تصميم عاشق السيل لبرميل المندي العجيب ،،،،

[شعيب مشار]

ماشاء الله عليك اخوي

وتصميم روعه اخوي

[مرقاشه]

الله يعطيك الف عافيه
بس عندي سؤال وين احصل هذه فيه؟

[sarab99]

ماشاء الله فكره جميله وممكن بعد تصميم قطعتين يتم توصيلهم مع بعض او فصلهم لمن يرغب الرز مع الشوي.

[عاشق السيل]

المعتبر : وبارك الله فيك وعسى الله يرزقنا السيل ياكريم ،، وشاكر لك مرورك يالغالي ،،

العنبري 1 : وأنت الله يبارك فيك وأنا أعرف مندي التبن أعزك الله وأعرف طريقته والظاهر إني أبسويها على هالبرميل بس مشكلته لازم ونيت علشان تحميل التبن ، وأعترف إن طريقة البرميل ليست جديدة مثل ماذكرت بالتقرير لكن تنفيذها بالشكل المختصر هذا هو الجديد !! وبيض الله وجهك وشرفني مرورك يالغالي ...


.

[عاشق السيل]

شعيب مشار : الله يسلمك يالغالي والروعة مرورك على الموضوع اللي أسعدني وشرفني ،،

مرقاشه : ويعطيك ألف عافية وياليتك تصبر علي شوي حتى أتفق مع راعي محل للرحلات يتبنى تصنيعه بكميات وأنت أول واحد راح أقولك علشان تشتريه ،، مع العلم إن بعض الشباب اللي أعرفهم أخذوا الفكرة وراحوا للحدادين والتنفيذ جاري ،، لك مني خالص الشكر والتقدير على المرور ،،

أخوي سراب99 : والله إنك جبتها والظاهر إني أبسويها علشان نرضي عشاق الرز المندي !! والأفكار هذي تسعدني واللي أسعدني أكثر مرورك يالغالي ....



.

[kingablue]

ما شاء الله تبارك الله
فكره جميله جداً

[مجتهد***]

مشاء الله
فكرة رائعة
مبدع

[عاشق السيل]

أخوي كنق : الله يسلمك وشاكر ومقدر مرورك يالغالي ،،

أخوي مجتهد : الله يبيض وجهك والجاي أروع إن شاء الله وتشكر على المرور يالغالي .....



.

[عاشق الطبخ]

ياخي مافهمت ذا البرميل وشلون يشتغل يعني كم كيلو لحم يشيل بعدين هل يكفي لعشرة اشخاص انا اشوف لم تم وضع الحطب الحطب غطاء البرميل الصغير كامل كيف تضع اللحم والشبك والحطب كثير في البرميل وهو مايشيل الى قليل من الحطب

اشوف البرميل غير عملي بصراحه واخاف اطلع اللحم القاءه ماستوى

ارجو التوضيح

[ذيب صعافيق]

فكره ممتازه وأرى ان التوصيله التي اقترحه ا لاخوان تكون أكبر قليلا من ا لاولى بحيث يدخل ا لاول بالثاني واذا قلب صار على شكل برميل

[عاشق السيل]

أخوي عاشق الطبخ : أبشر بالتوضيح !!

أولاً أنا ماقدمت هالبرميل للمنتدى إلا بعد التجربة الناجحة مية بالمية ،، وبعدين هالحطب اللي شفت تراه راح كله جمر في قاع البرميل ،، وإذا حطيت الشبك يصير بينه وبين الجمر يمكن 5 سم بس !! ثم تحط اللحم والبرميل يشيل نص ذبيحة بالراحة يعني إذا طبخت رز بالكاتم وحطيت نص الذبيحة أكيد بيكفي عشر رجال !!! (( يعني باختصار البرميل عملي جدا )) ولك مني خالص الشكر والتقدير على مرورك يالغالي ....


.

[عاشق السيل]

هلابك أخوي ذيب صعافيق ،،

ومسألة التوصيلة تراها على البال والله يعافي اللي عطاني الفكرة لأنها أعجبتني كثير وعلشان نلقى حل للرز !!

أشكر يالغالي على تفاعلك وعلى مرورك الكريم ....



.

[ثعل البرد]

ما شاء الله عليك

فكرة رائعة

[رقم9]

يعطيك الف عافية اخوي على هالفكرة الرائعة لكن ياليتك تشوف حل للابو كاس قصدي الرز لان الانسان اذا كان يبي لحم بدون رز يقدر يشويه شوي وفي البر شغلة الشوي بسيطة مثل ما يعرف الجميع بعد ما يجمر الحطب توضع اسياخ اللحم فوقه بكل بساطة ولكن الرز مع اللحم المندي بدون برميل كبير ياخذ حيز كبير مع العفش وياخذ وقت في دفنه واخراج البرميل مرة اخرى شغلة ثانية
على كل حال اخونا اتحفنا بمندي اللحم وعلينا يالباقين نفكر باضافة اللرز مع اللحم بتكبير حجم البرميل كم سانتي
تحياتي للجميع اخوكم رقم 9

[NissaN 1990]

يعطيك ألف عافيه فكره خياليه