ماهي اكثر حركه ترفع ضغطك بالشارع ؟ او بالبر؟ ادخل وشارك من فضلك

[راعي الدتسن]

بسم الله الرحمن الرحيم
السلام عليكم ورحمة الله وبركاته

سؤال موجه لكل واحد منكم

ماهي اكثر حركه ترفع ضغطك بالشارع ؟ او بالبر؟

بصراحه انا عن نفسي اذا وقفت عند اشاره وجا وقف بجنبك بعض الشباب(الله يهديهم)
وهو مطول الاغاني لاعلى درجه

مافيه احترام للي واقف بجانبه ولا كانه شي

او اللي يجدع قمامه(الله يكرمكم)من نافذه السياره , ويمكن ان يتسبب بضرر لاحد السيارات الي تمشي وراه




او بالبر الي يقوم ويغبر على العالم

او اللي يخلي المكان عقب مايقوم وسخ(حضرته ما يقوم يتكلف وينظف المكان بعده)mad:








وهناك الكثير من الحركات التي ترفع الضغط

ونحن بانتظار ردودكم (لا تبخلون علينا بها )

وجزاكم الله خير:

[الخماسين]

حدث ولا حرج ، من رمي علب الببسي ، واعقاب السجائر ، المصيبة البعض يدخن بجانب مضخة البنزين ؟!!
لا ادري كيف يأتي هذا الغباء !!

[شاهد عيان]

أنا أشوف إن ( أقــذر ) حركه يسويها بعض الشباب هي :

إذا كنت واقف عند الاشارة بالصف الأول ثم يجيك واحد من يمينك ويضع سيارته قدامك ( يعني أسخف من هالحركة ماشفت !!! ) ... وين أحترام الاخرين ؟

[Bader-M]

البر
الزبايل (الله يكرمكم )
اما في الديره
المبزه الي تفحط

[عاشق النحم]

السلام عليكم ورحمة الله وبركاتة

بالنسبه للبر الزبايل والوصاخات

وبالنسبه للخط المصاقط اللي ماله داعي

أما الحركه اللي اذا سويت فيني أطق أكنس الطبلون260 اذا أحد حدن

والله ياهي قلة حيا :mab:

[مخاوي الذيب]

السلام عليكم
بحكم اننا بوقت الصيد اكثر ما يرفع ضغطي
إذا كنت متجه لشجرة طلح وناوي اصيد فيها يجيك واحد من ها المطافيق مسرع يبي يسبقك على الشجرة ويغبر عليك لا حيا ولا اخلاق

وتسلم ياراعي الدتسن

[ابوياسر 11]

الصراحه أخوي(راعي الدتسن)،،
مشكور على ها الابداع ،والصراحه
(نداء لكل من يعمل هذه الاعمال يفهمها تراها
طريقه جديدة بدل الكلام الطويل)
--------------------
في الديرة اللي يجيك وياقف عند الاشارة على اليمين والناس تضرب له من
هالبواري،ولا عندك أحد.... خاش جو (غلط)؟؟؟
خاصة أوقات الذروة،وبالطرق المزدحمة
------------------
بالبر اللي يقوم من مكانه ويخلي كل شيئ مكانه!!!
الصراحه أنا عن نفسي أعتبرها قلة حياء؛؛؛
ياأخي :هل ترضى إنك تجلس بمكان مليان (زبايل)،،وأنتم بكرامة
الواحد إذاجاء يجلس راح يدور مكان نظيف ثم يقوم وهومليان (قواطي،أكياس...إلخ
المفروض إنك تحط نفسه مكان اللي بيجي بعد ك هل يرضيك تلقى المكان كذا....
خاصة إذاكان تحت طلحه كبيرة أو بالشتاء بمكان (ذرى)،عن الهواء!!!!!!
----------------------
إعذرونا على الاطالة....
بس اللي بالديرة قبل شوي حصلت لي وأنا جاي للبيت .. ودي الصراحه
لوأمسكه وأتوطى ابطنه قدام البشريه!!!!..
لكن............................................... ......؟؟؟؟؟!!!!!!!!!!!!!!!!!!!!!!!!
----------------------

وتقبلو تحياتي ،،،
محبكم :المجرووح

[الكاشت . كوم]

الصراحة إنكم ما خليتوا شي ... لكن عندي إضافة..

