احداثيات مواقع غرب وشمال حزم الجلاميد

[الأبيتر]

ابشريااخوي الشقردي انت والسمح وبالنسبه للبيتر فعلا شعيب غرب الحزم0
مجيلس المرا : 31,44,977 040,15,802
مجيلس البحيرات: 31,41,719 040,01,846
لاهـــــــــــــه : 31,56,537 039,33,335
ام الفريس : 31,52,823 040,01,102
الشروقيات : 31,57,855 039,13,001
رجم المصوصي : 31,45,589 039,52,857

وانشـــــــــــاء الله اوافيكم بالباقي وارجوا المعذره

[السمح]

كثر الله خيرك يالأبيتر وأنا أشهد إنك ما قصرت .. بس ودنا إنك وضحت المواقع وش تكون شعبان وإلا محطات وإلا أرض زينة .. أعرف المرى شعيب بس الباقي ودنا إنك تنورنا الله لا يهينك .. حتى تكون الفائدة أكثر .. شكراً مرة ثانية ..

تقبل تحياتي ...

[خــشــــــــــم]

الابيتر
ما قصرت يا لحبيب

المواقع الي ذكرت وش طبيعتها مقناص طيور والا قطا؟؟ مكاشيت؟؟
يا ليت نلقى عندك احداثيات الحدود الشماليه كلها؟؟.

[الأبيتر]

اخوي السمح سمح الله دربك بالنسبة للمواقع الي ذكرتها متنوعة فيهاشعبان وبعضها فياض وخباري وتلاع وكلها اراضي زينة0
اخوي خشم الله يبارك فيك الاراضي اراضي مقانيص بس هالسنة مالهاعاده 0
انشاء الله اوافيك باحداثيات اكثر بس عطني فرصة لاني هالايام مشغول بروحات وجيات وطلعات 0 ارجو المعذرة وشكرا

[الطريفاوي98]

عزيزي الابيتر بعد اذنك اوضح بعض الاسامي اللي قريبه من المواقع اللى ذكرت الابيتر: يقع شرق زملة النعام غرب شعيب المرا وارضه واسعه وفسيخه ويكثر فيها وقت القنص والصيد القمري والفري والسموون بكثره لوجوود اشجار الشفلح والرمث وفيها خباري ويمتد الابيتر من الزمله الى الشرق تقريبا 3-5 كيلو تقريبا ومن الابيتر الى البحيرات حوالى 15 -20 كيلو الى الجنووب اما رجم المصوصي : فهو معرووف حتي بالخليج لانه رجم موجوود وحواليه بعض الفياض اللى فيه وحده قريبه من اسمها فيضه المصوصي وارضها سهله ومريحه جدا لاي سياره تجوبهاا وبعدها الى الجنووب الغربي تاتي مضله وهى ارض ذات تضاريش وعره بعض الشيء وتغاريز واجد ويجب الحذر (بالنسبه لي لاني كثير ماجيهاا ) اما لاهه: فكثير من اتاها وكثير من وصفها ى ففيها المشراف وهو يطل على اغلب الاراضي اللى حولها وعلى بعد وارضها وعره واما الاحداثيات فهي ليست حاظره الان ارجو المعذره وشكرا لمن ساهم وشارك ولاخوي الابيتر ايها السمح ان شاء اله لاجيب لك الاحداثيات حتى لو ارووح يمها لاني انا حافظها حفظ ولااحتاج للاحداثيات الا بعض المواقع منها وانتظر ان شاء الله الاخ حشم انها اكبر مما تتصور فهي للطيور وللقطا والحباري ومكاشيت واجواءها رهيييبه ولكن الان ليست حاظره الاحداثيات اخوي الابيتر معذرة للتداخل وارجو اذا كان عندك احداثيات الاماكن ارسلها الان ومشكوور مسبقا وانا اذا حصلتها او ذهبت اليها في الوقت الحاظر راح اجيب الاحداثيات ان شاء الله




[marquee3]اخوكم الطريفاوي98[/marquee3]

[السمح]

ما شاء الله عليك أخوي الطريفاوي على هالمعلومات .. أشهد إنك ما قصرت ووصفت فأبلغت .. وتدري والله إنك شوقتني لرحلة إلى هاك الديار ولو هي بعيدة .. ترى أقصى ما وصلت وادي المرا لكن المحلات اللي كتبت عنها تشوق الواحد .. لا هنت ولا هان أخوي الأبيتر ...

تقبل تحيات أخيك السمح ...

[شلفان]

فعلا لكم جميعا الشكر والتقدير