ارايل دايموند ايهم افضل ؟

[خــشــــــــــم]

السلام عليكم ورحمه الله


شباب الي عنده خبره الله لا يهينه وجزاه الله خير , يفيدنا عن ايهما افضل:
اريل Diamound M-285S او Diamound DP-NR2C وصلتين.
وكم مدى كل واحد ؟؟ على جهاز كنوود قديم TM-261A , ولاني ابايعه.

[راعي عنيزة]

حياك اخوي

بالنسبه لل 285 معروف وارساله ماهنا زود ويباع مع الاجهزه لانه الارخص

اما الاريل الثاني فالمعذره ماعرفه

لكن المعروف ان اقوى اريل دايموند على الاطلاق هو NR22L ويسمى الستيشن السيار 6.5 ديبي

واما المدى فلا يقاس بالاريل لان الارسال يختلف من منطقه الى اخرى فاذا كنت منخفض ارسالك ما يتعدى 20 كيلو اما اذا ارتفعت ممكن تتجاوز 100 كيلو وكذلك اذا كنت قريب للبحر وعندك رطوبه فارسالك يروح مسافات بعيده

[شقران]

مساكم الله بالخير

ماشاء الله ياسلام عليك ياشيخ

[خــشــــــــــم]

راعي الاوله (عنيزه)

يا اكشخ عضو فى المنتدى , يا خلف اهل ديرتن ابالي. والله ما قصرت .
لكن يالغالي الاريل الي قلت عليه ( NR22L ) لو انه بجده اشريه الحين , قبل اغزي للنفود.
تسلم والله .

[خــشــــــــــم]

هلا شقران,, مساك الله بمثله واحسن منه
ياالشيخ راعي عنيزه الرجال يقولك يا سلام عليك يا شيخ.(حبيت اوصل سلام اخوي شقران.)



شقران , لا هنت يا الحبيب , ما عندك معلومه تنفعني بخصوص الارايل الي اسعل عنهم؟

[القناص]

السلام عليكم
ان سمحتوا لي
مداخله

الافضل انتل لارسن الاصلي ان وجد
او انتنكس الاصلي الطويل
يمكن يكون عند زنر
وآخر شي
الكوميت الاصلي

والسلالالالالالام

[خــشــــــــــم]

القناص

ما قصرت يا حبي بي , تكفى الله لا يهينك اذا تقدر تعطيني الاسم العلمي لللارايل الي ذكرت
يعني الي مكتوب على الاريل نفسه , حتى ما اتورط. وهل هم افضل من الي ذكره فوق راعي عنيزه دايموند NR22L ؟ ومنهو زنر ؟ وينه؟ .. (للمعلوميه انا بجده)

[راعي عنيزة]

تسلم اخوي خشم ويسلم شقران الجافي

مداخلتك رائعه اخوي القناص
فعلا اللارسن الاصلي والانتنكس افضل من الدايموند 285 ولكن ليست افضل من الستيشن السيار واذا عرفت حجمه بتجزم ان المقارنه بتكون بالطبع لصالحه
يبلغ طول الدايموند الستيشن السيار 2 متر 46 سم يعني ضعف حجم اللارسن والانتنكس
وبحسب تجربتي وصل معي مسافات بحدود 150 كيلو

ولكن يجب ان تتاكد ان الانتل اصلي وليس تقليد وحسب كلام استاذي شقران انه يوجد فرق في الكيس وساضع الصوره باذن الله

[راعي عنيزة]

الموقع فيه مشكله عموما برسل لك الصوره في الايميل

[شقران]

اخوي راعي عنيزه ياخلفهم توني واصل من سفر بعيد والا كان رديت من زمااااااااااان
والسموحه ياخلفهم. وبعدين ياحالي لايفتى ومالك في المدينه..
والله الني خايفن انك بتربطني انا مهوب راعي الكيف!!!!!!

فكره! ليس فقط بطول الأريل يحكم على جودته ولكن بطريقة تصنيعه من الخامات الموجوده فيه وايضاً طريقة قصه والدايمتر اي سماكته اضف الى ذلك مدى جودة القاعدة وتوضيع الأريل وعدة عوامل لاتخفى عليك ياخلفهم فكره اخيره ضعها بالحسبان عند شراء اي اريل فكل ماكان الأريل مقصوص على اكثر نسبة من الطول الموجي ومضاعفاته كان اداءاه رهيب على سبيل المثال اذا كان اريلك مكتوب عليه مقصوص على 5/8 الموجه وعندي اريل مقصوص على 7/8 الموجه في اللي عندي افضل وقس على ذالك مضاعفات طول الموجه يعني الأريل اللي عندك ممكن يكون 1 و5/8 الموجه بنما اللي عندي 1و7/8 الموجه بكذا يكون الأريل اللي عندي احسن بثمنين ويكون الديبي أي فيه اعلى واقوى الله يعين حسابات تخبل الواحد لكنها علميه جداً عند اهل الفيزياء...
انشاء الله في المستقبل ساقوم بكتابة موضوع مفصل عن طريقة حساب طول الموجه وافضل قصه للأريل لأي اريل ..طبعاً

اخوي القناص لافض فوك..
ومسيت بالخير..يابعدي

اخوي خشم اذا قدرت تتحصل على الأرايل اللي ذكرهن اخوي القناص فلا تشاور لكن احسب حساب الأصلييييييييييييييييييي!
واذ كنت متغلب في الموضوع انصحك تراجع موضوع كتبته عن الأرايل والأمبيات وبتلقى الفايده انشاء الله
http://www.mekshat.com/vb/showthread...&threadid=1047
المفضل عند الهواة طبعا المفضل عندي انا مدري عن هالناس كوميت هو
كوميت 4.5 ديبي/SSB7nmo
واللارسن ان ام او150 سي 3 ديبي يتحما اكثر من 200 واط كروم سعره هنا يوصل 650 الأصلي!
1-لارسن برو 150 الأصلي سعره يتجاوز 450 ريال أمريكي
2- كوش كرافت 3 ديبي شبيه جداً يالارسن لكن اقل اداء منه
3-دايموند 285 اس 3 ديبي الأصلي منه سعره يتجاوز 250 ريال
4- ناغويا 4.1 N5L ديبي وصلتين سعره حوالي 180 ريال
تحياتي وبالتوفيق/ شقران

[القناص]

ا لسلام عليكم
الحمدلله على السلامه يا جاي من السفر

ارايل ناغويا

تراها معتمده في كثير من القطاعات





وهذا موقعهم زياده في المعلومات

اضغط هنا!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

[شقران]

وكل عام وانت بخير قبل الزحمه...
وتسلم يافلته...
يلوموني فيك

[شقران]

فوق

[الفدرالي]

شكراً