هل تكشت وحيدا ؟

[نفح البرادي]

السلام عليكم

خلوة البر غير .. فيها ذكر الله وحيدا .. او قراءة كتابه الكريم خاليا
او حتى اي كتاب مفيد

[م ح م د 17]

انا اعرفلي واحد اذا مالقي أحد يطلع معه البر ياخذ البنقالي ويكشت معه ويتعشون و كلش

[الوافي.]

السلام عليكم
في السابق كنت استهجن اللي يكشت لحالة ولكن في مرة من المرات كنت مواعد واحد من الربع نفطر برا كلنا متقاعدين ولأمر ما هون رفيقي واضطريت اطلع لحالي ويوم نزلت عزبتي والا اشوف السيارات تمر من عندي ولاهيب وحدة بعضه بهن ناس واكثرهم فرادى واحمل عزبتي والحقهم ابشوف وين رايحين والا كل سيارة تاقف لحالة واروح للثانية والاه ينزل عزبته واقف عنده واسلم تفضل قلت ان شاء الله
واسولف معه قال انا موظف واطلع اكثر الايام وافطر هنا واروح للدوام
قلت ما تمل
قال لا والله الا اروح للدوام وانا مستانس
قلت له تتظايق اذا جا احد لمك
قال لا ابد انا يهمن طلعة البر ولا يهم اذا جا احد او قعدت لحالي
تقهويت وافطرت انا واياه وتبادلنا السواليف الى ان جا الدوام ومشى
قلت ابي استكشف هالباقين
ورحت للعزبة الثانية والاهم اثنين ايضا متقاعدين سلام عليك السلام تفضل وانزل واسولف معهم
قالوا طول ايام الشتاء اذا ودينا عيالنا للمدارس طلعنا وافطرنا الى ان يجي موعد خروج الطلبة ندخل ولا عندا لا اذاعة ولا جوال مريحين بالنا
من بكرا جربتها لوحدي وكانت نعم التجربة اقعد واهوجس واتفكر بمخلوقات الله سبحانه وتعالى واشيل شيلات واناشيد على كيفي
وفي بعض الاحيان يطب علي ضيف وياخذ سواليفي واخذ سواليفه وتجاربه
ولله الحمد ما صار الا الخير
وما يسب الكشتة لحاله الا اللي ما قد جربها او تنبلي عجاز

[ابو ايمن]

رغم الاوصاف البشعة التي قيلت عن اللي يكشت لحاله وهي طبعا أوصاف ظالمة نوعا ما

أنا إذا ماحصلت خوي أروح لحالي كثييير واحب الخلوة والسرحة

ولكن لاتتجاوز اليوم الواحد أو العصرية وحتى تقريبا الساعة 10 او 11 مساءا

وأما أكثر من يوم لابد خويا وربع

[وجعين]

استغرب من الي يكشت لحاله يعني يسولف مع نفسه فيه واحد أعرفه أطيح به صدفه بالبر فاله لحاله

[ابو الفهدة]

بخصوص عن نفسي احتاج انا لطلعة او طلعتين في السنة بعيد عن الناس عشان اجلس مع نفسى واراجعه

[ابو صقر ٧٧٧]

موضوع رهيب قريت بالتعليقات الى صفحه ٩ اللي مؤيد واللي معارض واللي محايد ...


الخلوه للدكتور ابراهيم الدويش



الخلوه للطنطاوي الله يرحمه

[mansouro_o]

موضوع جميل شيق جداً جداً وقالوها الأخوان تراجع نفسك وتصفي ذهنك وتتفكر في عجايب الله في مخلوقاته
بس موب دايم دايم يعني كل شهرين مره زي كذا سبحان الله تصير لك مشكله ولا شي وانت بذا الخلا ولاحدن درئ عنك تشغل
أهلك والخلق والحكومه لأجل يدورونك !! عالأقل حط خبر عندهم أنا بروح يم الجهه الفلانيه حدد شرق غرب وأخذ احتياطتك من ماء وزآد
وبنزين وتوكل على الله وبــــــــــــــس

[mansouro_o]

والله ياخوك مالها طعم بالحيل لا صرت لحالك
الا اذا كنت طفشان بالحيل ولا ودك تشوف احد ودك تطلع لحالك وتذبح لك دله مع براد شاهي وتختلي بنفسك لها احيانا طعم

لكن تكشت لحالك وفيها مراح بالبر خييييييييييير ان شاء الله يسمرون معك اخوانا هاللي ساكنين الشعبان والاوديه ونور يشتغل ونور يطفي وحذف حصى وهوا وحركتات ياشيخ حتى صوت السياره اللي يقول تك تك يوم تطفيها تصير تسمعه فياحليل الاخوه بالطلعه....

انا فطست ضحك من كلامك هههههههههه والله أنك حبيب

[زاير غبش]

ماشاء الله من 2008 والنقاش مستمر

الوحده لها ناسها والاغلب لايحبذها خاصه اذا بعدت المسافه عن الديره

لكنني من مؤيدين الشباب اللي قالوا الوحده تكون قصيره يعني حقت يوم بلامبيت برا
لان المبيت ليلك كله وانت فزاع قشاع مره تقوم ومره تتصنت وعلى قولة خوينا حتى طقطقت مكينة السياره وهي حاميه تسمعها بقوه

كشته ليوم واحده حلوه بس ماتبعد وبمكان لاينقطع من الماره والكشاتين لاسمح الله مااشتغلت السياره او هبت رياح عاصفه او مطر شديد
ومن مفاجآت البراري والطبيعه تكون قريب

مشكور عزيزي على الطرح الجميل ..

[الفجري 2015]

أنا عن نفسي ما أحب أكشت لحالي لا قريب ولا بعيد



يمكن الي يكشت الحاله ويبيت لحاله هذا شكله شاعر يبي يهوجس ههههههه

[h a j u s]

الجماعه حلووه ومتعه ووناسه

[Bader-M]

وعليكم السلام
نعم ولكن بالطلعات يوم واحد فقط

[ismailkho]

أنا أطلع لحالي أحيانا لكن خفافي

البسبوسة
reading quotes for kids

[السااهي]

احيانا ....