كيف تدهل طير قرناس وحش طرح الشبك

[الــدمــوي]

السلام عليكم
oqab الظاهر انت احد الامرين اما مالبست نظاراتك اليوم او توووك صاحي من النوم
انا قلت ان صاحبه الاول صايده (شابكه) بربيع الثاني ولم اقل انه صايد به انظر ايش كتبت ززين

اخوي العزيز
ميراج
الله يعطيك العافيه على هالشرح الرائع
واحب ان اسالك
عندي طير وكري وحش فرخ شريته قبل ثلاث اسابيع وصاحبه الاول صايده بشهر ربيع الثاني ولكن الطير هذا اتعبني مااينقز على يدي ابدا حاولت كم مره وجوعته يوم ويومين وثلاث ايام ولكن ماانفع ... ارجو اعطائي حل لمثل هالطير ... وشكرا لك

اخوك الدموي

عقاب ارجو عدم التطفل لاني سائل الاخ ميراج ولم اسئل عقاب

[ابو سلطان العتيبي]

الأخ الدموي

آسف جداً على مابدر مني واعتبرها زلة.

ولك الحق في وصفي بالمتطفل ولو هي قوية بعض الشيء لكن مقبوله منك.

وما كل مجتهد مصيب.

اكرر عذري لك .... و جزاك الله خير

[الــدمــوي]

عقاب اعتقد انك انت قلت انك متتطفل مو انا وارجع الى ردك !!!!!!!

اما الأسئلة فاتركها لاهل الاختصاص ليجيبوا عليها وليسمحوا لي تطفلي.

واترك السؤال لاخي ميراج لرد علي ؟؟؟؟

الـــــدمـــــوي

[الهداف]

مشرفنا ميراج

بعد التحيه

وش علاج الطير اللي مايرتفع فوق

يعني طياره على مستوى الارض


الهداف

[ميراج]

الاخ الهداف حياك الله

من اسباب عدم إرتفاع الطير

1 - ان يكون الطي اخرم والخرم فى خشم الطير كبير

2- ان يكون الطير تفريخ ويحتاج الى تعليم بتدريج عن طريق طرد الحمام

تحياتى

[ميراج]

الاخ الدموى حياك الله

الموضوع بسيط جدا ولاكن وسع صدرك على الطير التدهيل خطوه خطوه

اولا : يمكن اللى طرحه طولالفتره اللى راحت يعلفه وهو بالبرقع

ثانيا : يفضل إذا كان الطير يعلف على يدك إنك تضع العلف فى الدس وتقربه منه وتخليه ينقز من قريب جدا

وتكرر هذه العمليه عدة مرات وإذا تجاوب معك تكافئه بالعلف وهكذا خطوه خطوه حتى ينقز من بعيد

ثالثا : لاتعلفه وهو ما تجاوب معك نهائيا

علمنى بأخبارك اول باول

تقبل تحياتى

[ميراج]

الاخ عقاب حياك الله

شكرا جزيلا على المداخله وأبداء الرى

جعلك ذخر ولاهنت

تقبل تحياتى

[الــدمــوي]

اخوي ميراج مشكور على تجاوبك السريع معي وهذا اليوم الثالث الي مااعلفته بشي ابدا والله ياخوك اني حاط الحمامه بجنبه ابيه بس يطرحها وبعلفه منه والله ولا التفت للحمامه على طول يتلفت ويحاول الهرب .... وسوف اخبرك باخبار الطير اول باول ...

شكرا لك اخوك الدموي

[ميراج]

الاخ الدموى السلام عليكم

طيرك من كلامك ما دهل ويحتاج نقل وتدهيل لمدة ثلاث ايام وترى السهر يساعد على سرعة تجاوب الطير معك علف الطير على يدك إثناء التدهيل ( منا سر ) خفيف يعنى طول 24 ساعه نص ثندوة حمامه وبعدها
بتشوف الطير ينقز على يدك ويلاعبك لانه خايف منك الان

تقبل تحياتى

[الــدمــوي]

اخوي الغالي
ميراج

ابشرك الطير الي كان يخاف مني بداء يستجيب معي وجاءني اليوم من مسافة ستة امتار هااه اخوي ميراج وش تشووور علي بعد كذا

الدموي

[الهداف]

الدموي

الله يقطع ابليسك انت وها الوكري ياخوي اشغلت العالم به.

شكله وانا أخوك بارد ماهو حار وهذا عيب في الطيور
وبعدين لازم تحطه بين الناس وتشيل برقعه وتنقله دايم على يدك

المرة الجايه ادعه ابعد من 6 أمتار وخفف عليه

ماصار وكري هذا والله لو انه حر بعد، بعه اريح لك.

امزح معك أخوي

الله يعينك على الصبر عليه.


الهداف

[الــدمــوي]

هههههههههههههههههههههههههههه
الهداف الله يرجك يارب رجا عنيفا
هههههههههههههههههه امزح

يا خوي رفع ضغطي كان العام معي حر وحش مااسوى الي سواه هالطير شكلي توهقت معه ولكن انا انقله على يدي وحاطه بالمجلس الله يعين يارب

الدموي <<<<<<<<<<<<<<<<<< الي وهقه طير وكري

[ميراج]

حياك الله اخوى الدموى

طيرك ماعنده مشكله عتق انشاء الله بس واصل الدعو والتدهيل وكل ما جا ك نسره وذا عيا يجيك برقعه

عقبال ماتهد على الخرب

شكرا اخوى الهداف على المشاركه

اعتذر عن التاخير لانى ما افتح الجهاز فى رمضان الا قليل

تحياتى

[أبو رداد]

بسم الله الرحمن الرحيم السلام عليكم ورحمة الله وبركاته موضوع جيد وبارك الله فيك واتمنى يطلعون عليه صكاكير الجير

[ميراج]

الأخ ابو رداد وعليكم السلام ورحمة الله وبركاته

حياك الله بين اخوانك وفى منتداك ومشكور اخوى على مرورك الكريم على الموضوع

تقبل تحيات اخوك ميراج