وضاع لي الهواء وش الدبره :(

[ريح الخزامى]

ياجماعه الخير لي الهواء حق الماطور ضاع ضيعه واحد من الشباب الله يهدينا واياه طالعين لمزرعه ونسم عليه الكفر وكنت مستعجل واجدع عليه العده وكلش وقلت له دبر عمرك فيها كل شي ولا شفته الا عقب اسبوعين

المهم يوم جيت اخذ منه العده خذتها ولا ناظرتها والله ولا شفت اللي ناقص والا لا

ويوم جت الحاجه للماطور وادور اللي ( الهوز) ولا لقيته واثر ابو الشباب الله يحييه ضيعه وانشده عنه يقول مدري والله ماكان مع العده وانا متأكد انه فيها مليون في الميه ..

فا وش الحل ................

الماطور نوعه سفاري اللي يجي اللي حقه اصفر بس انا شاريه اول مانزل السفاري قبل مايجن التقليد كان اللي حقه اسود مهوب اصفر بس ابي لو اللي يجي اخظر بس اهم شي احصل له لي

ولو فيه ترهيم وين اقدر ارهم له فيه واللي يخبر لي ويقول انه في القصيم احد يرهم الللللله يجزاه خير يصلح لي وحقه محفووووووووووظ حق المشوار وحق التصليح

جزاكم الله خير

[طيـــ بر ـــر]

أخوي ريح الخزامى ..
لايهمّك طلبك موجود .. في الغرابي .. والظاهر مايتعدّى الخمس طعش ريال .. على ماأذكر .. وأنا سألت عنه قبل شهر تقريبا .. ولونه أسود مثل الهوز الأصلي .. موب الأصفر التقليد ..

طيـــ بر ـــر

[ريح الخزامى]

يامال العافيه يا طير بر جزززززززززززززززاك الله خير

والله اني جادعن هالماطور من يجي حول السنه ظايقن صدري قلت يالله اشتري جديد ومتعيجز ومي واحد يعبرني والحمدلله رحت الغرابي ولقيت الاصفر ولو هو تقليد مهيب مشكله وسألت المحلات كلها ولا لقيت الا عند العوبثاني بس مغلينه الله ياخذ العدو وقالوا لي اكثرهم تلقى في شارع الريل عند حقين مواطير الهواء بس والله زحمه في هالرمضانيه ولا لي نفس في الزحمه وخذت هالاصفر يقضي الحاجه لين الله يفرجها واخذ لي واحد اصلي

جزااااااااااااااااااااك الله الف خير