15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 2 12 الأخيرةالأخيرة
النتائج 1 إلى 15 من 22

الموضوع: ديوان الشاعر / راعي مرات

  1. #1
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    ديوان الشاعر / راعي مرات

    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))
    الشاعر/ راعي مرات - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وكان أحد مشرفي خيمة الشعراء وقد قامت الإداره مشكوره بجمع هذه القصائد في دواوين خاصه لكل شاعر وهي إذتقدم ذلك إنما تسعى لحفظ جهود شعرائها وجعلها في متناول القارئ وهي تقدر للشاعر
    مايبذله من جهد وتفان ٍ في هذا المجال


    ((السيرة الذاتية))


    الأسم المستعار/ *** راعي مرات ****

    الأسم الحقيقي / عبدالرحمن بن عبدالله المجلي السبيعي

    الميلاد /محافظة مرات
    التعديل الأخير تم بواسطة ريف النشاما ; 17/01/2005 الساعة 06:21 AM

  2. #2
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489


    كسر الخواطر مثل كسر الزجاجه

    الحر يزكى .. والدجاجه.. دجاجه = وماني على بعض المقاريد مجبور
    الضرس قلعه لا تألم علاجه=لا صار ما ينفع معه طب دكتور
    وحكي القفى في الناس عيب وسماجه=وإللي يتتبع عرض الأجواد مثبور
    نارد قراح الماء ونترك هماجه =هذا لنا مبدأ.. ومنهج.. ودستور
    واللي يطفي في الغداري إسراجه= لايحتري قمراء ..ولا يرجي النور!!
    تراه يضيع صيدته في عجاجه=لا يسمع الناصح ولا يأخذ الشور
    والكل يبخص في الشدايد خراجه=لانشبت اللقمة من الغبن في الزور
    والحظ لابان الردى في حجاجه= أصبر مدام الصبر ياخوي مقدور
    الله خلق كونٍ وسيعٍ.. فجاجه=والعبد لو يطرد ورا الرزق معذور
    و(راع) الرفيق ولا تعكر مزاجه= خله سعيدٍ دايم الدوم مسرور
    كسر الخواطر مثل كسر الزجاجه=نفس البشر دم.. وأحاسيس.. وشعور
    وإللي يتصدد مالكم فيه حاجه =يالله عسى إللي يدور الستر.. مستور
    واحذر تصير لبعض الألسن (علاجه)=بعض البشر يشهد.. ويحلف ..على الزور
    والتمر يعرف طيبه من خماجه=ماجور ياللي تدهل الطيب ماجور
    الواحد القهار راعه وناجه= الله يكافينا من الضيم والجور
    يقوله إللي قاسي الوقت عاجه=صابر وهمه داخل الجوف مقبور!

    *** راعي مرات*** عبدالرحمن عبدالله المجلي السبيعي

    *************************
    تاق فكري للقصايد وسبقتني لـه يـدي=ترسم دموع القوافي عمـرٍ أقفـى مركبـه
    لاهبٍ بأقصى ضميري حاديٍ قلبـي حـدي=عاديات الوقت الأقشر قصصت طول شنبـه
    شاردٍ من جور بقعى.. مبعدٍ عنهـا يعـدي=لين عجز.. وطاح يزحف وانثنى فوق ركبه
    لو ملكت الكون كله.. والكواكب.. والجـدي=ماتساوي دون وجهي وجبةٍ في مسغبـه
    أحمد الله في المراجل .. باذلٍ كـل جهـدي=أتبع اللي فيه عزي.. منكبـي فـي منكبـه
    ماتعلمـت الدنـاوة..ولّ ياولـد الــردي=ياعسى الله يحرم اللي مـا يقـدم مزهبـه
    المعالي في حياتـي دوم فرحـي وسعـدي=تـاركٍ درب السماجـه للحصينـي وعنبـه
    ومن دعاني للخيَابة .. قلت ما أسمع مهتدي =تابعٍ ملة ( نبيـي ) مذهبـي مـن مذهبـه


    عبدالرحمن بن عبدالله المجلي *** راعـــــي مــــــرات***

    ****************************************

    آه من قلب معنى ما استراح.....


    آه.. من قلبٍ معنىً ما استراح= لاهبٍ في داخل ضلوعه يفوح

    كل ما ليل الشقى أدلج وراح= دك في الخفاق غربالٍ يلوح

    حظٍ أقشر لاجت الصملات طاح = عجز ما حقق ولو بعض الطموح

    إن ركبنا البحر خانتنا الرياح= وإن بغينا القاع ضيعنا الصروح

    مانفعنا الصبر وانواع الكفاح=(مرمسات) العمر زادتنا جروح

    والعمر اقفى ولون الشيب لاح = ياربيع العمر .. تكفى.. لاتروح

    همتي تسمو .. وسدي ما يباح= وعزمي الجبار للعليا .. لحوح

    ولمشقى لو تتقى بالصياح= ماقدر ينطق ولا يقوى يبوح!!

