اكستيرا ..
كيف حالك عساك طيب ؟؟:d
انا لو انا ماجربت الموترين كان اصدقك الصراحه كلامك يوهق
يارجال مانسينا الورش ومحلات قطع الغيار والخساير الايوم تركنا الباترول..
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اكستيرا ..
كيف حالك عساك طيب ؟؟:d
انا لو انا ماجربت الموترين كان اصدقك الصراحه كلامك يوهق
يارجال مانسينا الورش ومحلات قطع الغيار والخساير الايوم تركنا الباترول..
كلامك صحيح وتحديدا لما تكون مشتري باترول مكروف لين أذن أكيد بيشغلك وتبيعة
لكن بعدها تروح وتشتري أنظف كروزر بالسوق وتقول هذا أقل مشاكل... هنا كلام غير منطقي
وفي الأساس أي شخص يقيس الفرق بين الموترين وهو ما طلعهم كلهم وكالة يعتبر المقياس خاطئ لأنك ماتدري عن الموتر من المستخدم اللي قبلك!!
العملية مسألة موازنة مادية بحته كم تصرف وكم يظل بجيبك على مدى الإستخدام الطويل
وهنا نأتي للدليل
جب لي واحد معاه كروزر 92 معدي 250 ألف ماوضب المكينة بسبب توقف طرمبة الزيت - أتوقع اللي معاهم موديلات 2000 كلهم موظبين وإن كان هناك فهم قلة
موتر خالي الآن وأنا في هذا الرد صار له 4 أيام في مركز البطي في بريدة يتوظب موديلة 2002 ماشي حدود 165 ألف
بينما الباترول وبالأخص حتى موديلات 2004 وتحت نادر جدا اللي موظب وان كان موظب فهو بسبب تعرض المكينة لحرارة
ومشكلة الحرارة ليست مقياس على جودة السيارة وإنما مقياس على مدى اهتمام مالكها بها لأن الرديتر ممكن ينسم وبعدين يحتر مثل ماحصل معاي في الكروزر الجي إكس الديزل!!!
وبكل الأحوال بعد الله سبحانة وتعالى ممكن تتلافاهم
لكن طرمبة زيت المكينة في الكروزر ال 6 سلندر هنا موضوع آخر
بالإظافة الى أشياء أخرى كثيرة جدا
جرب فك الباترول على ايدك وكالة وقتها تعرف الفرق بيناتهم ، يكفي مركبة بالنسبة للسواق والراكب الأمامي أفضل من الكروزر بمراحل
واللي خربها الكرزور الجديد بصراحة محركات حلو تلافو فيها مشكل قبل وحركة حلوة من تويوتا اللي وقفت محرك ال 6 سلندر القديم واستبدلته بمحركات نفس تصميم النيسان وللنيسان الأسبقية فيها
لكن انزل من الكروزر الجديد واركب باترول جديد تبي تعرف تحديدا أنا وش أقصد لأنها واضحة للعيان ما تبيلها دقيق ملاحظة
تحياتي لك
صحيح موجود وأنا لا أنفي هذا الكلام ولكن قلة مقابل عدد اللندكروزر اللي يباع في السوق ..... وهذه القلة تحصلها ياإما خليجي أو استخدام حشمة
خلينا من هاذي
دليل آخر
تدخل المعارض تحصلها فل الفل كروزرات لدرجة انك تقول مافيه واحد اشترى كروزر إلا عرضه للبيع وأكثرها موديلات حديثة ومستخدمة استخدام بسيط
بينما تدور باترول نظيف فيه مواصفات وموديل حديث ......... من الصعب تحصل وان حصلت فسعرة عالي جدا
أنا بايع اللي كان معاي 2007 نص فل بعد التصليح ب 90 ألف قبل يمر على المعارض علاطول اشتروه الشباب في الإستراحة وهم عارفين وشافو الصدمة في الموتر وقت الحادث
ومع ذلك طاح فيه 38 ألف
بنفس الوقت أول مانزل ال جي إكس ال 8 سلندر 2008 اشترى أخوي واحد ب 186 ألف من البازعي وما جاب له إلا 128 ألف في المعارض قبل شهرين تقريبا وهو نظيف مافيه صدوم وماشي أقل من الباترول يوم أبيعة
وهون يبيع ليش ........ طاح فيه 58 ألف !!!!!! وهو 2008 وهذا يعتبر هدر للمال مقابل 38 ألف بإستخدام سنة زيادة وحادث للباترول
ياجماعة الخير ... والله مو مسألة سيارتي نيسان وسيارتك تويوتا كلها حديد
