيمته بالتشليح 600 ريال ودور ياباني راس مكينته بهالقيمة

بالفعل شكلي ما توفقت فيه لأنه أصلاً خردة من أشتريته من راعيه الأول وهو أصلاً من مخلفات أرامكو يعني رايح فيها كرف وراعيه الأول غشني فيه وأعتمدت على مبدأ الثقة لأني سألته عن الدبل قال سليم بس العكس مفكوك علشان يخفف على الموتر! وطلع كلامه غير صحيح فالدبل طلع خربان وكلفني مبلغ كبير علشان أصلحه وطلع فيه خرابات كثيرة ما علمني فيها كلفتني مبالغ كبيرة جداً كان كل شي خربان فيه من عوامة البنزين إلى عدادات الطبلون والمكيف والسلف والدفرنس والدبل والحساسات ... الخ ! وكلفني تصليحها قيمة الجمس نفسه يعني كأني دافع قيمته مرتين والمصيبة الخراب اللي أصلحه يرجع يخرب مرة ثانية!!!! علشان كذا كرهت حاجة اسمها جمس وما عندي ثقة بالجموس ولا راعين الجموس!!! والحاجة الوحيدة اللي استفدتها من الجمس انه علمني الميكانيكا والفك والتركيب من كثر خراباته والمواقف اللي تعرضت لها وصارت شنطة العدة رفيقي اللي ما استغني عنه !! .

[سالم بن سالم]

ياخي شبح الصحراء لا الومك على ذم الجمس لان الموتر قرنبع يعني خردة وأي سيارة مستهلكة من أي نوع سوف تزعج صاحبها ولكن صدقني لو لقيت جمس قطع عشرة نظيف واستعملته لوجدت أن الاخوان معهم حق على حبهم للجموس وانا واحد منهم (من موديل 97 وتحت )
الحقيقة جربت سيارات كثيرة ما ارتحت إلى للجمس الونيت قطع عشرة دبل فهو يتحمل العفش الثقيل وصيانته سهلة جداً خصوصاً لمن لديه خبرة بسيطة في الميكانيكا وكذلك قطع الغيار رخيص ومتوفر في كل مكان حتى في قرى وسط الصمان كما أن قيادته سهلة وممتعة خصوصاً القيرالتماتيك .

[-المستشار-]

[escape_man]

اخوي ابو خطاب

انا قصدي ورشة معروفة للجميع لترفيع السيارات وطرق السست ومايجهلها احد وتعتبر هي الافضل بشهادة اهل الصنعة.. كل من سالته في الصناعية من اهل السست قالي هالشغلة الفلانية مايضبطها الا هم

وقصدي ورشة العيسى ... بعد اشارة الصناعية الي عند السلم للزجاج وانت متجه شمال بيجيك لوحة على يمينك بعد 200 متر من الاشارة ( ميزان العضيب) لف معها وشف الورشة على يمينك ... تقريبا ثاني او ثالث ورشة

[تيتشر]

100

ميــّــه

[مرقاب]

ماشاالله عليك ياسكبه مان والله يهنيك بالموتر الحق مواتر ولا قطع متوفره ورخيصه بس حنا شعب ماشي على شركتين تويوتا ونيسان مع العلم ان الامريكي سعره معقول جدا-خاصة الموديلات التي اقل من 2006-وموديلات الجموس التي في بداية الثمانينات كانت اغلى من الشاص بما يعادل 130 بالميه الان ارخص من الشاص وهي جديره بالاقتناء للجوده وللفارق السعري مع العلم ان الجموس الحوض لم تزد اقيامها خلال 25 سنه عن 30 بالميه بينما الشاص والياباني زاد بااكثر من 200 بالميه لتصاعد ارتفاع الين وننتهي ان العقل والمنطق هو في شراء السيارات الالمريكيه لرخص اسعارها ولان الاختلاف بين سيارات الفئه اختلاف نسبي ليس الا.

[هوى الشرق]

جابك الله يا مكشاتي متقدم تعبت وانا ادور لي واحد نظيــف اللي يقولي لا تاخذ الا مكينه 450 وواحد يقول 350 وبالنسبه لأسعارها مبالغ فيها بأختصار ابي فكره كامله ووين احصله وكم اسعارها والنوع الجيد الله لايهينك
اخوك هوى الشــــرق

[escape_man]

100

ميــّــه

تيتشر ... من تحاكي او من تعني.

ماشاالله عليك ياسكبه مان والله يهنيك بالموتر الحق مواتر ولا قطع متوفره ورخيصه بس حنا شعب ماشي على شركتين تويوتا ونيسان مع العلم ان الامريكي سعره معقول جدا-خاصة الموديلات التي اقل من 2006-وموديلات الجموس التي في بداية الثمانينات كانت اغلى من الشاص بما يعادل 130 بالميه الان ارخص من الشاص وهي جديره بالاقتناء للجوده وللفارق السعري مع العلم ان الجموس الحوض لم تزد اقيامها خلال 25 سنه عن 30 بالميه بينما الشاص والياباني زاد بااكثر من 200 بالميه لتصاعد ارتفاع الين وننتهي ان العقل والمنطق هو في شراء السيارات الالمريكيه لرخص اسعارها ولان الاختلاف بين سيارات الفئه اختلاف نسبي ليس الا.

شف ياخوي مرقاب ... اقولك الصراحة .. الجموس للاسف قلت جودتها وهذا شي واضح ولايمكن انكاره والياباني جته طفرة وصار بالقمة ولكن للاسف ماحافظ عليها فهما الان شبه متساويان بالجودة ... حتى الشاص وهو الشاص صار مو مثل سابقه في التحمل واصحابه يشتكون من هالشي... لكن يبقى ان الياباني مع غلاء سعره اسهل بالصيانة وتقدر تدبر امورك وياه لاصرت بمقطعة ولا صاد من هنا او هنا.

جابك الله يا مكشاتي متقدم تعبت وانا ادور لي واحد نظيــف اللي يقولي لا تاخذ الا مكينه 450 وواحد يقول 350 وبالنسبه لأسعارها مبالغ فيها بأختصار ابي فكره كامله ووين احصله وكم اسعارها والنوع الجيد الله لايهينك
اخوك هوى الشــــرق

الله يقطع بليسك يامكشاتي جديد
مكينة 454 هذي للمتقدمين والي لهم جلد على الخرابات ومقابلها ... دور 350 افضلك وزودها تزويد بسيط يعني شغله هدرز 1200 ريال ودبتين صاروخ كبيرة 200 وفلتر ايدلبروك 250 واسلاك مع بواجي رياضية 300 ريال ويطلع فشقه.

والاقيام عطينا تقرير سابق عنها وقلنالك المعدل المتوسط هو 15000 ريال

وقلنا انه لابد تنتبه من شغلات اساسية الي هي نظافة البدي وتكون نظرته حلوه + الشاصي سليم ومايكون ملحم وهذ قليلة وعلشان كذا اذا لقيت جمس نظيف تلقى سعره غويلي شوي.. وبعدين يالحبيب هذا كيييف وراعي الكيف مايرده القرش

[قناص متقاعد]

اللهم فك أسره
قل آمين.
انت ماشفت الا الجانب الابيض من الامريكي.
وبالتوفيق.

ههههههههههههههههههههه

والله انك صادق يابوسعد

الله يعينه على نفسه .

يا سبيك مان ترى زمان الجموس ولى مع اهله .

اللحين الجيوب والفكسارات والشيصان والفتكات وبس

اما الجموس يخلف الله