تصليح قهوة الرجال ،، من المحماسة إلى الفنجال ( شرح مصور ) ...

**محآآآآآآآآآآر** · 28/03/2010, 10:28 AM

بيض الله وجهك ياعاشق السيل
ورحم الله والديك على هالحمسة وزمان عن صوت النجر
ماعاد ينسمع زي اول في البيوت وقت عصير
راحت علية بعد المطاحن الكهربائية
الله يعطيك العافية
أخوك،،،،،،،،،،،،،،،،
محآآآآآآآآآآآآآآآآآآآآآآآر

**سنايفي1431** · 28/03/2010, 05:21 PM

ماشاء الله تبارك الله شغل عدل
عليك بالعافية صور ونتيجة رائعة

**عاشق السيل** · 29/03/2010, 12:50 PM

المشاركة الأصلية كتبت بواسطة محآآآآآآآآآآر

بيض الله وجهك ياعاشق السيل
ورحم الله والديك على هالحمسة وزمان عن صوت النجر
ماعاد ينسمع زي اول في البيوت وقت عصير
راحت علية بعد المطاحن الكهربائية
الله يعطيك العافية
أخوك،،،،،،،،،،،،،،،،
محآآآآآآآآآآآآآآآآآآآآآآآر

وجهك ابيض وعساك ووالديك للجنة ،، يووووووووه وينك ووين صوت النجر بين البيوت ؟؟!!

راحت أيامه من زمااااااااان الله يخلف نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

،، أما بالبر والحمد لله إلى يومك نسمع صوته مدامه موجود بالعزبة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

الله يعافيك أخوي محار وشاكر لك ومقدر مرورك العطر اللي يسعد قلبي لا شفته والشاهد الله نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**عاشق السيل** · 29/03/2010, 12:52 PM

المشاركة الأصلية كتبت بواسطة سنايفي1431

ماشاء الله تبارك الله شغل عدل

عليك بالعافية صور ونتيجة رائعة

الله يعافيك ،، والأروع مرورك العطر وتشريفك للموضوع يالغالي ،،

بس تكفى وأنا أخوك شف حل مع صورة الرمان اللي بتوقيعك تراها ذبحتنا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**عاشق السيل** · 29/03/2010, 12:53 PM

المشاركة الأصلية كتبت بواسطة دوسريه كول

ماشاءالله .. ابدعت

دمت بحفظ الكريمـ
~

الله يعافيك أختي دوسرية ،،

شاكر لك مرورك وتشريفك للموضوع ......

**رســــــلان الوجه** · 29/03/2010, 12:57 PM

ياعاشق السيل أفرش الفراش وجهز القهوه وترا اذا ماسمعت صوت النجر ماني عندك لي عوده مستعجله على الموضوع بس اصبر شوي
ودي اسولف وبجهز لك قصيده بالنجر

**رســــــلان الوجه** · 29/03/2010, 01:30 PM

ياسلام عليك ياعاشق والله أبداع والله أن في من الجيل هذا مايعرف مسميات أدوات القهوه
وهذا كله بسب التطور الحديث على حد ما يزعمونه

أما صوت النجر يضيف جو حسي سمعي للجالسين ولعاشقين القهوة

والله لدي الكثير ولكن يعطيك العافيه على موضوعك الجبار

وبهديك قصيدة للشاعر عمي / خليوي بن محمد
شايباً كبير الله يطول بعمره جابوا له عياله طاحونه وتعرف هو في البر وجابوا له ماطور كهرباء المهم وبدلوا الدلال بتلاجه عشان يريحونه
وعلى هالحال شهرين ثلاث
في يوم من الايام زعل وتعرف زعل الشياب
وقال هالقصيدة
النجر والدله

النجر صاح ويشتكي مـن خطيـه ***خطيةٍ منهـا التكاسـل والاجـرام

النجر والمحمـاس صاحـاً سويـه *** ظواميـاً مابيـن مـورد وزهـام

يشكن مـن الطاحونـه الخارجيـه *** ساس الخراب اللي خطيره بالاوهام

والنجر قـال الهيـل والبـن ليـه *** حقي من القبله الى نقـرة الشـام

صوتي يجيب اهل الوجيه الرضيـه *** عزام للي يسمع الصـوت عـزام

والدله الصفـراء طموحـاً معيـه *** شافت وعافت من تصاريف الايـام

مسجونةٍ من غيـر ذنـب وجنيـه *** انا وخواتي حالنـا حـال الايتـام

تشكـن مـن الثلاجـه البربريـه *** اللي كما البومه عساهـا للاعـدام

هـذي رديـه مالـهـا مقبلـيـه *** وانا شريفـه كنـي الطيـر غنـام

يازين مجلاسـي بجنـب الركيـه *** يقلط عليه من هل الكيـف خـدام

انـا اشهدنـي قبلـة الشاذلـيـه *** تشهد لي العالم على ايدين الاخصام

وسلامتكم

**عاشق السيل** · 29/03/2010, 10:42 PM

المشاركة الأصلية كتبت بواسطة مجرهد الليل

ياعاشق السيل أفرش الفراش وجهز القهوه وترا اذا ماسمعت صوت النجر ماني عندك لي عوده مستعجله على الموضوع بس اصبر شوي

ودي اسولف وبجهز لك قصيده بالنجر

حياك الله يامجرهد وأبشر بأحلى فنجال وأجلى دلة وأحلى سنفونية من أحلى نجر نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

بس أنت قل تم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المشاركة الأصلية كتبت بواسطة مجرهد الليل

ياسلام عليك ياعاشق والله أبداع والله أن في من الجيل هذا مايعرف مسميات أدوات القهوه

وهذا كله بسب التطور الحديث على حد ما يزعمونه