سلة للجي إكس آر 2012

[s0s]

إخواني :
السلام عليكم ورحمة الله وبركاته ،،

أرجو المشورة :

عندي جي إكس آر وأرغب في شراء سلة خلفيه لتحميل الأغراض . إش تنصحوني أشتري ؟؟

أرجو الرد لأني ودي أسافر قريباً . ولكم كل الشكر والإحترام والتقدير سلفاً

[سالم الجبيل]

وانا بعد مثلك ... ننتظر احد يفيدنا

[s0s]

مافييه ولا أحد يعرف أي شي عنها مع أن المشاهدات 87 ... !!!!

[ذيب زلفاوي]

المشكله الموتر مايتحمل الوزن الثقيل يطيح من ورا

[s0s]

يتركب له بالونات ف الياي وتروح المشكله

[البديع 828]

سله علويه .. وماراح تحسف
تصبر لو بتحط فوقه مطبخ ماراح يطيح من ورا راح يكون متساوي الثقل
وفيه ورش تتفنن في تفصيله لدرجه انك ماتدري هو عليه سله ولا لاء

[طير الحماد1]

ركب سله علويه افضلك لان السله الخلفيه تحمل على الدفرنس وتسبب ونه فيه احذر

[المميـز]

:

العربه حلوه وسهله بس مشكله بالزحمه والمواقف

:

[Haz_1]

اخي العزيز... الوالد معه جي اكس ار 2010 .. 8سلندر ... وقبله جي اكس ار 2006 ..6سلندر .. جرب السله العلوية وجرب السله الخلفيه.. الخلفيه افضل بكثييير.. .عشان الهوا مايلعب بالموتر بالخط.. واذا صار هواء بالخط بتتعبك العلوية واحيانا حتى اذا كان تربيط الاغراض ضعيف يتفكك مع الهوا..

عن تجربه.. انصحك بالسله الخلفيه .. وركب ياي استرالي عشان مايتعبك نزول الموتر من ورى.. وافضل سله خلفيه.. سلة رفيق الدرب (الألمونيوم )

تحياتي اخي العزيز واتمنى لك سفرا آمنا

[s0s]

بيض الله وجيهكم إستفدت من آرآئكم والله يجزاكم خير ،،،

الكثير من الزملاء نصحوني بالسله الخلفيه وخاصة سلة رفيق الدرب .

[برقوق]

انا أشوف تشتري سلة عامودين من عند السنيدي
وتأخذ شنطة على مقاس السلة اريحلك تحط الأغراض في الشنطة وتسكر السحاب
الشنطة افضل تأخذها من الغرابي


انا مجربها على سيكويا

رفيق الدرب انا أشوف أنها ميب جيده
أولاً مسكره من تحت (السنيدي شبك من تحت)
ثانياً غالية مبالغ فيها


أرجو أني افتك

[abuslman88]

سلة في الخلف مميزاتها ما يلي
1- سهلة التركيب
2-سهلة التحميل
3-ضمان للاغراض من الضياع بسبب الهواء أثناء السير
4-ممكن طيها عند عدم الحاجة لها وبقائها خلف الموتر

عيوبها
1-عدم تحمل الأوزان الثقيلة
2-ضرر على المحور الخلفي إذا كان الوزن زائدا
3-نسبة الأمان تقريبا 70% يعني احتمال كسرها
4- ضرر على المساعدات الخلفية

في العموم هي طيبة لكن لا تحملها فوق طاقتها الاستيعابية