بعد ماغيرت بواجي صار يتفتف الموتر!!!!!!

[coto_moto]

السلام عليكم ورحمة الله وبركاته
تحية طيبة لكل الكشاتة
اخواني الكرام
عندي مشكلة غريبة
تذكرت قبل فترة اني من مبطي ماغيرت بواجي ورحت اغيرها وكان وضعها سيئ اربع منها رايحه فيها وثنتين بتلحقهم مالكم بطول السالفة
عقب ماغيرتها وطبعا شريتها من الوكالة بناء على نصيحة واحد من الكشاتة الله يجزاكم خير كلكم
المشكلة لما امشي بالسيارة على مهلي في تفتفه بالسيارة تختفي لا اسرعت واللي اعرفه وتعرفونه ان التفتفه تروح لاغيرت بواجي مو العكس
تحياتي لكم ولا ياليت اصحاب الخبرة يفتونا فيها

[ناوي نيه]

يمكن الي صار يدخل معها البنزين

[هدد688]

اخوي الغالي
غير اسلاك البواجي تراها مهمة
والمشكلة هذي قد صارت معي ويوم غيرت الاسلاك راحت
محبك / هدد688

[برنو بيشة]

اخوي الغالي
غير اسلاك البواجي تراها مهمة
والمشكلة هذي قد صارت معي ويوم غيرت الاسلاك راحت
محبك / هدد688

أحتمال كبير من الأسلاك

أو صفاية البنزين

[gmc1]

التفتفة: تحدث من عدة اشياء وهي:

1. البواجي.
2. أسلاك البواجي.
3. صفاية البنزين أو مايسمى بالفلتر.
4. بليتين.
5. بويبينة حقة كهرب.
6. حساس هواء.
7. وسخ في البخاخ.

[طناف]

اخي المشكلة من البواجي ماتوصل كهرب وغيرتها لكن اتسخت مثل القديمة
بسبب الكلبليتر وسخ
تأكد من الكلبليتر ثم نظف أو غير البواجي

[ارتست]

حصلت لي نفس المشكلة مع باترول93 بعد ماغيرت جت فيه تفتفة وللأسف ان أحد البواجي صار خربان من وكالته الحمراني لان انا بنفسي شاريها
وبدلته وضبط الحمد لله

الزبدة لايهمك ان البواجي جديدة شيك عليها برضو<< الوضع اصبح مزري حتى الوكالة مضروبة في قطعها

[walhan]

المشكله مئة في المئة من اسلاك البواجي لأنه اثناء سحب الاسلاك لتغيير البواجي ووحيث انها تتعرض للحراره باستمرار يكون من السهوله ان تنفصل ويضعف توصيلها للكهرباء ، لذلك غير اسلاك البواجي وراح تنحل مشكلتك.

[الدحبول]

المشكلة صارت لي
قبل سنة 7 / 2006
غير بواجي سيارتي لاندكروزر 97 بخاخات
وركب بواجي ب 60 ريال وسيارة تفتف ورجة وضليت ماشي علية
إلى 11 / 2007
وتفتة موجود وريح كربون وإخذ معي بوجي القديمة يلي جات مع سيارة إخذتها إلى محل وعطاني يها ب 25 ريال قالت له متاكد إنه أصلي قال مايحتاج وقالي انت ركبت قبل سنة حق 98 وفكيت بواجي يلي ركبة قبل سنة وطلع الرقم يختلف وديتها له قال هذا حق لاندكروزر 98 وفوق
وركبت البواجي وراني الاسلاك دمار وروح واشتري اسلاك أصلي ب 280 ريال
وركبة والمشكلة لزالت واضفت في التانكي منظف بخاخات الاحمر والاسود وخفت التفتفة والرجة
قالي الميكانيكي لزم تسوي فحص كمبيوتر وانا مسويت فحص ولا شيء
المشكلة له أكثر من سنة والموتر يمشي
شكلي باغير صفاية البنزين
وإذا ماضبطت رح امشي عليه وشلي بالخساير

تحياتي

[عبيثراني]

هلى سقط احدها منك عند التركيب ؟
تذكر واذا كان كلامي صحيح فكه وستجد الراس منثني اكثر من البقيه عدله بمفك 0

[التسعاوي]

ترا ممكن العامل ماركبهن حديهن صح.

[ابو خطاب]

الرقم يختلف .. ان كان موترك كمبيوتر ..



ارجع للكاتلوج واتاكد من رقم البواجي هل هو المناسب للمحرك ؟؟
طابق رقم المكينة مع رقم البواجي ... وتنتهي المشكلة

اسلاك البواجي اي خلل فيها معناها صوت تهريب كهرب.. احيانا ممكن مشاهدة الشرار المهرب من الاسلاك عند النظر للاسلاك في ظلام .. للتاكد من سلامة الاسلاك : افصلها ورجعها اثناء عمل السيارة .. تغير صوت المحرك واهتزازه يعني ان السلك يعمل بشكل صحيح .. اما السلك مصدر المشكلة فلن يتغير اداء المحرك اثناء فصله .

[برادو]

هلى سقط احدها منك عند التركيب ؟
تذكر واذا كان كلامي صحيح فكه وستجد الراس منثني اكثر من البقيه عدله بمفك 0

أنا معك ميه بال ميه هذي هي المشكله ان كان موترك مافيه شي قبل لا تغيرهن. فك البواجي واحد واحد وشف روسهن تلقا واحد منهن منطبق يمكن من طيحه او ضربه عدله وركبه.

[nashad]

يمكن واحد من البواجي خربان او جاه زيت
وعشان تعرف البوجي الخربان
افصل السلك حقه اذا تغير صوت السياره البوجي صالح
اما اذا لم يتغير صوت السياره معناه ان البوجي خربان