^ هـــــام جدا ^ // كتاوت طرمبة البنزين للباترول //

[z a n h o r]

مبدع يا غضنفر ..

شرح واضح جداً

كما عهدتك مبدع بمواضيعك

[خشيمان]

السلام عليكم

أخوي غضنفر
جزاك الله الف خير ورفع قدرك وزاد في علمك
من زمان وانا أدور حل لهذي المشكلة
وأزيدك من الشعر بيت
2008 نفس الخلل (السلقه)

أرجوا من المشرفين تثبيت الموضوع
لأهميته

دمت بود

خشيمان

[shababi]

بارك الله فيك

والف شكر على المعلومات القيمة

[راعي المسرى]

جزاك الله كل خير

[مزدهر]

تصحيحاَ للمعلومة كتاوت طرمبة البنزين مكانه فوق دعاسة البنزين ولونه أسود وإذا حصل خلل في السيارة أفصل الكتاوت ورجعه لمكانه لأنه يعلق أحياناَ ( هذا للسيارات الجديده) أقصد التعليق لأن السيارات القديمة أحياناً يكون عطلان

[ونيس البرق]

مشكور أخوي على التوضيح الجميل

[بدوي جنوبي]

ما شاء الله عليك يا غضنفر

مبدع دائما
يثبت قريبا ويضاف الي المواضيع المميزة

بالتوفيق

[راعي ددسن]

مشكووووووور والله يعطيك العافية

[غضنفر]

مشكورين جميع
على اضافاتكم الثرية
مــــــكــــــــشــــــــــات يستاهل أكثر

تصحيحاَ للمعلومة كتاوت طرمبة البنزين مكانه فوق دعاسة البنزين ولونه أسود وإذا حصل خلل في السيارة أفصل الكتاوت ورجعه لمكانه لأنه يعلق أحياناَ ( هذا للسيارات الجديده) أقصد التعليق لأن السيارات القديمة أحياناً يكون عطلان

حياك اخوي
قد يكون كلامك صحيح لغير الباترول
أنا متأكد من معلوماتي
الكتاوت أزرق ومكانه في علبة الفيوز
لأني سائل الكهربائي حق الوكالة
وهو وراني مكان الكتاوت ولونه
حتى أني سألت عن الكتاوت في قطع غيار الوكالة
والي عطوني اياه كتاوت أزرق نفس الموجود في علبة الفيوز
على العموم الخطأ وارد
وليتك أخوي تتأكد من معلوماتك بخصوص لون ومكان كتاوت الطرمبة بالنسبة للباترول
وترد لنا خبر ولو حصل صورة أفضل

ما شاء الله عليك يا غضنفر

مبدع دائما
يثبت قريبا ويضاف الي المواضيع المميزة

بالتوفيق

شكرا لك مشرفنا الفاضل
ما نستغني عن دعمك

[خشيمان]

السلام عليكم

أخوي غضنفر

أرجوا التأكد من المعلومة

لأني فصلت الكتاوت وشغلت الموتر واشتغل تمام ؟؟؟

[غضنفر]

فعلا يا صديقي مزدهر و خشيمان
يبدو أني أخطأت في تحديد الكتاوت
فعلا فصلته واشتغل الموتر تمام!
يبدو انه تبع المكيف مكتوب بجمبه Acc
ثمن فصلت الكتاوت الثاني من اليسار وبرضوه اشتغل الموتر!
بقى في العلبة 3 كتاوت ما قدرت افصلهم وكلهم زرق
واحد بالوسط واثنين فوقه يمين و يسار
كتاوت الطرمبة اكيد انه واحد منهم لكن من لا ادري
ما قدرت اجرب افصلهم لانه صعب الوصول اليهم
يبيلك تفك الديكور اسفل الدركسون
اذا احد قدر يفكهم ليته يعلمنا ايهم كتاوت الطرمبة

[المهذبي]

بيض الله وجهك

[هويدي]

جزاك الله خير اخي غضنفر على المعلومات المفيده

[ابو العطاء]

جزاك الله خير اخوي غضنفر

[ابو ليان]

جميع انواع الكتاوت يركب على بعضه بشرط عدد المخارج واتجاهاتها يعني لو فكيت الي بجنبه ولقيته نفس الشكل ركبه وحتشتغل ان شاء الله ودايم تلقى اكثر من كتاوت متشابهه خاصه بالنيسان عطايا الله .

وحتى بدون كتاوت يمكن تشغلها لان وظيفة الكتاوت هو توصيل الكهرب للخط الساخن للقطعة بواسطة كهرب من مفتاح سوا سوتش او مكيف او بوري .

يعني ممكن تتفحص مكان الكهرب ووتسوي كبري بسلك للفتحه الي لا يوجد بها كهرب اوماس .


ملاحظه
لاتسويها الاوقت الضروره ويكون عندك خلفيه شوي بحيث تعرف مكان الكهرب والماس والفاضي وذلك عن طريق لمبة بيان ( اي لمبه حقت اسطب فيها سلك ماس وكهرب ) .