الماب سورس ب 100 !

[راعي عنيزة]

سلامن عليكم

يوم الخميس الماضي كنت في بريدة الشقيقه ودخلت احد المحلات المشهوره بالتجهيزات البريه ولفت انتباهي انهم يبيعون سيدي اصلي مكتوب عليه ماب سورس وعليه ملصق السعر 100 ريال !!
استغربت وسئلت البائع وبالفعل اكد لي ان السعر 100 ريال فقط لا غير !!

الي اعرفه ان الماب سورس مع الحب والشفاعه ما تنزل قيمته عن 450 ريال فافتونا ماجورين

[الهاوي]

والله اعلم اخاف انه نسخة ( كوبي ؟) مهوب اصلي وملزقين علية الاستكرات وهذي بسيطة
يمكن !!!!!!!!!!

[مغرم البر]

هلا والله ب راعي عنيزة

أعتقد أن السعر صحيح !!؟؟

حتى فى الخبر عند الوكيل (دار الموجه) سعره 200 ريال... السعر نزل.

ولعالم الله أنه نزل ... علشان نازل سي دي جديد تابع للفارسي فيه خرائط المملكة بشكل تفصيلي مرة.

[السمح]

أخي الغالي "مغرم البر" ياليت تعطينا تفصيلات أكثر عن السي دي لخرائط المملكة للفارسي .. تكفى الله لا يهينك .. وشو وهل نزل .. وإذا نزل وين نلقاه .. وإلا وش أنت سمعت بالضبط .. نريد معلومات إضافية إذا ما عليك كلافة يالغالي ..

تقبل تحياتي ..

[راعي عنيزة]

الهاوي هلا بك يا خلفهم وما اعتقد انه كوبي لان المحل وكيل دار موجه بالقصيم وماظنته يتوهق عشان ما تسحب منه الوكاله

مغرم البر
كل شي جا يز يا خلفهم ولا عليك امر تعطينا مزيد من التفصيل حول سيدي الفارسي

السمح القلوب شواهد نفس طلبي

[مغرم البر]

هلا والله بإخواني يا لله تحييهم … جعلي ما فقد ذي الوجيه.

أخواني الكلام ذا جاء من مصدر موثوق … أن الفارسي وهو شخص معروف , مهندس , وهو أول شخص وضع خارطة للمملكة تفصيلية ب ألوان وهي منتشرة فى جميع المكتبات ومعروفة.

وهو منذ مدة يعمل على إنشاء خارطة رقمية للمملكة (Digital Map) كي يمكن استخدامها في أجهزة الحاسب الآلي (الكمبيوتر) و أجهزة الملاحة و من بينها محدد المواقع العالمي (GPS) وحسب المصدر أن هذه الخارطة يجب أن تكون في الأسواق منذ شهرين ولا كن شي حدث آخر هذه الخارطة من النزول إلى الأسواق وأن صدق ظني أنها بتكون في السوق خلال الشهرين القادمة إنشاء الله.

تحيتي …. وحاضر وممنون…. تحت آمركم في أي وقت.

[أيمن]

[marquee1]عافاكم الله جميعًا ..[/marquee1]
وبالفعل وصلني من مصدر يعمل في هذا البرنامج أنه بعد شهر يزيد أو ينقص قليلا سوف تتواجد في السوق ..

تحيتي

[راعي كيف]

والله انا لاقية بحراج بن قاسم بهاك القيمه وقالولى شفة بالمقاصيص ارخص


وش الى انتم تحسون عنه ؟؟؟؟؟؟؟؟

الله من الدباشة ياراعي كيف أيه يسد راعي عنيزة

[فتى الوادي]

السلام عليكم ورحمة الله
اللي أعرفه أنا أن الماب سورس برنامج على الكمبيوتر يساعد بنقل ةتعديل المعلومات من جهاز البوصلة GPS إلى الكمبيوتر مع كثير من المميزات الجميلة والمفيده ...
ولعل ما وجدته يباع في المحل بقيمة رخيصة أحتمال يكون يخص نوع قديم من الأنواع الكثيرة واحتمال آخر ان يكون مجرد خرائط فقط .
والسلام عليكم

[عبدالعزيز الدباسي]

خالي راعي عنيزة ،،،، الحقيقة انا اشك ان اللي عنده نسخة اصلية لان سعر السي دي من نفس الشركة الأم Garmin بـ116.65 دولار ،،، يعني تقريبا 437.44 ريال

وبعدين تعال عندك ،،،، الحين وانا اخوك ماتعرف السى دي المنسوخ من الاصلي , وهل هو مثل اللي بالصورة


على العموم عطني فرصة واعلمك وشو اللي عنده ،، وهل هو منسوخ والا اصلي ،

[مغرم البر]

يا خوان ليه مختلفين ….!!!؟؟؟؟؟

إلي ماهوب مصدق يتصل على الهاتف: 8648054/03 دار الموجة -الخبر- المنطقة الشرقية

السعر 200 ريال (مع الواسطة)

تحياتي

[أيمن]

[shadow=orange]وفي الرياض النسخة الأصلية في معرض الاتصالات المقام الآن يباع بـ (مائة ريال) فقط لا غير .[/shadow]

[راعي عنيزة]

راعي كيف
ذا برنامج تبرمجه على الهايلكس يطلع له جنحان وتبدا تطير

فتى الوادي
يا بعدي اعتقد جميع النسخ الموجوده هي 2 وتحدث من النت لتصل 4.06

خالي شقردي
نعم يا خال هذا نفس صورة البرنامج

مغرم
ما اختلفنا لكن نسولف
مشكور على الارقام

مشرفنا ايمن
اذا قال ايمن فصدقوه ***** فان العلم ما قال حذام
كفو والله ابو حمد عزالله انك جبت الخبر الاكيد

[اتريكس فيستا]

هل تعرف يااخي راعي عنيزة كيفية تحديث الماب سورس عن طريق الإنترنت اذ النسخة اللي عندي هي version 3.0 .
ملاحظة : الماب سورس انا اشتريته بمائة ريال فقط لاغير نسخة اصلية وليست منسوخة .

[راعي عنيزة]

حياك الله اخوي
بامكانك تحديث الماب سورس بانزل ملف التحديث من موقع الجارمن
http://www.garmin.com/software/ms406usb.exe