قوارى ودلال السيف

[( برى بحرى)]

السلام عليكم ورحمه الله وبركاته

اخوانى عندى سؤال فى بالى من زمان بس مانى عارف الجواب وسألت بعض الشباب بالدوام

اخوانى لم اجد منكم اى شخص بالمنتدى يمتدح قوارى ودلال السيف ليش ؟؟؟

مع العلم انها ستيل طيب ونظيف

بعض الشباب بالدوام يقولون عيب تخليها لانها تلمع وما يصير تخليها بمجلس الرجال

والبعض منهم قال حرام لان سعرها غالى واللون من الخارج يتغير بسبب حراره الجمر بس من الداخل ما يتغير

وكل واحد قال لى وجهه نظره

ويوجد من قوارى ودلال السيف اكثر من لون بس الجميل اللى شفتهم لون الستيل واللون الذهبى

بصراحه قلت راح احصل الجواب عندكم

تحياتى

[( برى بحرى)]

72 مشاهده

ولا واحد رد

الظاهر الموضوع صعب

[ford]

والله وانا اخوك اللي اشوفه انا ان عموم بضاعته التاليه صيني ولا تسوى والاسعار مبالغ فيها وبالنسبه للدلال عندك البغداديات ورسلان وانواع اخري

وان شاء الله الشباب يفيدونك اكثر مني

[الدبل الثقيل]

دلال العساف أفضل من السيف طبعا اللون الابيض الاستيل ... اما اي اشي مصبوغ ذهبي تروح لمعته ويمكن لونه حتى لوما استخدمته وكان ما عليه نايلون .

[siglo]

أخوي بري بحري،

انا ما جربت من الدلال الستيل غير دلال السيف فما أقدر أحكم على باقي الأنواع

جربت ثنتين لون فضي والثالثة ذهبية

الفضيتين تقريبا صارلهم عندي أكثر من سنتين من غير مشاكل

الذهبية مرة كنت بنظفها من الداخل والظاهر إني حكيتها بالملعقة شوي وتآكلت الطبقة الداخلية
ورحت للمحل اللي شريتها منه في المباركية ووريته اياها
استغرب وخذاها مني ووراها الموزع اللي في الكويت
وبدلوها لي بلاش بس إخترت اللون الفضي هالمرة بدل الذهبي


دلال رسلان والبغداديات حلوين لكن أعتقد يبيلهم واحد يحافظ عليهم وبين فترة وفترة يوديها يربونها ويتعب على تنظيفها

وما عندي فكرة شنو المواد اللي تستخدم لما يربونها
هل هو رصاص أو قصدير أو مادة أخرى؟
وإذا كان رصاص مثلاً ممكن يكون له تأثيرات سلبية على الصحة

ما أدري والله، إن شاء الله الشباب يفيدونا


وبالنهاية بعد ما تشوف رأي الإخوان تذكر إن القرار لك وحدك

[ابوفهيدان]

والله حنا نستخدمها من زمان وخاصة بالمناسبات خذ منظر وشكل ورزة

بس تري في السيف تقليد وميزتها ماتحتاج تربها بعد هجرها

[( برى بحرى)]

بارك الله فيكم يا اخوان وما قصرتوا

تحياتى

[شهوان]

عليك بـ (دلال) العســـــــــــــــــاف وانت مغمض نصيحة مجرب