قصيدة بارود مع بعض الصور !

[المزروعي]

السلام عليكم ورحمة الله وبركاته ..

كيف الحال يا أخوان .الصراح يا أخوان أنا لست من أصحاب الشواهين وما نقلت الشاهين إلا مره واحده في حياتي و كان جرناس هوا بكر فارسي . و في ذاك المقناص وبسبب سرعة الشاهين كنت أتفرغ للتصوير إن طارت الحبارة أو وقعت . و ما كنت أشك أن الحباره تروح عليه أبد . قصيدة بن عينان في طيره الشاهين بارود هيج أشجوني ! و يا خوفي أنه يحدني صوب الشواهين .

أترككم مع القصيدة و بعض الصور و لو أنها قديمه لكنها ذكرتني بالشاهين و صدق من قال أن المقناص قرحه و دواها الشاهين

ياعيد وصيتك على فرخ شاهين ياضن ما هقوت اضنونه
تراك راعي صنف في الطير وذهين صقار وصقار ما يغلبونه
شافوه في الدوحه على ذمة حسين والناس في حي النصر يذكرونه
ما صارله في السوق ياعيد يومين مره يا بومحمد مهونه
وكانه مثل بارود ياحي ذا العين لشافه اصقار طارة جنونه
وحده من اثنتين مافيه ثنتين هاته وعطهم فيه مايطلبونه
من قبل ماتصدف فيه عيون الحسودين شله يابوعيد قبل ما ينقلونه
عينك عليه يسار عليه ويمين تراك راعيه مجاني بعونه
ودارك عليه شوي ببزين ببزين تكفى يابومحمد منك يبخصونه
هذا شبيه الي فرقاه عامين الي عقب فرقاه كثرة اطعونه
بارود من عقبه ما نقلت الشواهين وبطيت من جنسه وجرمه ولونه


الخرب يستعرض ما خذ راحته !




و مازال الخرب يستعرض و المشكله أن عنده الحبيب وقت يمغط جناحه !!!!!!!!



أشهد أنه خرب هب هين !!! قام قلبي يدق



ما أعرف في شو يفكر الشاهين و هو يناظر هذا الخرب ! الظاهر أنه يقوله أحنا تشاوفنا قبل !!!






و في الختام لكم مني جزيل الشكر و الإحترام

[أبو أمين]

صح لسانك ولسان الشاعر والله يستر من الشواهين ومشكوووور

[أبوإبراهيم1]

الله يعطيك 1000عافيه على الصور الجميلة










تسلم اناملك وصح لسان الشاعر

[قلب ذيب]

ارحب يابومحمد .
شاهين وافي , وقصيده جزله .
والشواهين لها ميزتها المعهوده في الطرد والمخالاه .
شكرا لك .

[احمدالصالح]

مشكور وماقصرت ....

[فرخ الزاجل]

السلام عليكم ورحمة الله وبركاته
صح لسانك
وطيب الطير من طيب راعيه الله يوسع صدرك بالعافية على القصيد والصورالحلوة والحلا من طبعك مبين في توقيعك وسماحتك
تقبل مروري ودمتم بصحة وعافية

[قنيص غبر]

لله درك يابومحمد .. اسمينيه احيد ذاك اليوم وذاك الجناح .. لا هالسنه انشالله يسمح امرك نبانا شبيه بارود ولا شبيه الطير الي تحت ..

[وَسَام!]

لاهنت يابو محمد وصح لسان راعي القصيده!
لكن انت مادريت وش تقول الشيهانه؟ تقول هو نفعك جناحك هاه وين وداك؟

[صقار البحرين]

ابومحمد

الله لا يهينك على القصيده الطيبه وصح السان الشاعر مبارك بن عيننان الهاجري وهو شاعر غني عن التعريف ولاهنت على الصور والله يعيده على المقناص كل سنه وانت طيب وبخير

[سنجااار]

صح لسانك ولسان الشاعر يابومحمد
ماقصرت على الصور وبيض الله وجهك يالنشمي
تحياتي يالمزروعي

[المزروعي]

أبو أمين . صح بدنك و الله يستر
أبوأبراهيم1 . الله يعطيك العافيه
قلب ذيب . يا مرحبا يا بوماجد تسلم وصدقت الشواهين للمخالي
احمد الصالح . الشكر لك
فرخ الزاجل . وعليك السلام ورحمة الله وبركاته . صح بدنك و تسلم على هذا الكلام و هذا من طيبك
قنيص غبر . أرحب يا قنيص غبر ! يا راعي المشاكل !!! وأبشر بسعدك
وسام!. و من قال لا هان وصح بدنك . أشهد أنه ما نفعه جناحه
صقار البحرين . و من قال لا هان و شرفنا مرورك

[ابرق العزاف]

مشكور وياحبي للشاهين الفارسي ذباح من جد00000

[@قرناص@]

,,

سلمت يمناك يآبعدي..

وصح لسان الشاعر

,,

[الطبشي]

الله لايهينك يا ابو محمد ....وش تقصد بقوله الشاهين احنا تشاوفنا قبل يعني انه راح عليه الخرب من قبل هههههههههههههههههههههه او مؤيد للجيره .... الله يبارك فيك وتقبل مزوحي ....اخوك الطبشي

[جارح العين]

صح لسانك
والله يعطيك العافيه على الصور