ابي معلومات عن شبك طيور باكستان لاصحاب الخبرة

[نبع الدموع]

السلام عليكم و رحمة الله وبركاتة

ابي معلومات عن شبك الطيور في باكستان و علمي هوا ان واحد من زملائي بالعمل (باكستاني)
يبيني اخاوية باكستان في اجازتة في بداية يناير و الرجال يعيش في ديرة فيها
مرابي (اوكار) و مرابط للطيور و على حسب علمة فيها مرابط للشيخ زايد الله يرحمة

و الي ابي اعرفة هوا اسعار الطيور في باكستان و افضل الاماكن الي بها طيور و اسهل طريقة لادخالها
للسعودية

و اذا في اشخاص انصاهم في باكستان و يفيدوني
للمعلومية سؤالي عن الحرار ولا الشياهين مالها طلب عندنا

وفقني الله و اياكم لما فية الخير و الصلاح

اخوكم ابو بدر

[بـــن خــتروش]

حسب معلوماتي عن الطيور في باكستان ومن خلال زياراتي المتكرره لها
أماكن طرح الطيور كثيره ومنتشره وتضاريسها مختلفه منها على حدود الصين وأفغانستان وخاصه الأماكن الجليه
وكثير من الباكستانيين يعتبرون موسم العبورمن أهم أيام السنه وذلك لإعتمادهم على شبك الصقور كوسيله للعيش ويعتمدن أسلوب الكوخه من اكثر وسائل صيد الصقور ويتم تحديد المناطق وتقسيمها حسب حدود معينه بين التجار الذين يمولون المكوخين بما يحتاجونه من مال وزاد لقاء نسبه للمكوخ تصل كأقصى حد الي عشرين بالمئه ويتم بيع الصقر في باكستان بين التجار بالمزايده في أوراق مغلقه تفتح بعد وضع الأسعار من قبل الراغبين في الشراء..وأسعارها بالنسبه للخيج مرتفعه كثيراأول الموسم ورخيصه آخره ويمنع تصديرها أو الخروج بها من المطار منع تام ولا تصل إلينا إلا عن طريق التهريب..والسموحه يالطيب

[نبع الدموع]

يعطيك العافية اخوي بن ختروش بيض الله وجهك عز الله انك ما قصرت - العلم اني انسى موضوع اني اجيبلي طير من باكستان؟
الصدق انا مالي نفس بهالسفرة لاكن يوم قالي زميلي عن الطيور قلت فرصة اقنصها او اشريلي طيرين ثلاثة و اقرنسها عندي للمقناص الجاي انا الله احيانا. و انت خابر ان اسعار الطيور الزينة في ديرتنا نقسم الظهر.

لا هنتم

[Abu Saad]

هناك طريقة قديمة لا ادرى هل لاتزال تمشي عليهم ام لا .
تاخذ شبابيط من هنا واذا وصلت فكهم وجب بدلهم شي يسوى .
وبالتوفيق.

[خيل القصيم]

أخوي ماعند معلومات عن الطيورباكستان لو عندي والله ماتغل عليك .

[نبع الدموع]

ابو سعد تسلم على هالفكرة لاكن هالطريقة قديمة كنا نسويها من كنا نجيب طيور من مصر و الاردن لين ارتفعت قيمة الشبابيط و الحقبيات بسبتنا و صارت قيمتها من قيمة الشواهين

خيل القصيم تسلم على مرورك

[صقرنجد.]

أخوي ماعند معلومات عن الطيورباكستان لو عندي والله ماتغل عليك .

[قلب ذيب]

(( لاتدور التمر ورى مصاصين الطعّام )) !!!
ماوراهم فود ! اكثرهم تصابين ؟ وعباره عن مجموعة عصابات كل عصابه تسيطر على منطقه
انهزم منهم !!
أخذ الطير من بلادك في الموسم بالسعر اللي تبيه واترك خان وحبائلهم .

[الاشعل 316]

يالخو في ديرتنا طيور كثير وطيبه وخلك بين اهلك وناسك

احسن من تسافر برا ومشاكل واللي فيهم الخير كثار وكلمهم وهم يدورن لك

الطير الطيب

اخوك ابو سطام

[نبع الدموع]

الاخوان :

صقر نجد.: يعطيك العافية ما تقصر
قلب ذيب: لو لقينا الطير بالسعر الي نبي ما تهجولنا خارج الديرة و بالسعر
الزين ما تلقاها غير بعد ما تطير الطيور بارزاقها و نعود لدوامة المقيض
الاشعل 316: يعطيك العافية على هالمرور الجميل ولا هنتم