صدأ التوانك

[عليان]

سؤال لأهل الخبرة
هل يوجد حل لصدأ توانك الماء! هل هناك مادة لإزلته أوتخفيفه،أم الحل رمي التوانك وأمرنا لله.
شاكرا ومقدرا جهودكم

[عاشق البسمه]

مرحبا بك اخوي عليان

بالنسبه لسؤالك ,,,,,

يوجد ماده تباع((على ماأظن ))عند محلات السباكه والتي تقوم بدورها في ازالة الصدأ,,,



تحياتي

[عليان]

شكرا

اخوي

عاشق البسمه
ولكن ما اسم هذه المادة وأوصافها.
أكون لك من الشاكرين

[عناد]

الأخ العزيز عليان .. ولا يهون أخوي عاشق البسمة ، التوانك اللي عندك مصدية شفلها صرفه ولا إقلب وحده حصّاله والثانية شواية أنا مريت بالتجربة هذي وركبت ستنلستيل لأن المادة المزيلة للصدأ تحتوي على مواد شديدة الخطورة على الصحة وتستخدم للأغراض الخارجية (فقط) ولا تستخدم لأغراض الشرب والأكل لأنها تترك مواد دهنية لاصقة من الممكن إنها تقوم بتسميم أي ماده تحتويها سواء ماء ولا سنتوب ، ونصيحتي لك أختصرها في كلمة وحدة وهي ( إنحش ) .

[nooh79]

السلام عليكم ورحمة الله وبركاته أود ان أشارك معكم لو سمحتم
أستخدم تانكي (خزان ) فيبرجلاس احسن من الحديد ما يصدي بس يكون طحالب ويبغالك كل كم سنه تغسله وتنظفه بالكلور طبعا . وهناك فرق بين الكلور( غير سام) و دواء الغسيل الكلوركس (سام) و تجيب شركة أو مؤسسه مختصه بالتنظيف ’
ولما جيت اشري الفيبرجلاس قالو لي مايكون طحلب
والستنستيل انا أشوف انه ممتاز وله صدأ بسيط وانشأ الله أركبه اذا أحتجت اليه

[بــرق الشمال]

هلا اخوي عليان.....عنديلك نصيحه كان تبيه باالنسبه
للصدا كانك تبي تفله ركب استيل(ولا يرخص عليك)
وكانك تقول غالي ركب تنك 2 ملم ياباني(ابو نجمه)
فهو افضل الموجود باالسوق.....وفيه المونيوم
كويس بس فيه مشكله كانك تبي تحطه باالصندوق
مايتحمل.......واعيد واكرر ستيل وبس........
على وزن تويوتا وبس

[googl11]

اخواني الحل بسيط جدا ومجرب وانا ساكن بجدة بعد يعني الصداء على كيف كيفك ( وبالنسبة للكشات الصح هو اللي يقتصد في اي شي ولو كان مقتدر لان هذا الطبع يعود الشخص على الاقتصاد في حاله الاحتياج للاقتصاد ) والطريقه بعد الكشته وانت راجع للدار وقبل ماتدخل الديره بشوي جنب عند اطرف شحنة رمل وفض التانكي من الماء الين يبقا نصفه تقريبا وحط شوي رمل بالتانكي يعني تقريبا 10% من التانكي وادخل الديره مع ذكر الدعاء واتركه لمدة 3 ايام( ادوران )وبعدين اغسل تانكيك واتركه مكشوف لين ينشف همن صكه باحكام( واللي وده يحط شوي فيري ماهنا مانع )

[باثفندر]

نصيحة لجميع مستخدمي التوانك سواءا الحديد او الستيل او الفيبر ما عدا الالمنيوم ان لا تستخدم في الشرب ابدا ابدا .

[خادم تميم]

اخواني افضل شي لتنضيف التوانك من كل شي هو بياله كلوركس مع تعبيئه التانكي ماء لمده يوم يومين مع الخضخضه وبعده تغير الماء لمره واحده واشرب بالهناء والشفاء للجميع يفضل غسيل التانكي بهذه الطريقه كل اربع شهور ,واهم شي الغطاء يكون بلاستك .

[googl11]

الجلده من جده هههههههههههههههه
اخوي بلا كلوركس بلا خرابيط وانصحكم من جميع المواد الكيميائية لاسباب صحيه مجهوله مستقبليا
( فيلسوف صح خخخخخخ)
اقول الحل مافيه ابسط منه ابد بس فتح مخك
حط شوي رمل خشن وماء بالتانكي المصدي اللي تبي تحلته وهاتك يامطامر ويا تنطيل

[العاني]

السلام عليكم ورحمة الله وبركاته

والله الظاهر مافيه احد عانى من التوانك كثري !!!!!!!؟؟؟؟؟؟؟؟

والآن ولله الحمد ارتحت ركبت المينيوم لي اربع سنوات وماشاء الله

لاصدأ ولا تغير طعم ولاحاجه

[الغوااااص]

يعطيكم العافيه ........ ماقصرتوا ،،،