احلى تهضيمه بعد العشاء في البر !!!!!!!

[ذيب الصمان]

اذا ضربت في الا كل في البر عنديلكم خلطه سريه طبعن تاخذ مكونتها من الديره قبل ما تطلع وهي

1 _ سيفن اب

2 _ ميرندا فراوله

3 _ بيره بربكيان توت

4 _ بوار هاوس

5_ رواخ تفاح

6_ تفاح طبيعي 3 عدد ( يعني مو عصير )

7 _مياه غازيه فرنسيه

8 _ نعناع يعني ورق نعناع عادي



طبعن المشروبات علبه اوثنتين على حسب العدد


طريقة الخلط

قطع التفاح مربعات صغيره وضعها في الجيك وحط النعناع فوقه وصب الي كتبتهن فوق

كلهن لا تخلي شي وعلى فكره الطريقه مجربها اكثر من مره على ارغم من معارضت زملاء

وخلوني اشتريها من فلوسي مو من القطه خلها على ربك بس يوم صلحتها وذاقوها ميا

يطلعون بدونها

[أيمن]

شكلك تبي تجيب العيد ..
وين يا ذيب الصمان الله يهديك تبي توهقنا .. ما بقي الا العنب ..
وتكمل الحفلة ..

تحيتي

[السمح]

لعنبو بليسك ياذيب الصمان هالخلطة لو تحطها على الحصا متأكد إنه يبي يذوب مهوب على العشا ..

على كل أبجربها وشكلها والله زينة .. يعطيك العافية ..

تقبل تحياتي ...

[راعي كيف]

قاله راعي عنيزة
الله يستر بس مابقى إلا الكاتم واليات والعنب و؟؟؟؟؟؟؟؟؟؟ الله يستر
والله صارت هاذي طبخة مو تهضيمة هذي لحاله تبي قطة لحالة
على العموم أحسنت والله يعطيك الف عافية

هناك طريقة اخرى وهي إنك تأخذلك فنجانين قهوة (مهيله )خصوصاً بعد الدسم ويكون الهيل زايد شوي وشف الدسم على طول يحترق هذى دايم اسويه وجربوه العيال (خوياي) وجازتلهم بلحيل وخصوصاً الدببة منهم على العموم مجرد مشاركة ارجو ان يعملبها الجميه ليحكمو


[shadow=seagreen]تحياتي وأشواقي[/shadow]

[طير شحنة]

يمدحون الشميسي ........... بغسيل المعدة!!!!!!!!

[ذيب الصمان]

شبااااب ولله الخلطه لا تفوتكم ترها مايحتاج يعني مجربه ونتظروووو الخلطه المميته قريبااااا

[مغرم البر]

جربتها يا ذيب الصمان ‍‍‍‍‍‍‍!!!!! ؟؟؟؟؟

بس تعرف ؟؟ تراها مضبوطة إلي ركبها أول مرة مهوب صاحي .

تري بعض من أخوياي جاهم العيد بدري قبل وقته .

[شاص]

يحلفون ... الظاهر تبي تمرح الشباب عند أول نقطة تفتيش
وعلى طاري التهظيمة وشهو له ؟ أنا قاعد اكل عشان أهضم؟إلا خله يقعد.
ثم ترى العويدي(المسمار) مضبوط جدا إلى ماانك عفلته ذاك اليوم الهم منه مرتين ثلاث وتشوف النتيجة

[أبو مطلق]

فيه شي الحسن من هذا كله تنخش جحر داب وتخليه يسحبك بهالبرد ليه تشتر بفلوس وبعدين لياقه ياشباب وترى الداب وهو سريع

[أبو مطلق]

فيه شي أحسنم من هذا كله تنخش جحر داب وتخليه يسحبك بهالبرد ليه تشتر بفلوس وبعدين لياقه ترى الداب مهوسريع ولا وصفت الرجال خطره حيل

[بدوي متحضري]

بعد العشاء التهضيم بعد أشياء :
1 - أمش مائة خطوة أو أكثر خطوات منتظمة 0
2 - أكل قليلاً من الرطب إن وجد أو تمر 00
3 - لا تشرب الماء بعد الأكل أو أثنائه 00
وإذا مانفعت هذي معك قم ناقز اللين يوصل الرز الركب والسيقان

[ماكنـــتـــــوش]

اقول أخوي شكلنا اذا شربنا خلطتك هذة كل واحد مسكلة جادة

على العموم انا مجرب خلطة غير ( خلطة سارة )

اقول وش روخ التفاح مافهمتة والنعناع نكثرة ولا لا

[عروان]

يا أخوان لاتفوتكم خلطت البدوي متحضري

خصوصا الفقرة الأخيره تراها مضمونة هههههههههههههه

[شموسة]

عندي لكم وصفة زينة ومفيدة طبيا بعد الاكل..........
وهي:
1)شاهي اخضر
2)نعناع
3) زنجبيل
يفوح الماء ثم يوضع السكرويوضع الزنجبيل الاخضر(قليل منة ويكون مقطع صغيرا اومبشور)ويترك على النار
يفوح شوي ثم ابعده عن النار وضع عليه النعناع والشاهي الاخضر وحركه بالملعقةكثيرا (وان قصرت عطه زميلك)
ثم اشربة على كيفك من الكمية وتبي تشكرن على هذا


ملاحظة : على جيت الصيف يمكن انك تقلل الزنجبيل ولا مانع من الاستغناء عنه لكنه مفيد في الهضم

[العازمي]

ياجماعة وش السالفة .فية طريقة مية بالمية بعد أذن الشباب( أستخدمو الخروع) تراة مايخلي بالمعدة شي