أدخل وشارك واحصل على إشتراك ا نترنت 30ساعة

[راعي بر]

السلام عليكم ورحمة الله وبركاته

العنز تقول لراعي الشاحنة

((تقــــــــــــــــــــــــــــــــــــــــــــــ ـــــــــاوم ))

[ابوصالح*]

العنز تقول وباللهجة الجنوبية ( يا ِصديق هبلك حليب ... اشبوه ذيه مايرد الله يهبلك ... امباااا )

الترجمة : هبلك : اي سعطيك
اشبه او اشبوه ذيه : يعني وش فيه ذا
امباااا : صوت العنز

[الطبيب]

1- اوا هنيك يا الحديده لا يوخذ حلــيــبــك ولا يسبونك ويقولون لك يا ( عــنــز ) !!!!


2- تهقون لو اركب كفرات ابي اصير سريعه ؟؟؟؟؟؟


3- انت يا راعي التريله وش بلاك طارت عيونك علي ؟؟؟ ما عمرك شفت حلوين ؟؟؟


4- يا الله من فــظــلــك !!!! التـــيـــس اللي يسوق التريله مـقــظـــم ( مرصص )

5- انتبه ترى قدامك رادار سرعه لا تسرع لا يعطونك قسيمه زي ما سوو معي

[حفرلوجيا]

أخوي أبو فارس : بلخير .. ملا حظ ان اليوم الأول من الدوام بعد الإجازة يبي ينتهي .. وأنت مطنش لا حس ولا خبر .. نبيك تنقز وتصفق بصدرك وتقول عندي وأنا أبو فارس الثلاثين ساعة الاشتراك ..
نبي نعفيك من جائزة كرتون الفقع لأنك معذور ماراح تلقى .. وأيضا الجفرة لأ نه ماتستاهل من يكزه لأعضاء مكشات لان قدرهم من القعدان وأنت رايح .. ولا نبي نخسرك ..
وتراي شاري نظارات طبية سميكة مخصوص عدساتها تقل قاعة بيالة ( حقين اللجان ماهم أحسن مني ) .. وانتبه التأخير يوقع عليك جزاء من خلف قاعة البيالة.. انجز

[desprado]

اليوم سادس العيد وكل عام وانتم بخير وين النتيجة

[الهلالي]

العنز تقول بخوف ( سيارة عسكرية وتويسي ضايع يا والله اللي صار مندي )

[هول الليل]

حال لسان العنزه يقول( طلعه والسواق هندي عطنيها لارحم ابو مجناك ونا عنوز)

[قرناس]

هه والله آخر زمن مابقي الا السيارات تمشي مع السفلت

[سيف السيف1]

Originally posted by حفرلوجيا
أخوي أبو فارس : بلخير .. ملا حظ ان اليوم الأول من الدوام بعد الإجازة يبي ينتهي .. وأنت مطنش لا حس ولا خبر .. نبيك تنقز وتصفق بصدرك وتقول عندي وأنا أبو فارس الثلاثين ساعة الاشتراك ..
نبي نعفيك من جائزة كرتون الفقع لأنك معذور ماراح تلقى .. وأيضا الجفرة لأ نه ماتستاهل من يكزه لأعضاء مكشات لان قدرهم من القعدان وأنت رايح .. ولا نبي نخسرك ..
وتراي شاري نظارات طبية سميكة مخصوص عدساتها تقل قاعة بيالة ( حقين اللجان ماهم أحسن مني ) .. وانتبه التأخير يوقع عليك جزاء من خلف قاعة البيالة.. انجز

=====================================
أحبابي أعضاء مكشات كل عام وأنتم بخير تقبل الله منا ومنكم صالح الأعمال..
ياجماعة الخير ذبحنا حفر لوجيا أكل الفقع والجفرة ويقول أعفيناك ألا والله حكم وينك يارئيس اللجنة أنصفنا ؟ ما عندك أحد
يالله ياحفر لوجيا أعلن الفائز في مسابقة العنز ..
الفائز في المسابقة سوف يحصل على الجائزة عن طريق البريد الخاص ..
مشكور لجميع الأعضاء المشاركين في المسابقة وشكر خاص للأخ حفر لوجيا وما أقول إلا الله يجيب الفقع والربيع قولوا آمين

[راعي كيف]

العنز تحك رجلة ايةةةةةةةةةةةة هو ذكر او إنثى !!!!!!!!!!