المسألة مسألة كم أدفع مقابل إستهلاكي للسيارة ....... هذا مقياسي أنا
ولو فيه سيارة أفضل من النيسان مثلا في هالأمور دلوني عليها بكرى أبيع النيسان واشتريها
أنا جربت الأيسوزو جدا ممتاز وقطع غيارة أرخص من النيسان والتويوتا وقوي برظو لكن تعطل معاي مرة بعرعر وأكلت خازوق جايبها على سطحة من عرعر للرياض
وللمعلومية - أنني لا أمتلك باترول حاليا وأشهد الله بأني إستخدمت الكروزر أكثر من الباترول
تحياتي
بصراحة كانت النيه اشتري ربع بترول من 90 الى 96 ولكن الكلام يوهق في الموضوع هذا
وشاكر لطرح الموضوع هذا
بس لاحظت ان اغلب الي تحدثوا عن الموضوع 2000 وفوق
فل عنده ادنا فكره عن مميزات وعيوب المديل المذكور يتكرم علي الله لايهينه
خلاصه الكلام الخيل من خيالها
اي واحد يهتم بموتره بيعزه واي واحد يجلد موتره بيذله
انا فكيت باترول 92 وكاله وقعد معي لين بعته قبل سنه العداد واقف من ثلاث سنين فوق 500 الف
يمكن وصل ال 600 الف بالراحه لاني امشي عليه لايقل عن 8000 كيلو شهريا
والحمدلله فكيته وكاله ب 72 الف فل كامل وبعته 35 الف الموتر ورده وكاله كل شي فيه لاتوظيب ولا صدمات
السلام عليكم
شكراَ نيابه عن صاحب الموضوع لجميع من ادلى برأيه
اللي عندي بقوله : انا استخدم النيسان من فتره طويله والحين معي باترول 2009 ماشاء الله جديد
والله ياجماعه ان الوالد معه جيب لكزس 2005 انه يوقف موتره ويأخذ موتري والان يفكر يشريله واحد
مع العلم انه لا يستخدم الا التويوتا من سنه 89 هاذا اللي حبيت اقوله و لولا اختلاف اﻷذواق لبارت السلع
يالبيييييييييييه يالسوبر بس
ورب العزه والجلاله ماخليت وكاله ولامعرض .. بالرياض وعمان والامارات وقطر.....مالقيت سوبر 2009 جديد !!!!..!بححححح..!
والمستخدم النضيف نادر تحصله!!!
انا اقووووول ....ان لكل واحد فينا موتر يستهويه سواءا باترول ولا الاند كروزر والا اي موتر !!..بس بعض البشر يوم يشوف موتر
مشهور والناس تتكلم عنه ومحبوب ومعجبينه كثير...!!وهو مايستهوي الموتر او ماجربه ولايعرفه او جربه والله سبحانه ماوفقه فيه ولا طرح البركه عليه مثلا!.او يحس انه بيضرب السوق على موتره او انه ضارب سوقه صدز ؟!! .ويبي يسوي فيها دعايه شخمط اللي ويحامي عن موتره يحسب انه اذا سرد قصته المؤلمه مع موتره الفلاني انه بيخفس بأسعاره وبيعدم سوقه ويرفع سوق موتره !!!.يحسبن كل الناس بتمشي على شوره ؟!!!.مادرى ان الناس بوقتنا الحاضر واعيه ومثقفين وكلن له احسابات خاصه لمنطوقه !!!..خلينا نقول بدون مانظلم احد...ان اللي يعيب على بعض المواتر ويحذر نيته صافيه ويبي الخير لخوانه بحكم تجربته مع الموتر...؟!!..طيب افرض انه مشا مع كلامك وخاف.. وراح للموتر اللي تبيه اللي تقول عنه حكايات وقصص خرافيه ؟!!..وتلعوز وتعكس الموتر معه مثلا وخسره خساير للقضا ؟!!..تدري اقل شي يسويه وش ؟؟!! دعاوي تمسيك وتصبحك..وانت ماقلت الا تجربتك ونصيحتك له بس وانت صادق فيها!!؟..ياخي هاذا حديد مواتر تستخدم وتنكر ...يعني الاعطال وارده بأي لحضه ولافيها شور ولا ضمانات انها بدوم معك ولا اعطالها ماتكلف الا القليل ؟؟!!. (على كف القدر نمشي ولاندري عن المكتوب)
لللاسف بعض الناس اللي يفكر يقني او يستخدم... يخاف ويعيد احساباته ويتلخبط وتظرب فيوز مخه ويبقا محتار.... وده بالموتر وعااااجبه لاكن!!.. يخاااف من كلام وعبر بعض المستخدمين او كلام حسده بمعنى واقعي !!..
