موضوع عن الفتك ونطلب رأيك

[VTC]

اخوي مقلع رمث
اغلب الي زينو الطقة على الضمان بتغيير عمود الكردان
وياليت تمر على هذا الرابط يمكن يفيدك
http://www.nissan-arabia.com/vb/showthread.php?t=31345

[مقلع الرمث]

اخوي فيتك الرجال يقول شحم العامود ويقول ضبط معه وانت كاتب انك شحمته وضبط هل ضبط حتى الان ولا وشلون

[VTC]

اخوي مقلع رمث ضبط معي تقريبا 5شهور ثم عود مره ثانيةقبل اسبوعين بس الصراحة خلال هل المدة ماشحمته ابد
عاد رجعت اشحمة من جديد وتوني اجرب

[غضنفر]

بالنسبة لي
وبدون تحيز
أوافق صاحب الموضوع في معظم كلامه
خاصة
1- القرقعة
2- الكهرب (الفتك من الناحية الكهربائية شديد التعقيد سواء السيارة او حتى المكينة الحساسات بكل محل)
الفتك
لم يصل لمرحلة الكمال بعد
بكل صراحة
جودة الاند أفضل من الفتك

[Black VTC]

الميزات كثيرة والعيوب كثيرة وكل السيارات تهرقل حسب الاستخدام والمطامر و لو هي حديدة وتجره على البطناج هرقلت \

اما من ناحية كهرباء الفتك فهو اكثر حساسية من اللي قبل و الغلا في قطع الغيار مبالغ فيه من الوكيل و اكبر عيب واكتبه باللون الاحمر وتحته خط هو عدم توفر قطع الغيار كل شي طلبية سواء طلبية محلية او داخلية او دولية طلع شركة الاتصالات مهوب وكيل سيارات

[الوافي0]

وجهة نظري النيسان في البر ولا اروع بس فعلا يتهربد بس اغلب السيارات الجديده كذا وكمان هو متعب في المناطق الباردة اما اللاند فهو يتغلب عليه في المناطق الجبلية والوعره وخاصة الباردة لذا فهو مرغوب في الجنوب اكثر من الباترول وفعلا كهربته مثل الامريكي حساسه بس فعلا صناعته كل شي اصلي ماهو مثل وارد ابو جميل حتى المراتب يصنعها في كيلو 2 وجهة نظر فقط

[المميـز]

السلام عليكم ورحمة الله وبركاته

اشكرررك اخوي ابو كلام على المووضوووع الحسااااس

لكن والله ان اعصابي توترت بسبب الكلام اللي اقرأه عن الفتك

اانا امتلك فتك 2002 سوبرسفاري والحمد لله والشكر ما اشتكيت من شيء (( لاتنسوا ذكر الله ))

والزملاء كلهم معهم فتكات من 2002 الى 2008 وماشاء الله تبارك الله الكل مبسووووووووووط من موتره

وخااااصه اللي جرب اللاندكروزر ارتاااااااح كثير على الباترول

* وبالنسبه للهربده اللي تتكلمون عنها / واحد من الزملاء الله يكون بعونه يروح جلد مسافة 60كم وماشاء الله تبارك الله
ماتهربد الموتر ومتماااسك بشكل حلوو ((( اذكروا الله )))
سمعنا ان ابواب الفتك والمراتب تتهربد ولكن ماشفنا

وعسانا مانشوف من المشاكل اللي تقولون عنها ولا تشوفون شر انتم بعد

والله وانا اكتب هذا الرد جالس احاول امسك اعصابي المتوتره

ولو مامسكت اعصابي كان شفتوا كلام ثاني

لكن كلمة اخيره وارجوا قبولها / من يمتلك فتك ويشتكي منه ... اقوله اعرضه للبيع فهناك الكثير من يتمنون امتلاكه

ومثل ماقال احد الاعضاء برده ناوي يشتريه بـ 170000 ريال

وانا اقوله توكل على الله وعسى الله يعطيك خيره ويكفيك شرره

واااسف على االطاله والكلام الزايد بس لازم ادافع بخطه هجوميه

[باترول للأبد]

وعليكم السلام ورحمه الله وبركاته

وجهة نظرك يا اخوي أبو الكلام على العين والراس

بس نص كلامك مش صحيح وانا أعرف ناس كثير عندهم فتكات ونياسين والحمد لله ماعمرهم أشتكوا من أي شي

وأنت اول واحد اسمع منه هالكلام يعني واحد من الف من اللي يذمون الفتك

وشف يا أخوي اللي يشتري موتر من الله والطريق يعني مايحبه اي شي بيخترب فيه بيقول الموتر ردي والفتك لناسه وأهله

وأقرب حاجه واحد من الشباب عنده نيسان 99 شاريه مستعمل وجالده جلد بر وتفحيط ورجه وما شاء الله عليه للحين جامد

وصدقني يا اخوي لوتقول اللي تقول انا ماراح أغير وجهة نظري عن الباترول وان شاء الله غريب باخذ واحد

والسموحه منك يالغالي

[دحيم العبود]