    والتشكي ..والتبكي ..والنياح = مايعدل ميلة (الوقت) الشحوح

    أختلط صوت الحقيقة بالنباح != واختلط جد الليالي بالمزوح!!

    والنجاح إللي يسمونه نجاح = في قواميس.. العنى عندي جنوح

    جيت انآ أنشد عن الدرب البراح=أتساءل يابشر من وين اروح

    تايهٍ محزون مكسور الجناح= مالقيت إللي مودٍ لي نصوح

    وكل داجي ليل يجلاه الصباح= والقوافي المبهمه تبغى وضوح

    أسأل الله دوم يرزقنا الفلاح= وارجي الرحمة من الرب السموح

    **** راعي مرات**** عبدالرحمن بن عبدالله المجلي
    *********************************************
    شاب حرف القاف . . وعذبني القصيد. . .
    شاب حرف القاف. . وعذبنـي القصيـد=والهمـوم اليـوم صـارت فـي ازدِّيـاد
    يتّقـدْ فـي ضـامـري مـنّـه وَقِـيـدْ=ليـن جفنـي حاربَـه حـلـو الـرقـاد
    ضاميٍ والحرف جرعنـي. . ( صديـد)=أحسبـه لِـي تَسّلِيَـه وإثــره نـكـاد
    في لساني صمت. . وفي لَحنِـي نشيـد=شايبٍ قولي . . ورأ سـي فـي المهـاد
    كنّت غافـل عنـه. . مبسـوطُ وسعيـد=مبعـدٍ عنّـه. . ولالـي بــه مــراد
    أتسلـى بـه. . واطالـع مـن بعيـد!!=وعنه نفسـي دوم. . أجاهدهـا جهـاد
    قاسـيٍ باسـي معـه. . كنّـهْ حـديـد=مـا بغيتـه. . جعـل قافـه للنـفـاد!!
    ليـن حـرك خاطـري. . شـيٍ جديـد=وأشعـل اللـي طافـيٍ تحـت الرمـاد
    جاوبَه نبضـي. . ودمـي. . والوريـد=وطحت كلي !!. . تحت رجلينه بـداد؟!!
    الحـذر. . والجـود. . مـاوالله يفيـد=كنت صاحي . . بس. . شاءَ الله . . واراد
    قدّرتْـه سبحـانـه الـفـرد الوحـيـد=لاقضـى أمـرٍ تحـقـق لــه وكــاد
    مانفعني (حلمِـي ). . ورايـي الرشيـد=يوم جاء وقت. . اللّزَزّ. . . يوم الطـراد
    لاغَشانـي . . قلـت شيطـان مـريـد=ياعسـى يدّحـره . . خــلاق العـبـاد
    وإن تركني قلت له (هـل مـن مزيـد)=تشبـعْ الخـاطـر بـجـزلاتٍ جــداد
    ينتشِيني القـول. . وأسردْهـن سريـد=ويتطايـر مثلهـن. . كـثـر الـجـراد
    ولو يصوم القـاف عنـدي يـوم عيـد=وأقشر أيامي. . إلـى عـود. . وعـاد
    وصرت أنا له يوم. . عبد . . ويوم سِيِد=وخايـفٍ وجهـي يجلّـلـه الـسـواد
    والفخر . . بالديـن. . والفعـل الحميـد=والشعر . . (حكـيٍ)ٍ . . وترديـد يعـاد

    راعي مرات- عبدالرحمن عبدالله المجلي

    **********************************************


    يامن يدير الفكـر يمـي وصوبـي = ياخذ معي من كيف الأجواد فنجـال
    همٍ بصدري شب فينـي شبوبـي؟ = مايبرده ..ياكود.. بدعـي للامثـال
    أذرى إلـى هبـت علـي الهبوبـي =والرزق عند الـرب عـلام الآجـال
    ماني غشيمٍ في المواجيـب دوبـي = أبـا أتعلمهـا سوالـيـف جـهـال
    يممت في الدنيـا شمـال وجنوبـي = بقعـى تغنيبـي علـى كـل مـوال
    أمشي بفكـري وأتوجـس دروبـي = رقيت بـدروبٍ عسيـرات وطـوال
    والناس لو تحكـي وتأكـل جنوبـي = الحكي ما يهفـي للأجـواد مثقـال
    أويق في صدري واطالـع عيوبـي أخاف يشناني مـن النـاس عـذال
    واللي لهم حشمه وهم مـادرو بـي!! لا واحسايف ..كيف ذاك الغلى زال؟!
    داسو جميع العـرف مـا حسبوبـي = واقفيت في فالٍ وهم مثل فـي فـال
    خطرٍ أمزع من عنا الوقـت ثوبـي = لامن ذكرت إني لهم ستـر وظـلال
    والصاحب إللي عشرتـه ماتروبـي = يصير فـي دنيـاك هـمٍ وغربـال
    وترى العتب بين القرايـب يذوبـي = رفيقنا لاحتاج نرضيـه فـي الحـال
    نتعب على شأنه ..ونرخي الجيوبـي = ونقوم بالواجـب ولا نغلـي المـال
    وصلاة ربي عـد رمـل الخبوبـي على النبي وإعـداد ماهـل همـال
    عبدالرحمن بن عبدالله المجلي**راعي مرات **

