15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 3 123 الأخيرةالأخيرة
النتائج 1 إلى 15 من 39

الموضوع: لكل من بهت الباترول بصرفية البانزين إليكم تجربتي

  1. #1
    تاريخ التسجيل
    Jan 2002
    الدولة
    السعودية
    المشاركات
    265

    لكل من بهت الباترول بصرفية البانزين إليكم تجربتي

    السلام عليكم يا أعضاء مكشات وكل عام وانتم بخير وتقبل الله طاعاتكم وإليكم الموضوع دون ديباجة
    =============================================
    المسافة التي قطعتها 712 km من عالية نجد إلى الدمام بـ7 ساعات إلا ثلث
    وقد عبيت الخزانين من نقطة الانطلاق ببنزين أوكتين 95
    حيث قطعت أول 70 km بسرعة بين 110:130 km
    باقي المسافة ثبت السرعة فوق 130 بشرطة
    وكان معي جركل إسعاف 24 لتر معبيه بنزين لو انقطع البنزين أثناء التجربة لأنه مانواني أعبي من المحطات
    طبعا تخلل الرحلة توقف لنقاط التفتيش وشراء مايلزم حيث وقفت في ثلاث محطات
    قطعت هذه المسافة ببنزين مقداره 118 لتر.
    ملاحظة :
    السيارة باترول سوبر سفاري 2007م قير أوتو تبترونيك
    الخزان الرئيسي 95 لتر
    الخزان الفرعي 40 لتر
    يعني باقي في الخزان ما يقارب 17 لتر
    يعني بإمكان الخزانين قطع 800 كيلو
    حيث أن كل 16.6 لتر تمشيني 100كيلو متر بحسب تجربتي
    وش رايكم بهذه الصرفية هل هي أكثر اقتصاد من البترولات السابقة أم لا
    ريحه كما ريح النفل في شعيبه= في مربع عله من الوبل تشعيب

    ممطور أمس ومرمس ماوطي به= واليوم شمس وفاح طيب على طيب

    الشاعر/سليمان بن شريم. رحمه الله.

  2. #2
    تاريخ التسجيل
    Mar 2007
    الدولة
    الأحـــســـاء
    المشاركات
    1,639

    رد: لكل من بهت الباترول بصرفية البانزين إليكم تجربتي

    وعليكم السلام ورحمة الله وبركاتة

    ماقصرت يا أخوي افدتنا لأن الكثير يسأل عن صرفية الباترول

    وصراحة صرفية الباترول الجديد أفضل من أي وقت مضى
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    موقع للرسول الحبيب http://www.rasoulallah.net/ أستفد منه وأنشره

  3. #3
    تاريخ التسجيل
    Sep 2002
    المشاركات
    1,154

    رد: لكل من بهت الباترول بصرفية البانزين إليكم تجربتي

    و عليكم السلام والرحمه وكل عام وانتم بخير
    ترى الممشى من الرياض الى الدمام الموتر في دحديره يعني نزول تدريجي لسطح البحر و تصرف بنزين أقل من صرفية عكس الطريق يعني من الدمام الى الرياض كنك تذب ظهرة نجد و نبعد عن مستوى سطح البحر

    لا تمدح البترول ترى أهوز نفسي على الجديد لأول مره بدل التويوتا

    تحياتي
    كلّما كان فكرك غنياً بالثّقافه، كلّما كان منطوقك متوهّجاً بالأدب!

  4. #4
    تاريخ التسجيل
    Jul 2007
    المشاركات
    618

    رد: لكل من بهت الباترول بصرفية البانزين إليكم تجربتي

    ما شاء الله تبارك الرحمن ... المسافة افضل من ممتازة وربما الاسباب هي التالي :-

    1- تضاريس الارض يعني (مدحدر) .

    2- ربما الهواء معك يعني نفس الدعسه من الهواء ..

    3- الموتر ما شاء الله تبارك الرحمن جديد و الاسطوانات في المكينة يمكن ما بعد اخذت الحجم الطبيعي .

    ومع هذا فالباترول عموماً في الخط ما شاء الله تبارك الرحمن ما يصرف مشكلته في الديرة ... ما يمشي ولا 500 كم ...