اللي ابي اوصله لاتنكب الناس وتنكب عمرك معه...قل تجربتك مع الموتر لاكن لاتتكلم بما لاتعرفه...وخص نفسك ولاتجمع..
والمعذره والسموحه اذا بدر منا خطأ غير مقصود ويعلم الله ان كلامي مو موجه لاحد خصوصا .....لاكن حبيت اذكر واطرح وجه نظري الخاصه ولكم الاختيار القبول او الرفض
ولكم جزيل الشكر على الموضوع
دمتم برعايه الله
يااخوان والله ملينا
ياراعي الموضوع يااخي تصدق انك قلت مشاكل اول مره اسمعها بالرغم من ان امتلكت 3 باترولات والان سوبر 2006
والزملاء معهم فتكات والشباب ماشاء الله طاحو فيه وكلن من جربه مدحه زود وكلهم راعين تطعيس ومراقا وان تعرف ان اكثر شي يتعب المكينه والموتر المراقا
طيب كل واحد قال تجربته الا انا
امتلكت اول باترول موديل 93 خرب علي تماتيك المروحه اكثر من مرتين ووضبت المكينه بـ5500 ريال ورجع الموتر
كان ماشي 600 الف وقبل التوضيب جاه شنبر جلس معي سنتين بعد التوضيب وبعته وشريت ربع نيسان 2003
وجلس معي سنه ولا يتم تغير حتى المساحات الله يرزق صاحبه والان امعي سوبر سفاري 2006 ماشي 108 مابعد
غيرت فيه اي شي غير الفحمات والسيور ماشاء الله اذكرو الله ياجماعه
الموضوع قديم
هههههههههههههه
تنسيم الشباب من زمان وهم نقاشات خلاص
الباترول زين والاند زين بس مو ازين متعصب خخخخ
من عيوب الفتك
كم ورشة في الرياض تقوم بأصلاح الفتك ............
ورشة التركي مع احترامي لهم عملهم غير دقيق جدا تطلع من عندهم مغير قطع لاتحتاج للتغير
حسبي الله ونعم الوكيل
سيارة جبارة ولكن الفني لايوجد
ارغب من الاخوان ذكر الورش للفتك في الرياض
وفق الله الجميع
كان معي باترول ٢٠٠٦ و باترول ٢٠٠٩ و الآن باترول ٢٠١٢ و الحمد لله مرتاح...
ياسلام عليكم يشباب مناقشات حلوه واجوبه مقنعه
يالربع كفايه مدح في النيسان لأنكم تنفخون في قربه مشقوقة أنا مسميه مخلي خويه اعرف ناس كثير استخدمو الفتك وأنواع النيسان اذا صفطنا في البر سوا للغدا او للعشا تلاقيهم كل واحد فاتح كبوت موتره ويصلح فيه عليك بعطي الله التايوتا مايخليك حط فيه وانسى والدليل السعر وقالوه يدلك على الخيل اثمانها وأهل النيسان الاحظهم متعصبين حيييييل
الذين يشاهدون الموضوع الآن: 1 (0 من الأعضاء و 1 زائر)