~
الحمد لله... الحمدلله... الخير مقبل أنشالله..والله يبشركم بالخير..
أنا جاني خبر في مكالمه لأهل حايل أن عليهم مطر البارح ليلة الأثنين ولكن ما اطلعت على التفاصيل هل المطر نقع والا سيل الله اعلم.. وأن الخيال عليهم زين عقب ظهر اليوم الأثنين..
وكذلك هاتفني أحد الإخوه من مكه الساعه الواحده ظهرا اليوم الاثنين فأخبرني أن عليهم ظلمه شديده من ثقل الغيوم وأن الأمطار تتساقط بغزاره شديد قل ما رأى مثلها من قبل وان الشوارع أمتلأت بالمستنقعات ..اللهم أجعلها أمطار خير يالله..
راعي الحزم علمك غانم والله يبشرك بالخير على الرش اللي بدا عندكم..
وعلى طاري الخطامه وعشيره وتمير وسدير بشكل عام أجريت مكالمه الساعه الرابعه عصر اليوم الأثنين بتمير فأخبروني أن الغيم عندهم كثيف وأنهم ينتظرون المطر عسى الله يامره..
وين أهل حايل؟؟وأهل الحفر؟؟والشمال؟؟ بشرونا عنكم يامال السيل...
راعي الحزم وأهل القصيم لا تنسون تبشرونا ولو بعلوم السحاب والبروق وعطونا العلم السحاب الطيب عنكم بأي أتجاه؟؟
تراني مطيح اليوم لكم أبي البشاره..
أياللـــــــــــــــــــــــــه..... أن تامرها يـــــــــــــــالله