طريقة تنظيف القدر من الخارج

[aa511]

اخواني لدى قدور حق طلعات البر واصبحت سوداء(من الخارج) من النار وش أفضل طريقة لجعلها كما كانت

[صياهد نجد]

السلا عليكم امسح القدر بشحم ومايحترق على الجمر

[منتعش]

جرب ( سفن أب )

أشتر العلبة الكبيرة وضعها في سطل أو مكان كبير يأخذ قدورك
وصب علبة السفن حتى تغطى وخلها فترة وسوف ترى النتيجة بإذن الله .
ذكرها أحد الأعضاء مشكوراً

[السنع كله]

الرمل الرطب مامثله تدعك القدر او الدله وشف

[سابح ضد تيار]

هل يجوزالتنظيف بالسفن اليس نعمه من لله وشكرا

[راعي البرهـ]

مثل ما قال|السنع كله

[ابوفهيدان]

وين الشغاله يامال الشحم (ماني بقايل وين المعزبه اخاف انك ماتقدر) امسكها من شوشتها وخلها تفرك القدر وبس ولا وش وظيفتها ؟؟

[aa511]

ابو فهيدان وين الديمقراطية الله يصلحك بوش يدعو لديمقراطية وانت تهظم حق المرأة هههههههه

مع الغسل لابد يبقى اثأر النار على القدر وهذا اللي اسأل عنه

[صليب الراي]

والله وانا اخوك ما لقيت ازين من الرمل الرطب

وبشرح مبسط .. بلل الاسفنجه بالماء هم اضربها بالارض والباقي انت تعرفه .

[fza3]

جرب ( سفن أب )

[mome]

اخوى قبل تطبخ على الحطب ادهن القدر مزبوط باى زيت
وشوف النتيجة

[عريـق]

الله يرضى عنكم ومنكم نستفيد

[سندهم]

مامثل الرمل + ماء قليل :تسوف (تدعك ) القدر بليفة حديد والبرقان والدلة من إثار الحطب (الطبخ )

مجرب 100 %

[فهاد]

حياك الله اخوي

فيه بخاخ خاص بتنظيف السنومن القدور والاباريق (وحدة بوحدة)

[ابو ضويحي]

احسن طريقه انك تخلي معاميل وقدور البر للبر ولا تقعد كل مادخلت تنضف وتتعب نفسك وبنالسبه لمعاميل القهوه والشاهي كل ما كانت سوداء ومستعمله اكثر كل ما كانت كيف .