اي الجيوب احسن

[عبيد بن خلف]

معك فلوس خذ لاند مامعك خذ فتك مايحتاج العصبيه وكلها يبيلها تعديل معاونيات بالون رفعه كلهن طيبات فيه الفكسار الجديد سبير علاق 5.7 ممتاز ونظره

[قادم من قريب]

باترول، ممتاز جدا

[Adel1111]

اللي مايعرف الباجيرو غشيم

[خالد النتيفي]

بحكم تجربتي للنيسان والتويوتا أنا أفضل التويوتا لتحمله الشديد وتقبله عند الناس وتقبله في السوق في حال البيع والشراء

[مكسر الشداد]

مع ان الموضوع قديم لكن مايمنع من المشاركه
برائيي ان الي قاعد يقارن بها الطريقه ماعنده علم لا بالسيارات ولا بالبر
البر يابعدي جروف ومسايل ماء وعثامير او نفود وفيه الوعر والسيوف والرباضات او طرق صحراويه كله بطناج ومطب
وراعي ال
بر فيه احد بره وطلعاته تروح لها الصغيره
وفيه راعي مطاريش بعيده وايام وفيه احد كل اسبوع بالبر وفيه احد بالسنه احسنه
فا ميز انت من اي فئه وخذ المناسب ،،،، اقوى شي للبر شي تحتيه دفرنسات وسست ثم يجي الي يكون دفرنسات وياي ثم يجي بالاخير الي تعليقه مقص ويايات وانت حدد
كل السيارات المذكوره فيها عيوب وايجابيات ،،،

[طويق2010]

سبحان الله التيوتا مايشترية الا قعيطي خايف يخسر في الموتر اذا جاء يبيع

مافية مقارنة بيت الفتك واللاند الفتك بالطبع اقواء
واريح وارخص بالسعر يعني المفروض القعيطية مايفوتونة

بس سبحان الله الناس تخشى الفقر وتخاف منة يعني انت شاري الموتر علشان تبيعة ولا تستخدمة

[faisal 506]

مافيه زي الاندكروزر كجيب عندنا بالخليج لعده امور:
قوه وتحمل
كشخه
قطع غيار بكل مدينه وقريه ومحل
قطع الغيار رخيصه جداً مقارنه بغيره من الجيوب
تجد قطع الغيار متوفره بكثره بالتشاليح وبرخص التراب
يعتبر شيك بالمخباء عند البيع حيث لاينزل سعره كثيرا
سهوله العثور على مشتري في حال قررت البيع مهما قدم موديله

علما اني انضميت لملاكه ولله الحمد مؤخراً

ولا اخفيك بإعجابي لموتري السابق باترول سفاري فهو يتميز بالقوه والتحمل الجباره
فهو يتفوق على الاندكروزر بمراحل من حيث القوه والعزم بالبر
لكن يعيبه امور كثيره
السياره من الداخل والخارج تتهربد بشكل سريع وتتفكك خصوصا من يدخل بها للبر كثيراً
قطع غياره تكاد تكون بالمدن الرئيسيه وليست بكثره وغاليه بالاسعار
وغير متوفره بالتشاليح الا بشكل نادر ان اردت شي
سعره ينزل وبقوه ان اردت بيعه وهذا لم اجد له تفسير ولا اعلم لماذا مع ان زبونه متوفر وتستطيع تصريفه بكم يوم
شكله شبابي وشبهه هههه وبعيد جداً عن الفخامه والكشخه

اما الباجيرو لااخفيك سراً انني فكرت وراودتني نفسي كثيراً بشرائه لعده اسباب اهمها سعره المغري مقارنه بغيره من الجيوب
لاكن عدلت عن ذلك لعدت اسباب ومنها معانات صديق لي اشتراه وصار عليه حادث وعانا كثيرا بذلك من قطع غيار غاليه
وقطع لاتوجد لدى الوكيل ولا التشاليح وهي الكماليات الداخليه وسوء تعامل من الوكيل
وبالنهايه باعه بثمن بخس للتشاليح من انه جديد نوعاً ما

واتمنى بشكل جدي ان يتغير وكيلها لوكيل اخر نشيط وتتطور للافضل فهي سياره رائعه جداً مقارنه بسعرها مع غيرها من الجيوب

واذا اردت ان تحكم على سياره فأحكم من خلال نظره شموليه من جميع النواحي

وبالنهايه لايصح الا الصحيح التيوتا وبس والباقي لايهمك

[ابو سالم22]

الباترول وبس قاهر الصحراء شيخ المواتر الباترول

[المدير1]

التويوتا
النيسان
الباجيور

[ريح الشمال.]

استغفر الله العظيم واتوب اليه
سبحان الله عدد خلقه

[XRAY MAN]

أهم شيء لا تقرب الرخمه الاندكروزر الـ 6 سرندل لو تشتري كامري أصرف منه

[عبدالهادي قطر]

كل المذكورين ممتازين بس افضلهم اللاند

[هاوي الجكس]

أهم شيء لا تقرب الرخمه الاندكروزر الـ 6 سرندل لو تشتري كامري أصرف منه

الموديلات الجديدة مكاينهن مزودين احصنتها من 2012 وفوق

لكن من سواق لسواق يفرق

[هاوي الجكس]

سبحان الله التيوتا مايشترية الا قعيطي خايف يخسر في الموتر اذا جاء يبيع

مافية مقارنة بيت الفتك واللاند الفتك بالطبع اقواء
واريح وارخص بالسعر يعني المفروض القعيطية مايفوتونة

بس سبحان الله الناس تخشى الفقر وتخاف منة يعني انت شاري الموتر علشان تبيعة ولا تستخدمة

الله يكفيك شر التعصب ��

وش جاب الثرى للثريا الله يرضى عليك

واخرتها سنتين ومتفكك الموتر

[جنيفاوي 503]

السلام عليكم
الفتك افضل من اللاند من وجت نظري
1_دبل عصا
2_دفرنس قدام وورا ومريح
3_مكينته اقوى من اللاند السته الجديد والقديم
ولا يبرد في النفود مثل اللاند الجديد
4_قير ودفرنسات افضل من التويوتا واغلب اهل الترهيم ياخذون الباترول
5_سعره جديد ب145 2016فل كامل قير عادي
بها القيمة يالله تجيب لك لاند G
6_ مسالة التفكك معي فتك موديل 2012 وكل اسبوع اطلع البر صيف وشتاء ومشاء الله الموتر متماسك وهواء الكفرات في الديره 25 والبر 20
عيب الفتك صرفية البنزين فقط