هل تكشت وحيدا ؟

[ديرتي البراري]

ماشاء الله موضوع من الفين وثمانية وتبون الصدق جذبني للتسجيل وهذي اول مشاركة ونقول بسم الله وزين انها متوافقة مع العيد المبارك ونقول كل عام وانتم جميعا بخير وسعادة وقبول ورضى،،،،
وان شاء الله بعد العيد انزل مشاركة ان شاءالله تعجبكم عن موضوع الكشتة وحدك وانا خبير فيها من سنوات والى اللقاء

[بربنجي]

صراحة مدري
لكن ما يمنع ولكن مو على طول
وتكون طلعة قريبه يعني مو بعيد مره وحاول تكون العزبة مجهزه بمعنى انك ما تشتغل كثير يعني كل شي جاهز

طبعا وجه نظر

[اورنس الشمري]

حلوة الطلعة لحالك بشرط تأمين وسائل الاتصالات وسبل البقاء في حال لو تهت
انا احيانا مرة بالسنة او مرتين , ليلة واحدة بس
لازم اخبر اهلي عن وجهتي المتوقعة .
طبعا مع الجماعة افضل لكن نكون اربع اشخاص فقط وشخصيا ما اطلع الا بسيارتي

[نفح البرادي]

السلام عليكم

الانسان يحتاج الخلوة ، وخلوة البر غير

[راعي الصقلاوي]

مسيكم بالخير الجميع .
ويش فيها اذا طلع الانسان لحاله فتره من الوقت لكن لزوم ياخذ احتياطاته .
بالنسبه لي كثير من الاوقات اطلع لحالي وابتعد عن الديره اغيب بالساعات ما اشوف انسان .
قلي رفيق طفولتي زوج اختي بالرضاعه يا ابو ظاري الجنه بدون ناس ما تنداس .
رديت عليه عندي احيان الجنه بدون ناس تنداس .
احيان كنت اغيب اياام عن الديره حين كنت اعزب لكن اليوم ما اغيب اكثر من يومين .
والبيت واهل البيت لهم حقوق عندي لزوم اقوم فيها .