يلوموني فيك ياتويوتا .....
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
يلوموني فيك ياتويوتا .....
الربع من 2005 الى 2009 يستخدموونه الى الان ما شافوا الا الخير
واهل الطيور ادرى بالفتك
اخويانا يبيعون فتك ويشرون فتك
موتر ماله غناه
ويكفي هذا الرد اسمع يابو كلام ...
مشكلتنا تكمن ف النظر للعيوب فقط .
اي عمل بشري يحتمل الخطأ والنقص .
والسيارات هي بالطبع عمل بشري.
الفتك يحمل مميزات الأتي :
الوحيده بين فئاتها تأتي بنظام دفع باعي حقيقي ذ محور ثابت ( دفرنش امامي)
استطاع مهندسو نيسان ان يجمعو اصعب معادلة في عالم صناعة سيارات الدفع الرباعي وهي صنع سيارة دفع رباعي ذات خلوص مرتفع عن الأرض + راحة ركوب مثاليه وعجيبه + وزن خفيف +ذات محور امامي ثايت
الفتك يأتي بمحرك جبار ومميز ذو كامتين علويتين ويتممتع بنظام حقن الصمامت وبخها فريد من نوعه وايضا حقق المعادله الأصعب وهي الوزن الخفيف والهدوء الملحوظ وسرعة الإستجابه ...
نيسان باترول غصّه في حلق لانكروزر منذ بعيد الأمد .
الملك في الرمال بلا منازع .
الملك في الطرق الوعره وفي المناطق الجبليه ذات المنحدرات والمرتفعات الخطره ( اسأل اهل جنوب المملكه عنه )
لايعرف النكوص اثناء السير بسرعات عاليه على الطرق غير المعبده ( مايهبد بطنه في الأرض )
ماذا بعد هذا .
انا تكفيني هذه المميزات .
لايوجد سيارة (للبر) بنفس مواصفاته .
مكشاتي ذهبي
والله يالغالي شف انا املك باثفندر وقد ملكت ربع تويوتا
وكلهن النيسان والتايوتا لها عشق عندي
ولكن سالفه ان التايوتا مايتهربد ولا يتفكك فهذي ليس صحيح ، انا ولد خالتي معه GXR 2006 خليجي والله انه جاي من حايل مدخله للبازعي عشان يسوي له تربيط ، رغم ان مايدخل به نفود ولا يروح عليه للبر واجد وان راح شى قريب ماهو بعيد ومع كذا تفكك ، فلا تحكم كل السيارات تتفكك وتهربد ماهو بس النيسان ، الربع يوم كان معي ماسلمت من صوت الباب حقه بس يطقطق ومع كذا عادي البر مايرحم ،
موفق خير يالغالي والله يرزقك بالموتر إلى يسر خاطرك
المشاركة الأصلية كتبت بواسطة دحيم العبود
الفتك افضل سيارة دفع رباعي في الصحاري بدون منازعبس لويغيرون الباب الخلفي الى شنطه كان اااااااااف الي مايعرف النيسان يسئل نفسه ليش كل السيارات المعدله نياااااااسين (علشان قوة المحركات الجباره
قال يتهربد )
أخوي دحيم كلامك يناقض نفسه
إذا قوة محركه جبارة على كلامك أجل ليش يعدلونه؟؟؟
تقبل مروري
مكشاتي متقدم
اناشفت مع واحد من ازملا فتك 2006يقومخبط قلت وش العلم قال مسمير الثلاجه داخل المكينه تنطلق وتحوس السبياك
بالنسبه للطقه مع واحد من اخوياي لاند 2008 ويشتكي من الطقه اما عن باقي الكلام عندنا فتك 2002 فل ماشي حدود 300 الف و2003 نص فل ماشي 185 الف والله ما شفت من العيوب اللي ذكرت شي تقبل مروري
مكشاتي متواصل
صح لسانك يالغالي واسئلوني انا معاي فتك 2002 سوبر سفاري مافيه مكان الا ذهبت ليه طرق ترابيه صخور نفود صراحه عز الله موتر وليده يزبنك ولا عمري شكيت من خراب بحمد الله لا طقه ولا خراب كهرب ولا هم يحزنون بالعكس نصحت الكثير بالباترول صحيح قطع غياره غالي لكن نفس قطع غيار التويوتا مافيه فرق وقطع الغيار تقريبا مرتفعه لجميع السيارات وشكراالسلام عليكم ورحمة الله وبركاته
اشكرررك اخوي ابو كلام على المووضوووع الحسااااس
لكن والله ان اعصابي توترت بسبب الكلام اللي اقرأه عن الفتك
اانا امتلك فتك 2002 سوبرسفاري والحمد لله والشكر ما اشتكيت من شيء (( لاتنسوا ذكر الله
والزملاء كلهم معهم فتكات من 2002 الى 2008 وماشاء الله تبارك الله الكل مبسووووووووووط من موتره
وخااااصه اللي جرب اللاندكروزر ارتاااااااح كثير على الباترول