    ( تلميح ) *** انتبه لمستوى البنزين في التانكي الكبير ( الاساسي ) لا ينقص عن الربع لانك ستضطر الى حمله على سطحة بسبب طرمبة البنزين (تحترق) اذا فضى عليك التانكي كثيراً...
    ×مغلق× ×للتحسينات×

  5. #5
    تاريخ التسجيل
    May 2007
    المشاركات
    256

    رد: لكل من بهت الباترول بصرفية البانزين إليكم تجربتي

    السلام عليكم
    معي باترول 2004 مكينة 4800
    معبي في الخبر ومشيت في الليل الساعة 7.40 ومثبت على 160 وصلت لمدخل الرياض الساعة 10.15 واشتغلت لمبة التانكي الاول يعني مامشاني الى تقريبا 400 كيلو
    ماالمشكلة هل هو عادي والا الموتر فيه بلا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    تاريخ التسجيل
    Nov 2004
    الدولة
    الرياض
    المشاركات
    1,004

    رد: لكل من بهت الباترول بصرفية البانزين إليكم تجربتي

    السلام عليكم ورحمة الله وبركاته

    أخي الكريم : فتك ................ موترك مافيه إلا العافيه لكن المشكله أن سرعتك كانت عاليه ولذلك من الطبيعي أن يصرف ...... لأنه البخاخات لها وزنية رش خفيفه حتى سرعة 120 وإذا تعديت 120 تزداد وزنية الرش كلما أزادادت السرعه ..........

    والسلام عليكم ورحمة الله وبركاته
    اللهم أنصر الإسلام والمسلمين ودمر أعدائك أعداء الدين يارب العالمين
    لا لتايوتا ولا لنيسان ::::::::: لازم ننسى عادة زمان

    فلتبدأ الحملة العربية لمقاطعة البضائع الصينية من أجل عينك ياسورية
    ____________
    l____________l
    []l____________l[]
    [_O NISSAN O_]
    /_____patrol_\
    ____________
    l____1979____l
    []ــــــــــــــــ<>ـــــــ[]

  7. #7
    تاريخ التسجيل
    Aug 2004
    الدولة
    قلب الاسد
    المشاركات
    1,712

    رد: لكل من بهت الباترول بصرفية البانزين إليكم تجربتي

    اول مانزل موديل 2005 سفاري وقم 2 مشيت عليه من الدمام وعبيت من محطه العسيس اللي عند الشارع التجاري
    ووصلني الى الطائف ولعــت اللبه عند ثالث اشاره ونا داخل الطائف وكانت السرعه مثبته 120 والوقوف مره
    واحده وكانت للصلاه فقط
    .................................................. ............
    وبعدها بكم شهر مشيت عليه الىمكه ونفس التعبئه من نفس المحطه ونفس السرعه لاكن هاذي المره
    وصلني الى الحويه وولعـــت اللبه ليه (علشان توسعت البساتم وفتحات الابرالبخاخات )
    لاكن يعتبر صرفيته ممتازه جدا
    بالنسبه للجيوب الثانيه
    بالرغم ان حجم البسات اكبرمن حجم البساتم بالكرورزريعني المفروض انه يصرف اكثر
    لاكنه مع ذالك لايصرف ولاننسى توين كام يمكن انها تخفف من الضغط على عموت التيمن

    ان اشهد انه وحش في الخط وبالبر
    (دقشه )
    امس على طريق الجبيل بااتجاه كبري البحرين تتطارحت مع كرورز vxr
    موديل 2006 ووصل معي الى 210لكن تعوذت من ابليس وخليته يولي اول مره يوصل معي الكروزرالى 200العاده 190 ويرجع ريوس لاكن الحق يقال كان سواق محترف وعرف يسايس الموتر
    لاين صك الــ210
    بعدين الرجول قامت تنتفض الى ان وصلت البيت (ادري بتقولون السرعه مافيها خير)
    لاكن الله يكفينا شر كانت مجرد تحدي هودعس ونا ماصدقت على الله وادعس وراه الى ان طيحت اللي براسي
    وكسرت راسه هاذاللي باقي
    راعي ............لاتزعلون ياراعيين الكرورزر ترى الدوه مزح...
    تراني ماني راعي سرعه لاكن الباترول هواللي دعس ماهوانا
    قربت الساعه يابوصالح قامو يبيعون لحم بقواطي

  8. #8
    تاريخ التسجيل
    Jul 2007
    المشاركات
    618

    رد: لكل من بهت الباترول بصرفية البانزين إليكم تجربتي

    اقتباس المشاركة الأصلية كتبت بواسطة طحنون مشاهدة المشاركة
    (دقشه )
    امس على طريق الجبيل بااتجاه كبري البحرين تتطارحت مع كرورز vxr
    موديل 2006 ووصل معي الى 210لكن تعوذت من ابليس وخليته يولي اول مره يوصل معي الكروزرالى 200العاده 190 ويرجع ريوس لاكن الحق يقال كان سواق محترف وعرف يسايس الموتر
    لاين صك الــ210
    بعدين الرجول قامت تنتفض الى ان وصلت البيت (ادري بتقولون السرعه مافيها خير)
    لاكن الله يكفينا شر كانت مجرد تحدي هودعس ونا ماصدقت على الله وادعس وراه الى ان طيحت اللي براسي
    وكسرت راسه هاذاللي باقي
    راعي ............لاتزعلون ياراعيين الكرورزر ترى الدوه مزح...
    تراني ماني راعي سرعه لاكن الباترول هواللي دعس ماهوانا

