15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
السلام عليكم ورحمة الله وبركاته وبعد ..
مساكم الله بالخير جميعا ..
السالفة وما فيها هذا واحد من الربع معه باترول ربع 91 قير توماتيك .. الرجال يمشي ولا عنده من الشيطان طاري شوي والا القير مهوي يوم ناظر القير والاه بالدي(D) ويرجعه لرقم 3 ولا فاد2 مافاد عطاه الدبل كوده يمشي ماش الموتر معد يمشي تقول حاطه على (N) ...
علما بأن الزيت سليم مانقص ولا فيه برادة حديد ,,,
فياليت من الربع راعين البخص يشورون عليه ,, وشوركم وهداية الله
ودمتم سالمين ...
وَلِلَّهِ الْعِزَّة وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لا يَعْلَمُونَ
وعليكم السلام ورحمة الله وبركاته ،،
أتوقع 99% المشكلة بالدبل فصل معه ،، وإذا فصل الدبل لايمكن تمشي السيارة يعني كأنك حاط الدبل على N اللي قبل 4l ( الثقيل ) وغالباً يكون محتاج توضيب ،،
بس أهم شي لاياخذ بكلامي وينتظر الشباب وآرائهم وبعدها يمر على كم ورشة ومايستعجل وياخذ بأول راي والله يوفقه لما فيه الخير والمنفعة ،،
.
اللهم انصر إخواننا المسلمين في سوريا ،، اللهم ارحمهم وكن معهم ووحد صفوفهماللهم عليك بمن ظلمهم ،، أرنا فيهم عجائب قدرتك يا قوي يا متين
مكشاتي متقدم
السلام عليكم
مره صار معاي شي مشابه ولكن بسياره ثانيه
واتضح ان الموضوع بسيط ,, عبارك عن سلك كهرب خاص بالجير انفصل من الكبسه حقته
سبحان الله و بحمده .. سبحان الله العظيم
مكشاتي متقدم
ممكن من الطنجره والكلتش
مكشاتي متواصل
السلام عليكم ورحمة الله وبركاته ..
أخوي عاشق السيل ..كلامك سليم جدا وابنبهه لها واعلمك وش يقول له المكنيكي ..
أخوي عزيز ياليت توضح وش السيارة اللي خربت معك والرجال يقول سألت المكنيكي قال مافيه في القير أي فيش كهرب ..
أخوي بدون لوحات الطنجرة سليمة ..
أشكركم جميعا على التفاعل والمرور والله أنه من دواعي سروري أني اشوف الربع متفاعلين ,,
وبانتظار الأخوة الباقين ...
دمتم سالمين ..
مكشاتي متقدم
السلام عليكم
اخوي الداير السياره الي صار معاي فيها الموقف هذا هي تاهو 97 وكنت اغسله بمغسله الجيك الي يرفعوون فيها السياره و يغسلونها من تحت بماء ضقطه قوي ,, فا من قوه رش الماء حرك الواير هذا و انفصل
اول نزلت السياره و جيت ابي اعشق الجير ولا كاني احركه بالهوى ,, جبت الي يغسل السياره وشافه قالي لا ماعليك صبر شوي و رفعها مره ثانيه و راح هو شبك الواير هذا ,, و صارت معاي مرتين و كلها اثناء غسيل السياره بالجيك و عند نفس المغسله و تستانتج من انه الهندي الي يغسل السياره و هو ماهو ميكانيني يدل على انه هذا شي متكرر في السيارات و ايضا صارت لشخص وكانت سيارته صالون.
بعدين شلون يقول الميكانيكي الجير مافيه كهرب,, لازم فيه وصلات كهرب للجير التماتيك خصوصا
مكشاتي متواصل
السلام عليكم ورحمة الله وبركاته ..
مساكم الله بالخير جميعا ..
العلم يالربع القير خبط ويبي له شغله عندي لكم سؤالين :
1/ لقيت قير 2002 هل في تركيبه ضرر ؟؟
2/ وش رايكم لو اقلبه قير ومكينة أمريكي مهوب أوفر وأزين ؟؟
وللجميع كل الشكر
مكشاتي متواصل
السلام عليكم ورحمة الله وبركاته ,,
تم تركيب قير 2002 ولله الحمد والمنة ..
واشكر كل من شارك وتفاعل ..
والسلام عليكم ورحمة الله وبركاته
أخوي الداير ،،
ألف مبروك والحمد لله على كل حال ،،
لكن سؤالي كيف قدرت تركب قير 2002 مع إنه يجي عادي تماتيك يعني مايجي تماتيك لوحده لأنه مخصص للفتك 4800 ؟؟؟!!!
بانتظار ردك .....
.
مكشاتي متقدم
@@
شي غريب بنتظار الاجابه كيف ركب القير ؟
مكشاتي متقدم
كنت متوقع انه خبط
بس ما حبيت انها تجي مني
من الهندي ولا مني ههههههههههههههههههههه
مبروك القير
وننتظر اجابتك على الشباب
وسلمت
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