* وبالنسبه للهربده اللي تتكلمون عنها / واحد من الزملاء الله يكون بعونه يروح جلد مسافة 60كم وماشاء الله تبارك الله
ماتهربد الموتر ومتماااسك بشكل حلوو ((( اذكروا الله )))
سمعنا ان ابواب الفتك والمراتب تتهربد ولكن ماشفنا
وعسانا مانشوف من المشاكل اللي تقولون عنها ولا تشوفون شر انتم بعد
والله وانا اكتب هذا الرد جالس احاول امسك اعصابي المتوتره
ولو مامسكت اعصابي كان شفتوا كلام ثاني
لكن كلمة اخيره وارجوا قبولها / من يمتلك فتك ويشتكي منه ... اقوله اعرضه للبيع فهناك الكثير من يتمنون امتلاكه
ومثل ماقال احد الاعضاء برده ناوي يشتريه بـ 170000 ريال
وانا اقوله توكل على الله وعسى الله يعطيك خيره ويكفيك شرره
واااسف على االطاله والكلام الزايد بس لازم ادافع بخطه هجوميه
مكشاتي متواصل
img]http://www.mekshat.com/pix/upload04/images153/mk15 8054_20090415_006.jpg[/img
مكشاتي متواصل
عيبوا ... النيسان لانه * دوخ البران جلده
واثقل التجريح وزنه * فوق وزنه زاد عده
ذيب جلاجل
مكشاتي متقدم
بالنسبة لي ممكن أكون الفيصل في أرائكم كلها لأني استخدمت السيارتين كلهن فترات طويلة وكيلو مترات عالية وإليكم قصتي مع السيارتين:
رقم 1 وهو أول جيب اشتريتة لاندكروزر م 91 ديزل جي إكس
سعر الشراء 109 ألف ريال عداد 0
البيع ب 34 ألف 6 سنوات استخدام العداد 950 ألف
التصليحات:
1- توضيب نص مكينة علوي بعد استخدام سنة التكلفة 9 آلاف
2- توظيب كامل بعد 3 سنوات ونص التكلفة 13 ألف
3- الرديتر + طرمبة الدركسون + السلف + ليات طرمبة الدركسون + ربلات التوازن + ربلات اليايات اتبدلت 4 مرات تقريبا وفيهم طرمبة الدركسون وربلات التوازن تقريبا كل سنة
الحوادث : مرتين كلها سمكرة كبوت بدون تبديل أي قطع.
------------------------------------------------------------------
رقم 2 باترول 91 ربع خليجي فل كامل
سعر الشراة 27 ألف العداد 157 ألف
سعر البيع 26 ألف العداد تقريبا 230 ألف
مدة الإستخدام سنه واحدة فقط
التصليحات:
1- تنظيف الكربليتر
لا يوجد حوادث ولله الحمد
------------------------------------------------------------------
رقم 3 : جي إكس 96 هدد (نزل منه 25 حبة فقط - مكيفين - اسبيرين - ثلاجة - أبيض بدون خطوط)
سعر الشراء 119 ألف عداد 0
سعر البيع 69 ألف عداد 123 ألف
مدة الإستخدام 3 سنوات ونص
التصليحات:
1- طرمبة زيت الدركسون
2- انشعر السرندل وبعته شغال والسرندل مشعور
الحوادث:
صدم علية الوالد الله يصلحة ماصورة صب المحصول في التريلة والصدمة جت في التندة فقط وكلفت تصليح عند الحسون 13 ألف مع القطع
------------------------------------------------------------------
رقم 4 باترول 98 إس جي إل 4500
سعر الشراء 92 ألف عداد 0 ( أول يوم نزل في الوكالة وكنت أنا ثاني مشتري للباترول 98 في المملكة حسب كلام البياع من الصالة اللي على طريق عنيزة)
سعر البيع سداد دين عن 95 ألف العداد 90 ألف
مدة الإستخدام 1 سنة فقط
التصليحات :
لا يوجد
الحوادث لا يوجد
------------------------------------------------------------------
رقم 5 باترول سوبر سفاري 99 ...... اشتريتة من جاري وكان وقتها محتاج فلوس
سعر الشراء 88 ألف العداد 24 ألف
سعر البيع 76 ألف العداد 335 ألف
مدة الإستخدام 3 سنوات
التصليحات:
1- غيرت الكلتش بسبب إن أخوي سحب جمس حوض مغرز ومايعرف يشغل الدبل الثقيل
الحوادث لا يوجد
------------------------------------------------------------------
رقم 6 لاندكروزر 2001 جي إكس آر 6 سلندر
سعر الشراء 135 ألف مستعمل العداد 19 ألف
سعر البيع 97 ألف العداد 154 ألف
التصبيحات:
1- طرمبة الدركسون
2- توظيب كامل للمرة الأولى
3- توظيب كرنك وطرمبة زيت للمرة الثانية بعدها بشهر
4- صوت في المكينة وما اتصلح لأني زهقت!!!
