قدر ضغط جديد من ( سب)

[داورد]

السلام عليكم ورحمة الله وبركاتة .........
دائما احرص على ان يكون منتدانا هو الافضل والمتميز بين المنتديات , ومن ذلك احب ان اقول ان شركة سب الفرنسية قامت مؤخرا بأنتاج قدر ضغط الكتروني , نفس نظام القدر القديم بزيادة ان حساب الوقت على ساعة القدر الاكترونية.
اسم هذا القدر ( كليسبو كنترول) يتولى عنك المهمة اوتوماتيكيا فهو يبدا العد العكسي لوقت الطهي داخل القدر عند وصول الضغط الى المستوى المطلوب .
وهوسهل الفك , وتقول الشركة انة يطبخ بمعدل ثلاث مرات اسرع من قدر الضغط التقليدي, وهو يفتح ويغلق بكبسة زر واحدة .
ملاحظة : الساعة الالكترونية على الغطاء من الخارج.

الوكيل الوحيد : باخشوين www.bakhashwain.com

والمعذرة عن الاطالة ......................( داورد).......................

[عاشق البسمه]

عفاك الله


لكن راعين المكاشيت مايصلح لهم شغل الأتكيت!!!!


ننتظر التعليقات

[الشاقي]

والله ياعاشق البسمة أحيانا يكون مطلوب بالبر لأهمية سرعتة ناهيك عن طبخ الجوني

[دغيم]

أخي داورد
مشكور على ما تفضلت به والقدر الكاتم من أساسيات العزبه ولاتصلح العزبه بدونه وخاصه أيام الضبان والا الكراوين . ياخوي أسمح لي أبدي أعجابي باسمك لانه أسم عزيز على قلبي وهوالدوادمي
مشكور مره أخرى

[شبوب]

السلام عليكم 000

انا برأي وحسب تجربتي ، انحش عن الشركات المشهوره ويرزقك الله

انا والله مجرب ( سب الفرنسي ) والصيني ابــــ 120 ــــــو الي بنظر الناس

انه مروح وغير آمن 00 !! وهو والله ابو العزبه كلها عندي

[داورد]

اخي عاشق البسمة كلامك صحيح 100%

الشاقي ماقصرت على الرد .

عزيزي دغيم لك مني كل الشكر على المشاركة وأحب أن أقول لك أنك اثلجت صدري عندما فضحت سري , وأرجوا ان نخرج بصورة جيدة عن رائعتنا الدوادمي .

( شبوب ) لا يغرك اني كتبت هذا الموضوع حتى انا عندي الصيني ولا عليه خلاف ولله الحمد .



....................( داورد)............................

[ذيب مجيرة]

[poet font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تنومسي يا مزون الخير واصخي به=حقٍ حقوقٍ على داورد وهضابه
من مدلهمٍ عظيم الشان مزجي به=لواقحٍ مع نسام الصيف صبابه
تمسي على الضال صافقةٍ مداعيبه=وتهمي جنوب ٍ على حمرور وترابه
[/poet]

والقصيدة عن الدوادمي اطول ولا احفظ منها الا ها البويتات 00

وشدني لكم اسم داورد ودغيم الله يغفرله واموات المسلمين 00

تصبحون على خير ياهل الدوادمي 00 انت يا داورد وانت يا دغيم

سلام

[داورد]

ماقصرت عل هالابيات اللي تسوى عندي شي واجد .




...........( داورد)..........................

[ذيب مجيرة]

عفواا
يا بعدي

وودي لاهنت تعرف لي من هي له وباقيها الله لايهينك لان جاء وقتها الوسم ويسمح امرك والبر وزان
تكفى لاتنساني
دور باقيها ومن هي له 00

وانت يا دغيم تكفى يا ابو علي لا تذخر ياسنااايدي

[دغيم]

السلام عليكم بعد أذن أخوي داورد في أالرد
الغالي ذيب مجيره
أنشهد أنك ذيب ولاهو أي ذيب ذيب مجيره الذي يظرب به المثل تحياتي لك وأعدك أن أبحث عن قائل هذه القصيده والله يأخي ينا مشتاق لهذيك البراري الحلوه الى في نظري مافيه زيها بالدنيا كلها من قبل سنتين لم أخرج الى بر الدوادمي عسا الله يجيب الربيع ها السنه ونقدر نتمشا فيها تصدق الصيد فيها له طعم خاص الارنب والضب والطيور لها طعم مميز . القصيده التي كتبت أظن أنها لشاعر الدوادمي الكبير مهنا بن عبد العزيز المهنالاني أرى هذه الابيات قريبه من أسلوبه ولاكن أنشاء الله أجيب العلم الاكيد. وأقول لك شي ترى النخوا غاليه على مره. وتسلم يالحبيب .

[ذيب مجيرة]

الاخ دغيم

هلا والله

الابيات ليست لابن مهنا لاني سألته لا هي اطول ولا هيب لابن مهنا 00

تكفا يا دغيم اتعب لي شوي وجبها كلها والا جب اسم قايلها وازهل الباااقي

لي مدة وانا اشيل ها البويتات الثلاثة وهي لذيذة للي بعيد عن داورد سقاها السيل لان اللي قايلها دوادمي صميم اكيد

تكفا يا دغيم

[داورد]

اما عن القصيدة فأنا سمعت البيت الاول اكثر من مرة ولاكن للاسف مدري منهو لة .





الا جعل الحيا ما يخطيك ياجمران ---الا جعلة في كل عام تساقيك الوداديني





.................................................. ........(داورد)................................... .........