مراهيش نوّك ،،،،،،

[عاشق حائل]

مراهيش نوك ما تبل الورق يا هنّ
لها اليوم تاسع يوم تبرق ولا سالت

يقولون لا ضاقت عليك الوسيعة غنّ
وأنا أقول شفت مقرّد الخلق وش قالت

أنا البارحة من يوم غابت إلين أذنّ
تحلوى عيوني للكرى مير ما احتالت

يثوع النعاس من أرمد الجفن يوم تعنّ
سراميد غيظ بالحشى حبلها فالت

ما غير أتدرق بأسمر الليل لا جنّ
هجوس تخطرت هيبة الجرح واختالت

هجوس ليا قامت تكرب وقمت أونّ
تصرن بمعاليق الحنايا ليا انهالت

ذلول الهجاد اللي نبت في جماها سنّ
من العام تثعى في ضلوعي ولا زالت

حلال الذهب ليا استشاطت لبسها جنّ
يا كيف أتجود في نحرها ليا مالت

وأنا يوم أمس بطانها ما عليّا منّ
يدين الهوان إن حطت اللوم وإن شالت

أبي أزم نفسي عن طمانن هواهم مصنّ
وأعدي لجفني وأرقب العين وش خالت

عليها الملام ولا عليها السلام أبدنّ
يدينن تبي قصرت يديني ولا طالت

بعدما نفضت غبار صدري ولا ديّاهنّ
بعدما روت روحي من الغيظ واكتالت

يقولون لا ضاقت عليك الوسيعة غنّ
وأنا أقول شفت مقرد الخلق وش قالت


مساعد الرشيدي ،،

[السمح]

رااائعة يا عاشق حايل .. سلمت وسلم مساعد الرشيدي..

يقولون لا ضاقت عليك الوسيعة غنّ ............... وأنا أقول شفت مقرّد الخلق وش قالت

وش حلو هالبيت ..

يعطيك العافية ونبي درّة ثانية الله لا يهينك ..

تقبل تحيتاتي ..

[مخاوي الذيب]

صح لسانك قصدي اناملك على هذا القصيدة الرائعة يا (عاشق حايل)

[ساره]

صح لسانك

[سلطان العضيدان]

صـــــــــــــــــــــــــــــح لسانك

[الشيب]

السلام عليكم ورحمة الله
هلا خواي كيف الحال والحوال وتسلم على ما ...
وصح الســـــــــــــــــــــــانك

[مغرم البر]

صح الســانك

الله يبيض هلوجه

[عاشق الصحراء]

صح لسانك ولسان قايلها

عز الله انّك تخيّرت و اخترت.......
الله يعافيك على هالمشاركه..و انا بعد من عشّاق حايل وكل ربوع بلادنا الغاليه.