الحوادث لا يوجد
------------------------------------------------------------------
رقم 7 سفاري 2 موديل 2007
سعر الشراء 129 ألف العداد 9 ألف كيلوا
سعر البيع 90 ألف العداد 164 ألف
التصليحات:
1- كتاوت مثبت السرعة على الظمان
الحوادث :
قشعة مع الجنب والأمام في دوار الملك فهد (دوار الإستاد) في بريدة - صدمني راعي ربع 2006 عسكري مطفي النور (سك...) وراح موترة تشليح لأنه كان مسرع حيل
وموتري اتصلح في مركز الخليج ب 4900 ريال سمكرة بدون بوية وتبديل صدام أمامي فقط
------------------------------------------------------------------
رقم 8 إكستيرا
رقم 9 الضخم نيسان تايتان
------------------------------------------------------------------
وجهة نظري:
الباترول موديلات 98 وفوق لا يوجد فيها أصوات سوى صوت الباب الخلفي مع البطناج
اللند بصراحة اللستة تكفي والأصوات حدث ولا حرج
1- صوت عمود التوازن تحت السواق ربلات التوازن أشتريه بالكرتون!!
2- أنواع التنسيم بعد ال 140
3- قرقعة الباب الخلفي
4- صوت الكارونة في الدفرنس الخلفي على خفيف بس مزعج على الخطوط الطويلة وفي كل الموديلات
5- العزل (صوت الخط) سيء جدا جدا
6- محرك ظعيف وغير هادئ مقارنة بالباترول
7- تخسر فيه فلوس أكثر من الباترول لما تبيع بفارق جيد نوعا ما خصوصا ان اللند تصرف علية تصليحات كثيرة وقطعة غالية مقارنة بجوتها لأن الأصلي يجي كوري!!!
ملاحظة: آخر واحد متعصب للسيارات أنا لأن السيارة بالنسبة لي مجرد كومة حديد سخرها رب العباد لخدمة عبادة
أنا أتكلم من منطلق حفض المال - وجودة الإستخدام - وقلة المشاكل
تحياتي للجميع
مكشاتي متواصل
انا شخص مجرب للباترول ثلاث مرات موديل 2002و2003وحاليا سوبرفتك2006 الحقيقة يكفي خفته بالخط وراحته ولافيه قربعه ولاشي ويمسك سعره وبقوه حاليا بذات الفتك
مكشاتي فضي
الموضوع قديم من سنة 2008
ابوكلام دخلت المحظور
بيض الله وجهك ما فيه بعد هالكلام كلام ثاني لأنه كلام شخص مجرب اكثر من موتر كفيت ووفيت
مكشاتي برونزي
هنا ينتهي الموضوع
مكشاتي متقدم
^^^^^^^^^^^^^^^^^^^^^^^^^^^^^
نسيت أذكر واحدة من أهم المشاكل اللي واجهتني وهي ان قواعد البدي الحديد تبع اللند رقم 1 تكسرت ياشبااااااااب تكسرت يعني تكسرت وانخفس البدي على الشاصي ومادريت الا بعدها بسنة وكنت كل 3 او 4 شهور ينكسر عندي الرديتر وأنا ما أدري ليش
طلع الرديتر يركب على البدي ويجلس على الشاصي ومع المطبات يرتفع البدي عن الشاصي ولما يرجع يظرب الرديتر في الشاصي من تحت وينكسر
كيف دريت عنه !!!!!!
كانو الشباب كاشتين في مكان ما واعطوني الإحداثية - ورحت لمهم - يوم وصلت حولهم صرت أفرفر بالمكان أتنظرلهم وطبيت من فوق قص صغير وإذا هم بالنقرة تحت ؛ الطريف في الموضوع ان واحد من الشباب سألني
أبو فهد موترك وش فيه يضحك لما تقمز عليه القص؟
قلت وشلون يعني؟
قال لي الصدام وانت تقمز القص ينزل عن البدي ويصير موترك كأنه يضحك!!!!
طبعا أنا قعدت أحك راسي ورحت أنا واياه عند الموتر وقعد يشرح لي بالتفصيل وقتها شفت ال 4 قواعد بتوع البدي منخفس فيهم ربلات الشاصي بالبدي وأيضا الرفارف الداخلية اليمين واليسار مشعورة بالطول ما أدري ذيك الوقت كيف كا يمشي قطعة وحدة!!!
أيضا يوجد سبب آخر لبيع الكروزر ال 2001 غير سالفة المكينة وهي انو مع اللفات والدبل شغال يطلع لي صوت طقطقة بالكفرات قدام يوم فحصت الموتر قالوا لي عكوس ....... قلت الأمور طيبة
هاذي تجاربي مع الكروزر والباترول ........... لكن بالنسبة لي أفضل الباترول لأنه مايكلف في الخرابات الكثيرة ولما أبغى أبيعة ما أخسر فيه فلوس كثير عن يوم اشترية وخصوصا ان سعرة أقل من الكروزر
حتى الفحمات فيه تمشي تقريبا دبل اللندكروزر
هاذا لا يبرر أن الباترول لا يخلوا تماما من الأعطال ...... كل شيء يصنعة الإنسان يعطل ولكن الأصل في الموضوع هو الشبة والمقارنة بسيارة مثيلة
تحياتي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس