رحلتي الي ابها البهية................

[ابوقاسم]

احبابي الاعزاء ....................
السلام عليكم ورحمة الله وبركاته وتحية طيبة برائحة الفل والياسمين والورد والكادي ...........
حبيت في الاجازة هذي اني اسوي ربوع بلادي وازور منطقة من مناطقها الجميلة واللي تتمتع بجو جميل يفوق اجوائنا في الشرقية واللي تكون عادة متعبة لمن تعود عليها ومميته للي ما تعود عليها.........................
فقررت اني اروح لــــــ أبها البهيه والمشهورة بجوها الشتوي في الصيف ......................
مشيت في الليل علشان اطلع من الجو الحار في وقت بارد او معقول .......................
وصلنا الصباح في جو بارد وغيرمعقول جو يخليك تعاف المكان اللي جيت منه ......
الصراحة من جمال الجو تمنيت اني حصاة في واديهم ولا عمارة في الشرقية .....
الصراحة عشنا في ابها احلى رحلة واستمتعنا بجوها وطبيعتها وراحة بال وامن اومان تمشي ما تخاف على حالك ولا على مالك الستر موجود والاخلاق ما شاء الله عليهم ترحيب بالزوار ومع انها منطقة المفروض تكون زراعية بس الظاهر اهلها ملوا من الزراعة واتجهوا للشقق المفروشة ......
رحنا الي المنتزهات ولاا نساها واجملها منتزه السودة وركبنا التلفريك اللي طول عمرنا نسمع فيه ولا شفناه ......
كانت رحلتنا بالتلفريك رحلة عجب مناظر مهولة سبحان الخالق المصور ترا ياجماعة الخير مناظر الجبال فيها رهبة
ونزلنا من السودة بالتلفريك لمنطقة معدة للاستراحة وفيها مطعم تبي شعبي تبي سريع كله موجود وتغدينا برمة .....يعني لحم في الفخار ...........بعدها رحنا لمتحف رجال المع على بعد 8كلم عن الاستراحة بالباص والله ياهو يسرع وهو ماشي ويرجنا في الباص كنا غراش ببسي لارجيتها تبي تنفجر من الغاز اللي فيهاوما صدقنا وصلنا علشان نستريح من هلباص وبعد ساعة رجعنا الي الاستراحة علشان نصعد السودة والمنظر اكثر من رائع وانت فوق تشوف الغيوم تحتك وتشوف الامطار والبرق تشوفه على المناطق اسفل الوادي اول مرة اشوف البرق تحت طول عمرنا نشوفه فوق ..............................................
يوم ثاني نزل علينا مطر ما عمره نزل عندنا خلال سنه كامله شفناه في ساعة والبرد خلا الجماعة تهج اللي جايب غداه واللي قاعد يشوي قام وحمل عفشه والحمد لله اني عرفت السالفه ورحت يم حدا الاستراحات واجرت غرفة بالساعه وجبت الغدا معاي وجلسنا مع العيال وتغدينا واحنا غرقانين في موية المطر اثره دخل حتى داخل غرف الاستراحات والعيال كنت خايف عليهم من البرودة والمرض ولكن ربكم الحافظ استرحنا في العصرية وجا الليل وطلعنا للتمشية والدوارة ..............
ومنتزة السحاب تراه روعة سبحان الله تشوف الجبال صغيرة وانت عليه وتطل على غابات خضرا وجميله .......
الصراحة مناظر لاتوصف ....
وهذي بعض الاحداثيات لبعض المناطق في ابها .....
مدينة ابها
N18.13.000
E42.30.000
السودة
N21.09.000
E40.31.000
مدينة الحكير للالعاب (عالم الديناصورات)
N18.13.551
E42.32.439
مستشفى ابها الخاص
N18.12.984
E42.29.879
منطقة الشقق المفروشة
N18.12.933
E42.30.598
محمية ريدة
N18.12.418
E42.24.612
ابها الجديدة منطقة حدايق منها حديقة ابوخيال
N18.12.583
E42.29.952
منتزة السحاب
N18.13.109
E42.23.802
السوق الشعبي (سوق الثلاثاء)
N18.12.859
E42.29.815
مركز التدريب المهني
N18.12.637
E42.32.648
البنك الفرنسي
N18.12.711
E42.30.219
بنك الرياض
N18.12.755
E42.29.952
ارجو اني افدت بالموضوع كل من له اهتمام بجمع الاحداثيات وتراها رحلة حلوة ويا حلاة بلادنا وممشاها في النهار بس النهار حار مع الشمس الحامية ..............

ومع السلامة

[المسفهل]

وعليكم السلام ورحمة الله وبركاته...

وصف دقيق وتعبير جميل كأننا نشاهد هذه المعالم ونعيش بين تلك الديار

ومما يزيد الموضوع جمالا هذه الإحداثيات لأهم معالم المنطقة .

وياليتك دعمت هذا الوصف الكتابي بصور تزيده وضوحا وثوثيقا وتضفي عليه

متعة وجمالا .

[مكشات]

الحمد لله على السلامة أخوي الغضى
ماشاء الله تبارك الله ، رحلة جميلة والوصف أجمل ..
كل الشكر على هذه المعلومات المتكاملة ، أدعو الله أن يجعلها في ميزان حسناتك
وبارك الله فيك
تحياتي

[ميراج]

الاخ الغضى السلام عليكم

وصف دقيق وممتع الله يعطيك العافيه

[ابوقاسم]

الله الله اثر الجماعة رادين من اول يوم وانا ما ادري .............
الله يسلمكم يا اخوان والعذر منكم على التاخير ترى المشاغل تاخذ الواحد وانا هاليومين لك عليه ما اجلس على النت الا بالنادر .............واسمحوا لي .
اشكر الاخوان اللي ردوا على مرورهم الكريم .
الاخ المسفهل يخوك ترى الصور جاهزة بس الحالة شقية عندي مشاكل في الجهاز وهذا احنا رايحين رادين بي محاكم وشرطة ........اقصد بين محل ومحل توليف واختراع نبي نسوي شي ولا احنا عارفين ........وخلها على الله يخوك .
الاخ العزيز مكشات بكبره عندنا الله مير يسلمك والجماعة من الشر والعج اللي شفناه بالطريق ....طبعا رايح من هنا الى هناك مشي .....اقصد بالسيارة.......
هلا والله اخوي ميراج الله يسلمك ويعافيك ونتلاقى معاك على الخط او بالبر ........
وسلامي لكم اجمعين.

[أبو داحم]

مشكور على الأحاثيات ألتي لا يستغنا عنها

[معمرها]

......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيك ألف عافيه على المجهود الطيب


شـــكـــراُ