قهوة الهيل ولا قهوة العويدي

[nooh79]

السلام عليكم ورحمة الله وبركاته
الخريف و الشتاء جاي بالطريق , أفيدونا يالربع شرب دلة القهوة بالهيل بليال البرد افيد للجسم طبعا ( بن مع الهيل) أو شرب دلة القهوة بالعويدي ( بن مع زنجبيل + زعفران ) وشكرا

[أيمن]

أخوي العزيز ..
القهوة ما تشرب إلا كيف .. يعني حسب ما يحبها راعيها بغض النظر ع أيها الأصلح للبرد .. والأدفأ للجسم ..
أما بالنسبة لأيها أنسب في الشتاء بل وأكثر صحية هي لقهوة المبهرة بالمسمار "العويدي" مع الزنجبيل وغيره ..

تحيتي

[المرتحل]

مساكم الله بالخير
وانا اضم صوتي الى صوت اخونا ايمن . لان العويدي والزنجبيل من الحوار الي تدفي الجسم بالشتاء . اما الكيف فيرجع الى الشخص نفسه كما قال مشرفنا . تحياتي للجميع

[المسفهل]

لذلك أنا أفضل القهوة بالزعفران فقط !

[الدبل الثقيل]

يا اخوان أحد الأطباء السعوديين يقول ان كثرة شرب القهوة بالعويدي يضر.. وانه يسبب تفتت الكبد..
الله يبعد الشر عن جميع المسلمين.
وجزاكم الله خير...

[^eid^]

الدلة الي متبهر من الهيل ********* مثل العجوز الي خبيثا نسمها



ودمتم سالمين

[العنكبوت]

والهيل بعد تروه ماهو بسيط شف وش يسوي بغطا الطاحونه البلاستيك
ويقولون يفت الكلا فت

الله يحمينا وياكم من كل مكروه

[ابو عايد]

الرسالة الأصلية كتبت بواسطة أيمن

أخوي العزيز ..

القهوة ما تشرب إلا كيف .. يعني حسب ما يحبها راعيها بغض النظر ع أيها الأصلح للبرد .. والأدفأ للجسم ..

أما بالنسبة لأيها أنسب في الشتاء بل وأكثر صحية هي لقهوة المبهرة بالمسمار "العويدي" مع الزنجبيل

good:

وتقبل تحياتي // العاشق الولهان

[nooh79]

الله يجزيكم عنا خير الجزاء , يالربع كل شيء في هالدنيا اذا زاد ماهوب زين والمثل يقول الشيء اذا زاد عن حده انقلب ضده , وشرعنا المطهر نهانا عن التفريط في الاكل او الشرب لكن زي ماقلتم صح لسانكم شرب القهوة بمزاج , طيب واشرايكم بالهيل زي ما ذكر الاخ العنكبوت وأن عندي شفت شلون عمل بغطاء الطاحونه , على فكره انا قرأت مقال في مجلة عن الهيل وفوائده ومضاره ها تدرون ويش طلع ؟؟؟؟؟؟؟؟؟؟؟
طلع انه الهيل ماله الا فائده واحده فقط وبعد غالي , انه يساعد على هضم الطعام خاصه بعد وجبة مندي تيس وبعد رزبخاري بخروف سواكني أو صياديه رز ومعها سمك شريفي ( معليش ) كل مكونات الهيل اللي به عباره عن أسيد ( مذيب ) ولذالك انه اذ اكثرت من شرب القهوة بالهيل على جوع أو باستمرار تبدء تحس بالحموضه وماادراك ما الحموضه وأنا واحد منهم, شيء أخر صب على البلاط فنجان قهوة وتعال بالصبح تشوف البلاط مكان القهوة تحول الى أخضر , وكذالك خلي القهوة من الليل بالثلاجة (الترمس) وشف بالصبح ماء القهوة تحول الى أخضر اللون , او جرب في أحد عنده التهاب اللوز او التهاب حلق يشرب قهوة بالهيل يزيد عليه المرض والله اعلم.

[الدسيسا]

أخوي nooh79

خابر بتقول وش هالغثيث اللي جاي بالوقت الضايع بس ولو الهيل أزين

وتقبل تحياتي

[ابو المعالي]

ترى المخشوره زينه

يعني هيل مع شوية عويدي يعطيها نكهه جيده

وعموما العويدي يساعد على تجلد الدم وقد يسبب الجلطه لا سمح الله للمكثرين منه خاصه الشياب

والله اعلم

[سرحان]

مساك الله بالخير

القهوه كيف وانت ابخص

كل منطقه يختلف فيها تبهير القهوه لو جيت نجد اغلبهم يحبون الهيل والزعفران . رح شمال شوى حمس القهوه اثقل والعويدى ابرز . ولو رحت جنوب التبهير مختلف يحطون معها نينخه او زنجبيل او مبيض القهوه وبعض الاحيان مستكه.

الحقيقه القهوه كيف وكلا على مايحب وكل منطقه لها عاداتها فى صنع القهوه.

اذكر انى جبت شوى عويدى وشوى هيل ودفنت كلا على حده وبعد مده حفرت ادور العويدى لقيته مثل القرص متلاصق اما الهيل سبحان الله لقيت سراوه تمشى .

اخوك سرحان