مع تمنياتي للجميع بالفوز
اخوكم ( راعي كيف )
ابو ناصر

[حفرلوجيا]

شكلك تحسفت ياأبو فارس .. وماودك تعطي الجائزة وصرت تتهم اللجنة بأنها أكلت الجائزة .. بس على مين .. نبي نتابع خط سير وصول الجائزة .. وإن ماوصلت لراعيها نبي نرفع قضيتك لشقردي .. وبدون تحقيق نخليه يحكم عليك تربط بعامود الخيمة العامة طول الربيع على شان ماتكشت ..
لقد اسفرت اجتماعات اللجنة الرئيسية واللجان الفرعية المنبثقة عنها بعد اجتماعات مطولة ( انتدب لها من أنتدب ) عن النتائج التالية :
1- بما ان الجائزة ( اشتراك نت 30ساعة ) رأت اللجنة ان عدد المشاركين بالتعليقات العشرين عضو .. هم كلهم فايزين .. ويمنح كل واحد جزء من الجائزة ( ساعة واحدة ) ..
2- بعد ان اجتمع الفائزون العشرون أختلفوا لمن تمنح العشر ساعات الباقية (هل راعي كيف , أوالطبيب , أو رعد الجنوب , أو الهلالي ) و قرروا منح العشر ساعات الباقية لأخوهم ( الهلالي ) على تعليقة:

العنز تقول بخوف سيارة عسكرية وتويسي ضايع يا والله اللي صار مندي )

3- كما قرر الفائزون ( بطواعية وإختيار منهم ) التنازل عن جوائزهم لأخوهم ( الهلالي ) ..
4- نتيجة القرار الجماعي .. ( تمنح الجائزة للهلالي ).
يناشد المشاركون بهذا الموضوع الهلالي بإشعار الجميع ( في رد بهذا الموضوع ) عن وصول أو ... عدم وصول الجائزة ( وبهالحالة ترفع القضية لشقردي )
شفتوا الجميع راضي .. إذا صار القرار جماعي

[عاشق البابونج]

الحكم صاحب الشارة الدولية

السلام عليكم ورحمة الله وبركاته

وبعد مارأينا عملك وتحكيمك وحكمتك أُرشحك بأن تكون قاضي هذا المنتدى

والترشيح مفتوح

هذا مانتمناه في كل حياتنا وهذا ما يجب أن يكون عليه المسلم والله أعلم

[سيف السيف1]

ألاوالله البلشة وينك يالشقردي شف الرجال وش يقول..
وإن ماوصلت لراعيها نبي نرفع قضيتك لشقردي .. وبدون تحقيق نخليه يحكم عليك تربط بعامود الخيمة العامة طول الربيع على شان ماتكشت ..

ألف مبروك يالهلالي

الجائزة سوف تصلك إن شاءالله يوم السبت عن طريق البريد الخاص ..

[الهلالي]

أخي العزيز / لجنة الحكم حفرلوجيا ( متلبنن )
أسعد الله أوقاتك بالمسرات .
أما بعد : أسمح لي أن أضم صوتي لصوتك أنه بالفعل جميع التعيقات جميلة وجميع المشاركين يستحقون الفوز
بالجائزة . والفوز الحقيقي هو ترشيح الفائز من قبلكم . وأسمح لي كذلك أن أتقدم بالشكر الجزيل لأخي أبوفارس على حسن أختياره لهذه الصورة وعلى كرمه والتبرع بهذه الجاثزه .
ومع تقديري و إعتزازي بكما أمل أن تقبلا هذا الإقتراح . وهو أن يضع أخي أبو فارس أو أخي حفرلوجيا صورة
أخرى للمسابقة وتكون الجائزه نفسها مقدمه مني للفائز وتحت إشرافكم . أعتقد أن القضية لن تصل لأبو عبد الله

[الهلالي]

أخي العزيز / لجنة الحكم حفرلوجيا ( متلبنن )
أسعد الله أوقاتك بالمسرات .
أما بعد : أسمح لي أن أضم صوتي لصوتك أنه بالفعل جميع التعيقات جميلة وجميع المشاركين يستحقون الفوز
بالجائزة . والفوز الحقيقي هو ترشيح الفائز من قبلكم . وأسمح لي كذلك أن أتقدم بالشكر الجزيل لأخي أبوفارس على حسن أختياره لهذه الصور وعلى كرمه والتبرع بهذه الجاثزه .
ومع تقديري و إعتزازي بكما أمل أن تقبلا هذا الإقتراح . وهو أن يضع أخي أبو فارس أو أخي حفرلوجيا صورة
أخرى للمسابقة وتكون الجائزه نفسها مقدمه مني للفائز وتحت إشرافكم . أعتقد أن القضية لن تصل لأبو عبد الله