بسم الله
السلام عليكم
مبروك الانتقال للسيرفر الجديد
اما بعد
الباترول 2005-2006-2007 **هذي الموديلات الي شفت فيها مشكلة** 2008 جديد مبعد جرب
سواء ربع او طويل 4500 او 4800 يعاني من مشكلة في كتاوت البنزين
وصف المشكلة: السيارة ما تشتغل اذا كانت باردة واذا اشتغلت تطفي بسرعة كن ما فيه بنزين
سبب المشكلة: خلل في الكتاوت من المصنع
حل المشكلة : يغير الكتاوت بواحد معدل من قطع غيار الوكالة
س :هل يشمله الضمان؟
ج: نعم, وغصبا عليهم
طريقة الحل :
1- افتح علبة الفيوز
2- انزع الكتاوت القديم (لونه ازرق وهو أول واحد من اليمين)
3- ركب الكتاوت الجديد
4- أغلق غطاء العلبة
5- ادع لغضنفر
واذا لا سمح الله
طفى عليك الموتر وغيرت كتاوته ولا اشتغل
شيك على فيوز الطرمبة يمكن انه احترق(الفيوز مكانه العمود الثاني الصف الرابع من اليسار)
عندك 3 فيوزات احتياطية بالعلبة استخدم الي رقمه 15 او قريب لمه
الصراحة رأيت ان فيه بعض الاخطاء يجب ان تصحح
1- الكتاوت سعره 65 ريال وليس 500 ريال كما ذكر البعض
2- الربع ما فيه الا كتاوت واحد فقط للطرمبة الثنين الباقيات واحد للمكيف والثاني اظنه للمروحه
نصيحتي لكل من يملك باترول وسبق ان عانى من هذه المشكلة:
اشتر كتاوت جديد وخله عندك بالسيارة
ما تدري يمكن يخرب عليك وانت بمقطعة وتبلش بعمرك