الفتك افضل سيارة دفع رباعي في الصحاري بدون منازع بس لويغيرون الباب الخلفي الى شنطه كان اااااااااف الي مايعرف النيسان يسئل نفسه ليش كل السيارات المعدله نياااااااسين (علشان قوة المحركات الجباره قال يتهربد )

[طحنون]

فيه كلمه
ودي اقولها عن الفتك

كنت جالس مع شخص يعتبر من الميكانيكيين المرموقين من خبره ودراسه ( يعني جمع الاثنين خبره ودراسه)
يتكلم عن القير التبترونك للباترول
يقول قير السفاري الاخير يعتبر قمه القيور اللي نزلت في السيارات اليابانيه ونيسان تفتخر فيه بشكل عجيب
فهو مصمم بشكل خرافي بكل ماتعنيه من كلمه حتى انه يعتبر من افضل واقوى القيور اللي نزلت على الجيوب
في الوقت الحاضر
يعني الرجال قام يسولف معي بطريقه مهندسين ونص كلامه رموز وارقام وكلام بالانجليزي
ويعتبر القير التبتروك في السفاري قمه لامثيل لها
والشي هاذا لمسته سرعه استجابه
القير مع المحرك العملاق وتناغمه بصوره عمليه وممتازه والكثير اللي ساق الكروزر يتغير عليه الوضع

ملاحظه
انا لست متعصب للنيسان لاكن الحق يقال

[srabe1]

كلمه قالها راعي كروزر gxr-4 2007 لما ساق فتك 2008
قال ( ماشاء الله كأني اسوق فورد)

[VTC]

السلام عليكم ورحمة الله وبركاته
اخواني اعضاء مكشات المميزين
اخوي ابو كلام طرح رأية(واختلاف الرأي لايفسد في الود قضية) عن الفتك وهي وجهة نظر نابعة عن تجربة وفي الاخير هي وجهة نظر سواء اصاب او اخطئ فهي عائدة اليه ولا يستحق كل هذه الردود المتجهمة
ولاكن ينبغي ان تكون الردود حوارية وطرح وجهات النظر المعتمدة على تجارب شخصية
ورد على النقاط التي ذكرها ردود واضحة وغير متعصبه
***واجدد طلبي لمشاركة مشرفنا الغالي بدوي جنوبي في الموضوع ليثري الموضوع من الناحية المكانيكية لكل من السيارتين***

[ميمون111]

والله ياخوان اني ادورلي جيب باترول

[بدوي جنوبي]

***واجدد طلبي لمشاركة مشرفنا الغالي بدوي جنوبي في الموضوع ليثري الموضوع من الناحية المكانيكية لكل من السيارتين***

بتكلم عن مواصفات النيسان سريعا
المحرك :
280 حصان بسعة 4800 دورة في الدقيقه
VTC

Valve Timing Control
وتعني نظام التحكم لتوقيت عمل الصمامات


وهو تحكم دقيق في فتح وغلق الصمامات (البلوف)
ولهذا تجد تسارع المحرك قوى جدااا وسرعة في الاستجابه
يعني عند الضغط على دواسه البنزين تجد انمبير الهواء سريع جدااا في الاستجاله وسرعة الاندفاع ،،
ونظام فتك في السرعات العاليه يعطى تأخير في غلق البلوف لتصريف العادم بشكل اسرع وزيادة دخول مزيج الهواء والبنزين يشكل اكبر ،،،

وبفضل وجود توأم الكام
TWIN CAM 24 VALVE
عمودين كامات مع عدد 4 بلوف لكل بستم ،،
ويعتبر استهلاك الوقود لهذا المحرك طبيعي جدااا ،، وقد تعدل واصبح الاستهلاك اقل عن الموديلات السابقه


وهو افضل محرك قابل للتعديل والتزويد

والجربكس الاوتوماتيكي العادى في نفس الوقت يعتبر رياضى مثل سيارة 350Z
بفضل بنظام 5M-Atx خمس سرعات اوتماتيكيه يعطى راحة تامه علي الطرق

السريعه او عاديه للتحكم والسطرة في الطرق الوعره او الصحراويه .

فنجد نظام تعليقها افضل نظام في سيارات الدفع الرباعي
بفضل تصميم ATS
ALL Terrain Suspinsion
اى انها مصمة لكل انواع الطرق


واذ خُيرت بين الباترول وسيارة دفع رباعى آخرى ،، سيقع اختيارى علي الباترول بلاشك او تردد
يكفى تصميمها الخارجى الانسيابى الرائع ،، الذى صمم بعناية

طبعا كل سيارة لها عيوب واعطال ،، لا توجد سيارة لا تحتاج الي صيانه دوريه
ومن عيوب الباترول انه يتفكك ويحتاج الي تربيط بعد فتره من الزمن
و يعتبر وزنها مناسب كونها سيارة دفع رباعى مقارنة بمثيلاتها ،،

اما العيوب الكهربائيه
لا تزال موجوده حتى بموديل 2009
حسب ما نقرأ من الاعضاء


يعبجنى في النيسان خفة حركته ونظام التعليق
كأنك تقود سيارة فخمه سيدان

[~ V T A C ~]

بقي ان اشير ان ( دبرة ) الرجل في سيارته مهمه جدا والقياده مهمه .
^^^^^^^^^^
يعطيك الف عافيه