السلام عليكم ورحمة الله وبركاته
الشكر موصول لك اخي العزيز علاء
طلعة الخميس مع الأخ علاء
بسراحة طلعه ولا اروع منها ويكمن سر روعتها في الصحبه الطيبه من ذوي الاخلاق العاليه ثم يعود الفظل لابو شوق لإنتقائه مناطق لايعلى عليها ولم اتخيل وجود مناطق قريبه وموفوره بالارزاق الكثيره مثل المناطق الي وصلنا لها وهذا ان دل فانما يدل على اطلاعه على المنطقه كبيرها وصغيرها وفق منهجيه لايتبعها الى كبار اهل العلم في البحر
حبيت هنه ابين نقطه مهمه خافيه عن الكثير من الاخوان الي هي انه معظمنا حاط ثقه كبيره في كل من ينسق للرحلات ناسياً او جاهلاً بوجود مناطق جميله جداً من ناحية الصيد لا يصل لها الكثير من منسقي الرحلات وهذا راجع لتخوفهم على قواربهم من دخول هذي المناطق او لقلة خراجهم من جراء هذه المواقع او لجهلهم بهذه المواقع
بسراحه انا مع هالرجل اكتشفت اشياء لاول مره اعرفها علما بان لدي قارب وينطبق عليّه الشي الي ذكرته سلفاً بخصوص منسقي الرحلات
وانا ادين للأخ علاء (ابوشوق) "مهووووس بحر" على ماقدمه لي شخصياً في هذي الرحله ولا اخفي على الاخوان مدى تعاونه واستعداداته وحرصه الكبير على متعة مرافقيه في الرحله واجزم ان سر نجاح هذا الرجل يكمن في الإجرائات الي يتبعها والبعيده كل البعد عن الامور الماديه
وهنه احب اوظح لكم الي حصل معي
حاول تعيش نفس الموقف الي حصل معي لما يتعطل عليك سلاحك طبعاً شدة الموقف لما يحصل العطل في بداية الرحله يعني بعد اول نزله بمعنى اوظح عند لطشة اول سمكه تخيل لما تحطها في الهوك وتلاقي نفسك تفكر في الاستغناء عن الثقل الي مستخدمه في نزلتك سنوركل تخيل كم حيكون ثقلها الي خلاك تفكر في الاستغناء عن الاوزان وعيش الموقف لما تتلفت حولك وتلاقي حجم حبيبتك السمكه الي في الهوك صغير قدام باقي السمك الي حولك وتجي تبغى تثبت صيخ المسدس يقلك ثبت نفسك اول اش يكون موقفك محاوله بعد محاوله بعد محاوله ومافيه فايده لو على الربلات هين لو على الصيخ برظه هين لو على الريشه برظه هين لو على سلك اللف برظه يهون يابيكون عندك اسبير او تستلف.زي الربل من اي واحد يعني بدل ربلين مشي حالك بربل واحد المشكله كانت في سستة الزناد يعني مااتوقع ان حد عمل احتياطاته وامن سسته عشان لا يتعطل ولاهي الي ممكن تستلفها من خويك زي الربلات طيب اطلع برا جو الرحله شوى وروح دورلك سسته تصلح فيها سلاحك حتروح عند السنبوك حيقلك طلبيه والدفع مقدماً وانتظر في السرا مع طلبياته الباقيه حتروح للخريف حيقلك دي متقيش لوحدهاومانطلبهاش ليك لوحدها اشتريلك زناد كاما ياباشه وادفع الفاتوره بس الحمد لله انا مشكلتي انحلت مع رجل المواقف لمروره بهذي المشكله سلفاً واخذه للاحتياطات اللازمه لهذا العطل والحفاظ على جو مرافقيه في الرحله
وكانت النتيجه ولله الحمد صيد وفير من فظل الله اولاً ثم بفظل هذا الرجل في اختيار المواقع
15 نوفمبر 2015 - 16:514 نوفمبر 2015 - 21:27
 |
رد مع اقتباس
