ديوان الشاعر / أبو حمود

[ابو عايد]

بسم الله الرحمن الرحيم
السلام عليكم ورحمة الله وبركاته

(((المقدمه)))
الشاعر / أبو حمود - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))

ننتضرها من الشاعر

"""""""""""""""""
""""""""""

[ابو عايد]

"""""""""""""""""
""""""""""
((يا حي يا قيوم))
قصيده كتبتها في اواخر شهر رمضان المبارك هذا العام
اسأل الله ان يتقبل منا الصيام والقيام وصالح الاعمال انه سميع قريب

يالله تقبل ما عملنـا بشهـر الصـوم=يالله عساهـا عنـد مـولاي مكتوبـه
يالله يا رحمـن يـا حـي يـا قيـوم=يا غافـر الـزلات يـا قابـل التوبـه
يا منتهى الشكوى يا ناصـر المظلـوم=يا سامع(ن) نجواه يا مجيب مطلوبـه
يا واسع الرحمـه لا تردنـي محـروم=عسى وجيهنا يالله عن النار محجوبـه
إلاهي سجدلك عبدك الطايـع المهـزوم=ذليل وضعيف ويطلبك ستـر عذروبـه
تهاما دموعه خشية(ن) منك يا رحـوم=وانته مـلاذ العبـد لا كثـرت ذنوبـه
أنت الرجا والملتجـا يـا إلاهـي دوم=ولابه أحد غيرك لنـا نتجـه صوبـه
ولا فيه مخلوق(ن) عن الخطا معصوم=وسجل العباد أعمالهم فيـه محسوبـه
لك الحمد عبدك ماقترف منكر(ن) معلوم=وكباير ذنوب الشرك ما دنسـت ثوبـه
ويالله يا فـراج فـرج عـن المهمـوم=توارد عليـه افكـار عدلـه ومقلوبـه
ان البارحه عيني ما غمضـت بالنـوم=ويامل عين(ن) ما هتنت فيه لو نوبـه

الشاعر // أبو حمود

[/frame]

رابط القصيدة بالردود هنا

[ابو عايد]

قصيده((كل النحايا جعلها السيل مدرار))
الاخوه العزاء يسعدني ان اقدم لكم اول مشاركه ارجو ان تنال رضاكم

بديت باللي عالم(ن) كـل مـا صـار=ويامر على اللي ما بعد صار ويصير
علام ما يخفـى مـن كبـار وصغـار=فيك الرجا يـا ملتجانـا عـن الغيـر
البارحـه كنـي علـى واهـج النـار=يالله تحمانـا عـن النـار وتجـيـر
لا ضاق بالي من عنا الوقت واحتـار=وتعومس الخاطر همـوم(ن) وتفكيـر
فريـت دولاب المثايـل والاشـعـار=يالله تدرجهـا علـى مسلـك الخيـر
مـا ينفـع المهمـوم مقعـاد بالـدار=يا كود بر(ن) يسهجه صبح وعصيـر
مد النظر والشوف من غيـر منظـار=بارض(ن) خلا 00إلا من الذيب والطير
وخوة نشاما مـن طويليـن الاعمـار=ما يلحقك في مثلهـم شـك تقصيـر
على النقا والطيـب وافيـن الاشبـار=مـن حبهـم لهـم معـزه وتقـديـر
يالله تسوق الخيـر يـا وال الاقـدار=من مدلهـم(ن) بامـر رب المقاديـر
كل النحايـا جعلهـا السيـل مـدرار=يعمها ويخـص بـه ديـره( مطيـر)

الشاعر // أبـــو حــمــود

[ريف النشاما]

"""""""""""""""
"""""""""


"
"
"
"
"
""""""""""""""""""""
"""""""""""
"