بعض الناس إذا كنت ماشي بخط وهو قدامك ما تدري إلا وهو جادع الموتر يبي يلف!!

تقل الإشارات عليه فواتير!!!

وللا بعض العمالة الله يهديهم (ينشق)الله يكرمكم وبعدين>>>> تففففففففففففففف!!

آسف على الصراحة الزايدة بس شي يقهر!!

[عاشق الكشتات]

ما شاءالله كل الحركات اللي ذكرتوها ترفع الضغط بس عندي أضافه بسيطه

أذا صرت عند الاشاره وقدامك ددسن موديل70 وأذا فتحت الاشاره طفأ موتره وأنت وراه واللي وراك بيييييييب طااااااااااااط وأنت متوهق مايمديك تسوي شيء لا تقدر تروح لا يمين ولا يسار لانك ملحم في الددسن واللي وراك ملحمين فيك

[Najd^Prince]

بسم الله الرحمن الرحيم


ماراح أتكلم عن الحركات الي تقهر في البر لان أخواني من قبلي كفوو و وفوو .

بس من الاشياء الغبيه الي يسويها البعض في المدن والطرق السريعه :

1/ تسقط على واحد حاط العالي ومايحترمك و لا يعبرك .

2/ التجمهر عند المدارس وخاصتاً أيام الاختبارات .

3/ مطارد التفحيط والاهتمام بأخبارهم .

4/ تلقاك بالضهريه كاره نفسك وتحصل حادث والي قدامك مبسوط ويمشي ( 20 )

هذا إذا ماوقف بعد .

هذي بعض الاشياء الي لفتت إنتباهي وماخفي أعظم .

لكم أجمل التحيه و التقدير .

[أبو ريم]

السلام عليكم
سراحة اكرة حركة عندي هي
اذا قام واحط وطلع من مخباتة بكت الدخان وقام يدخن قدامي
والاعضم من هذا يكون مركب معة عيالة ويدخن والبزر يقلد ابوة
ومعليش للاسائة

[معمرها]

......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيكم ألف عافيه على الموضوع

اما في المدينه ليس لى اضافه الشباب ماقصرو


اما البر الزباله(( اكرمكم الله))


شـــكـــراُ

[قمره]

يا هلا وغلا بالجميع


اشكر على الموضوع اخوي


بس ودي اقول انها اتعس حركه بالبر لا جيت بتلقى لك مكان تقعد فيه وتبتدي تنزل اغراضك

يجونك عرب ربي يستر عليهم ويقعدون جنبك ولا كأنك موجود؟؟


اما الحركه التعيسه اللي بالمدينه لا وقفت عند الاشاره

تسمع لك منوعات ما عمرك سمعتها




تحياتي

قمره

[ابومدين]

يعطيكم العـافية

ايضايقني بعض الناس عند الإشارة عندما يفتح باب سيارته
ثم يبصق اكرمكم الله دون مراعاة لاحد من عباد الله
وهذه عادة قبيحة

[قناص القرائن]

موضوع قيم جدا
كما قلت الدتسن الاغاني إذا رفعوا عليها وهذه ظاهره خطيره يخشى علينا من العذاب فارجوا من راى من يرفعه النصيحه النصيحه

في البر إذا انعم الله علينا بالربيع جوا بعض الشباب يفحطون عليه هذي الحركه ترفع الظغط وترفع السكر وتعورالقلب انا لا ادري من اي كوب هذا الشباب هل لهم عقول الله اعلم؟؟؟؟!!