السلام عليكم ورحمة الله وبركاته
كيف حالكم ،،، إن شاء الله إنكم بخير ونعمه
الله يديم علينا وعليكم نعمة الأمن و الأمان وراحة البال والإطمئنان
شباب الله يوفقكم
أنا معي جيب فورتشينر 2011 توماتيك
ومركب عليه سلمكم الله يايات إستراليه خلفي ( مقاس 4 مدري رقم 4 المهم إنه يرفع الموتر عن شد بلد 4 سم )
ومركب قدام كعكات مقاس 2 سم
الموضوع ياحبي لكم إن المساعدات الخلفية إنفقعت لأن المساعدات مشدوده بعد تركيب الياي ، و نويت إني أغير المساعدات لكن أبي الله يوفقكم الأنواع الزينه والسعر المعقول
أنا سألت وقالو لي بعض الشباب مساعدات أولدمن الأستراليه لقيت الطقم أمامي وخلفي أكثر من 3000 ريال مع التركيب
لو معي 3000 ريال كان فتحت منتدى
أبي مساعدات ترفع الموتر شوي من ورى وتثبته عشان التحميل + تثبّت وجهيت الموتر ( بدون تدبيل مساعدات )
أهم شي ياشباب لحد يقول لي ترى موترك بيصير قاسي
لو أبي الموتر يصير لين كان بعت الجيب و شريت فكتوريا وإنتهى الموضوع
فــ الله يوفقكم ويوسع برزقكم اللي عنده خبره ياليت يعلمنا ونستفيد منه وماله مني إلا صالح الدعاء
ودمتم في حفظ الله ورعايته