    ما شاء الله تبارك الرحمن نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي بس انتبه ترا السرعة قاتلة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي طبعاً انا اكلم على الباترول اللي دعس مو عليك نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي الا انت تدري ان شركات التامين ما تغطي الحوادث الناتجة عن السرعات الرياضية ...يعني ثنين يتقاومون وصار حادث بخطاء احدهم راح يتحمل تصليح سيارة الخصم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  9. #9
    تاريخ التسجيل
    Sep 2007
    المشاركات
    112

    رد: لكل من بهت الباترول بصرفية البانزين إليكم تجربتي

    مشكور اخوي الروض على الموضوع الحلو والله يعطيك الف عافيه والله انك سكة كل من يقول ان الباترول يصرف بنزين ولا يصلح ومشكورين اخواني عل الردود الجميله .



    مع تحيات jomran

  10. #10
    تاريخ التسجيل
    Aug 2006
    المشاركات
    147

    رد: لكل من بهت الباترول بصرفية البانزين إليكم تجربتي

    بارك الله فيك

  11. #11
    تاريخ التسجيل
    Aug 2007
    الدولة
    السعوديه
    المشاركات
    258

    رد: لكل من بهت الباترول بصرفية البانزين إليكم تجربتي

    اسمع ياخوي من نزول الجيب الحوض 99 الي 2003 وانا كل مايطلع موديل اشريه صراحه صرفية البنزين ماهي طبيعيه ابد عليه شرب بنزين ماهو صاحي مافيه محطه بنزين يمر من عندها الا تعبي يعني ناوي يخلص علي بالصرفيه قلت ياولد مالك ومال صداع الراس والله واتخلص من اخر جيب حوض حرمت اركبه بمعارض النسيم بالرياض وهالحين الحمدلله محطات البنزين مدري وين موقعهن

  12. #12
    تاريخ التسجيل
    Aug 2005
    الدولة
    المملكة العربية السعودية
    المشاركات
    279

    رد: لكل من بهت الباترول بصرفية البانزين إليكم تجربتي

    على طاري الصرفيه يا شباب ابي واحد يقولي و ش بلا موتري اعبيه فل من الدمام و يخلص التانكي قبل الرياض بخمسين او اربعين كيلو السرعه تكون غالبا بين ال160 او 170 و الله اني محتار على فكره الموتر ددسن 2006 غماره
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  13. #13
    تاريخ التسجيل
    Nov 2001
    الدولة
    قلب الحبيب راعي عنيزة
    المشاركات
    717

    رد: لكل من بهت الباترول بصرفية البانزين إليكم تجربتي

    السلام عليكم
    اخوي معه هدد 2007 راح ابها من القصيم وعلى طريق بيشة يقول مايمشيني 600كلم والسرعه ماياصل 140كلم .
    تجربتي مع الباترول لنفس الرحله لكن من الرياض الطائف الباحة ابها اقل ممشى مشاني 650كلم السرعه ماتقل عن 140كلم .
    مرة اخرى رحت مكه وانا راجع عبيت من ساسكو اللي بعد مكه 80كلم تقريباً السرعه من 140 الى 150كلم دخلت الرياض والحمد لله من دون ماعبي .
    اخر مره رحت القصيم خرب على المكيف وانا توي طالع من الرياض الظهر في رمضان الله يعيدة قلت اسرع علشان اصل بسرعه السرعه ماقلت عن 170كلم الله يستر علينا طبعاً انا رايح الرس 500كلم من بيتي الى بيت الأهل ولعت اللمبه بالرس .
    باترول 2001 صالون .

    راعي كيف
    ابو ناصر

  14. #14
    تاريخ التسجيل
    Jan 2002
    الدولة
    السعودية
    المشاركات
    265

    رد: لكل من بهت الباترول بصرفية البانزين إليكم تجربتي

    الأخوة:
    باترول للأبد
    مشكور ومرورك اسعدني
    ======================
    أبو فيصل
    هذه تجربتي بين يديك ولا هناك أي مدح ليش هو االنيسان و أخوي والا ابوي؟
    وبالنسبة للمشى وأنا مسند ياكثرها مشيت من الدمام للرياض وممشاي بين 150 و170
    ويوصلني للرياض على توليعة اللمبة
    ومشكور
    ==================================
    Black VTC
    مشكور على مرورك وعلى النصيحة

  15. #15
    تاريخ التسجيل
    Jan 2002
    الدولة
    السعودية
    المشاركات
    265

    رد: لكل من بهت الباترول بصرفية البانزين إليكم تجربتي

    Vtc على هالسرعة صرفيتك ممتازة
    ومشكور
    =======================
    أبو أسامة شكرا لمرورك
    ======================
    طحنون حياك الله
    ذكرتني بيت ابن سرور
    روس الطوال اللي ورى حد طحنون يامابها من عنز ريم فريدي
    ================================

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •