(((لااايفوتكم....)).تجربتي مع الاكستيراا..هنا

[ابوعبدالله684]

حبيبي الغالي راعي الموضوع
حبيت اشارك بالتجربه
انا اعطوني شركه نيسان "اكستيرا"
قالو لي جربه واعطنا العيوب اللي تواجهها
اخذتها اول يوم ممتازه
لكن يوم جيت اروح بها للبر في الطريق طفت علي وحاولت اشغلها وما طاعت اتصلت على المصري اللي معطينيها قال دقايق والسطحه عندك
وبعد يومين اتصلواعلي و قالوا لي حساس خربان" لكن مادري اي حساس"
المهم قلت للمصري معاد ابيها ماتصلح لي
هذه الحادثه صارت معي وعلى موديل 2008للاسف!!

[مواسي الطعوس]

[quote=ابوعبدالله684;1624865]حبيبي الغالي راعي الموضوع
حبيت اشارك بالتجربه
انا اعطوني شركه نيسان "اكستيرا"
قالو لي جربه واعطنا العيوب اللي تواجهها
اخذتها اول يوم ممتازه
لكن يوم جيت اروح بها للبر في الطريق طفت علي وحاولت اشغلها وما طاعت اتصلت على المصري اللي معطينيها قال دقايق والسطحه عندك
وبعد يومين اتصلواعلي و قالوا لي حساس خربان" لكن مادري اي حساس"
المهم قلت للمصري معاد ابيها ماتصلح لي
هذه الحادثه صارت معي وعلى موديل 2008للاسف!![/quote
** الحمد لله على السلامه ( عسى ما جاك شي )
** عسى مارتفع الضغظ عندك وتوحشت بالبر
** عسى ما جاك حرامي بالبر
** من اللي اعطك الموتر المصري ولا مبارك اليماني اللي يصلح الهايلكسات بالصناعيه
**الموتر اللب اعطوك مصنوع بخريص والا برماح والرمحيه
** اشوى موتري مصنوع بامر يكا ومجرب هناك من عام 2000م هبل بلامريكان افضل موتر للبر من عام 2005 م
**لا يلعب عليك المصري يعطيك الموتر مره ثانبه ترى البويه حقته ما نشفت ويطبعك
** مع اني اشك انك محمد بن سليم بطل الشرق الاوسط لانه هو اللي يجرب السيارات لكن قبل نزولها للسوق ب3 سنوات مثل ماجرب الجتي ار والباترول 2009 قبل سنتين
**انصجك مره ثانيه اذا حصل معك ها الموقف تتفل عن يسارك ثلاث مرات وتكمل المووووووووو

** اللي خرب احبه جساس قلت خرب الزير سالم لكن تساهيل
*** ايها الاعضاء باركوا له على السلامه وما يشوف شر والسلام ختام

[gsb]

حبيبي الغالي راعي الموضوع
وبعد يومين اتصلواعلي و قالوا لي حساس خربان" لكن مادري اي حساس"

عسى ماخذوا عليك قيمة الحساس علشان أنت الي خربته وإجار السطحة بعد. تراهم يسوونها الحمراني ون مادفعت شكوك على الشرطة ولا بلاش الشرطة اثري عندهم واسطة اكبر على وزارة التجارة وحماية التاجر من المستهلك الحراميييييي الجشع يخرب سيارات سعادة الوكلاء

على العموم اخوي ابو عبد الله يمكن الي قبلك مارحمو السيارة ونت منهم شي بلاش ربحه بين فأر تجارب

لهف نفسي عليك ايها الإكستيرا الأوفف رود الأمريكي الأصلي 100%.

[أبو حطب 2008]

ماقصرت وعز الله انك وفيت وكفيت
بس خليتني اتحسف اني شريت هايلكس

[طرح السعودية]

الاكستيرا عز الله انه موتر عليه ماكينة ماهي صاحية ودوس يروع سيارة بر بلا منازع

[عسلوف]

ياليت من الاخوان ال ياشتروا هذه السيارة اثراء الموضوع بملاحظاتهم لان اكثر الناس متخوف منها ودنا انها تصير سيارة شعبية مثل الاف جي

[ابوعبدالله684]

السلام عليكم
يتضح معدن الرجال من اقوالها وافعالها
"والسب ياخوي مواسي اسهل ما يكون"
وبعدين وش اللي يغيضك ؟؟!
لاتكون شريك للحمراني ولا الجبر ؟؟؟؟؟
هذا اللي صار معي
وهذه تجربتي ماصدقت شي راجع لك
والله يوفقك انت موترك

[سوسة حطب]

اخوي أنا معي باث 2003 ومن وكالة ما غيرته وودي أخذ أكستيرا بس خايف منه وأبي أسألك
الشكل جميل والقوة واضحه بس الدبل يخوف لإني متعود على القير بس الكهرب ما جربته يقولون أن مكيفه ما يبرد تبريد زين هل هذا الكلام صحيح
ومشكلة الفل ما يجي عايدي

[مواسي الطعوس]

اخوي أنا معي باث 2003 ومن وكالة ما غيرته وودي أخذ أكستيرا بس خايف منه وأبي أسألك
الشكل جميل والقوة واضحه بس الدبل يخوف لإني متعود على القير بس الكهرب ما جربته يقولون أن مكيفه ما يبرد تبريد زين هل هذا الكلام صحيح
ومشكلة الفل ما يجي عايدي

** خايف على اي شي الماكينه والقير نفس الباث 2006م فما فوق وكذلك الدبل وماحصل منه اي مشكله
** الدبل الكتالوج يقول تشغله على سرعة 100 والفاندر الاول والسفاري الكتالوج يقول على 40 ومع ذلك الناس تشغله على سرعة 80 وفوق يعني الاكستيرا تقدر تشغله على 130 وزياده

**المكيف ماقدر اقولك لاني عازل الموتر وتبريده ممتاز احطه على رقم 2 واحيانا اقصر البروده هذا في النهار مع انه مر علينا ايام الحراره وصلت 45 الايام الفائته

*********************

** عيوب الفاندر القديم صارت مميزات في الاكستيرا مثل :
1/ مافيه شاسي الفاندر هذا شاسي مقوى
2/ الفاندر ينزل مع الحمل هذا لايتاثر سست مايحتاج رد اليايات هات اليايات
3/الموتر صلب من الامام مايحتاج مساعد قوي
4/ الثلاجه ومشاكلها غير موجوده

وذا بغيت اي شي اي استفسار جاهزين والسلام

[Abu-Sulaiman]

هلا اخوي مواسي
يا ليت تعطينا فكرة عن العزل اللي مسويه على الموتر و كم كلف
وياليت تشرح وش قصدك ب:
4/ الثلاجه ومشاكلها غير موجوده

[مواسي الطعوس]

مشكور ياخوي مواسي الطعوس على الشرح الوافي ،،،

بس ياخوي ما تحس أن السيارة متفخة شوي من الجهة الأمامية ؟؟؟

يعني تشوف نهاية الكبوت و أنت راكب في السيارة و لا لا ؟؟؟

*** تارك بعض الشرح للاسئله نفتح مجال وواجب بيان كل شي علشان اللي يصلح له يشتري واللي مايصلح له مايشتري
** انتفاخ السياره يعطي السياره هيبه مع السكن الجديد ( النور الصغير) لايوجد شبيه له في السيالرات مع كشفات الضباب

** مركب السياره مرتفع وتشوف زين لكن السفاري 97م وتحت اوضح منه طرف الكبوت وهو اقرب السيارات له لايقارن بالاف جي اطلاقا من ناحية المركب هذاك ماتشوف شي ابد وقزازة قدام كانها القزازة الخلفيه شكلها ولا تشوف الكبوت

[عسلوف]

والله انا جربت السيارة من الوكاله ولا عليها كلام غير ان داخليها ماهو بالحيل وكذلك ركوب من الباب الخلفي مزعج الا انني مقتنع بان هذه السيارة سيارة عملية بماتعنيه الكلمة ويمكن تمسك اسعارها مستقبلا بس خلوها تمشي بالسوق وسلامتكم

[مواسي الطعوس]

هلا اخوي مواسي
يا ليت تعطينا فكرة عن العزل اللي مسويه على الموتر و كم كلف
وياليت تشرح وش قصدك ب:
4/ الثلاجه ومشاكلها غير موجوده

** العزل اشتريته ب 150 ريال وفكيت المراتب وركبته ( رح لحقين التنجيد او المغاسل الكبيره المشهوره يصلحونه ؟ اي عزل يفيد فيه لانه لم يعزل ابد ) يقولون علشان يغسل اذا جاءه ماء وطين ولارايح يجيه / معي عزل واجد الصوت واتوقع التبريد يفيد كذلك ( اذا سافرت مسافه 150 كم ونزلت من السياره احب اوقف في الشمس شوي تذكرت يوم كانو الجامعه يزيدون التبريد علينا بعض الايام


** الثلاجه : قصدي ماهو مثل الفاندر 2005م وتحت اللي ماكينته 3500 اللي يتكلمون عن سقوط مسامير الثلاجه

[مواسي الطعوس]

ياليت من الاخوان ال ياشتروا هذه السيارة اثراء الموضوع بملاحظاتهم لان اكثر الناس متخوف منها ودنا انها تصير سيارة شعبية مثل الاف جي

اخوي (عسلوف) الموتر مجرب يكفي تجارب الامريكان افضل دفع رباعي عندهم ........ ولاسبق اخذها الا الانفنتي عام 2001م شبيه الفاندر لانه وقتها مافيه سيارات عليها مكائن قويه

الاف جي له شعبيه لانه نزل عندنا عام 2005م يوم الناس يجون يشوفونه يقولون هذا الربع الجديد ( يعني كان له عندنا 4 سنوات) ومن حب الناس للربع قبلوه

لايصير له شعبيه عاد بكم يبيعه الحمراني والله ان يطيره فوق

[أبوالمثنى]

الله يعطيك العافيه يا مواسي الطعوس

صراحة انا محتار بين ثلاث سيارات الي هي
1- باترول Gl

2-أكستيرا فل كامل

3- فورتشنر سته سرندل

أرجوا انك تبدي مشورتك لي