    التعديل الأخير تم بواسطة ريف النشاما ; 21/01/2005 الساعة 01:23 AM

  3. #3
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489


    وصلتني رسالة جوال من أخي الغالي( أبو فارس) تتضمن بعض الأبيات التالية عندما قرأ بعض الخواطر لي..

    قريت شعرك.. وأعجبتني قوافيـه
    وأوقفني المعنـى وشـد إنتباهـي

    نظمك سليم وواضحـات معانيـه
    مستقبلك في عالم الشعـر زاهـي

    أبدعت في تصوير هـمٍ تقاسيـه
    لا شك بقعا.. جرعتـك الدواهـي

    وكتمت همك عن عـذول تماشيـه
    من ناظرك ضنك عن الحب ساهي

    قصيدة امي نصف.. والنصف باقيه
    وباقيه يعدل كل.. والنصف راهـي

    وراعي الجزيلة بالجميلة تجازيـة
    شيخ القبيلة أفتخر بـه وأباهـي

    قلبـك كبيـر وواسعـات محانية
    أكبر مصيبة عندكم شـي واهـي

    *** أبو فارس - إبراهيم عبدالله المجلي

    وقد كتبت له هذا الرد.

    حيثك يا (أبو فـارس) تثمـن معانيـه
    وأنـا بطيبـك ياعضـيـدي أبـاهـي

    أحرص على رمي الهدف خايف أخطيه
    أبـي إلـى قالـو يقـولـون نـاهـي

    مشاعـري ماهيـب زيـفٍ وتمـويـه
    تصعب علـى اللـي يـم دنيـاه لاهـي

    أشـرب زلال الدهـر حلـوه وصافيـه
    وأحتـاط مـن ميلاتهـا أم الـدواهـي

    وأدور النشمـي وأعــزه.. وابـاريـه
    لاشفت فعـل الطيـب (شـد إنتباهـي)

    مثلك يا (أبو فارس) ..عسى الرب يحميه
    قولـه وفعلـه فـي المواجيـب راهـي

    وأجنـب الضايـع و درب مشـى فيـه
    أخشى يدنسنـي.. وأنـا عنـه ساهـي

    واللـي يبـي العليـا يحفـر مراقـيـه
    ودرب الشكاله مايبـي شخـص فاهـي

    ***راعي مـرات*** عبدالرحمن بن عبدالله المجلي

    ****************************************

    معاني مبعثرة
    آمل أن ترتقي لذائقتكم
    سبحان رب صور الناس أجناس = أطباعهم مختلفة والسلومي

    بعض البشر يجمع مع العز نومـاس = يشفي غليلك لابدا لك لزومي

    كريم سبلا في البذل ماله قياس = يا عـل خيـره للبــرايـا يـدومـي

    وبعض البشر تدعي عليهم بالأفلاس = مما عطـاه الرب منه محـرومـي

    وبعض البشر لازود لا نقص لابأس = مــراجله قـده وقــد اللـزمومـي

    وبعض البشر أمره على العين والرأس = ربعه شغاميم العيـال القـرومي

    وبعض البشر ملجا إلى حميت الطاس = لاجـاء اللزوم وثار عـج السمومي

    يضرب على الكايد كما ضربة الفأس = يسطي على العايل شجاع جزومي

    وبعض البشر عالة كما سوس الأضراس = ثـقيل نـفس لاقعـد ما يقـومـي

    وبعض البشر ذكره يغطى بالأخماس = وبعض البشر صيته تعدى النجومي

    وبعض البشر قوله يوثق بقرطاس = وبعض البشر هرجه سواة الحلومي

    وبعض البشر خراط نصاب بلاس = يضحك على العالم بزين الهدومي

    وبعض البشر يضن حاله بتكساس = ما يستحي ما ينتخي ما يشومي

    يبحث عن الصيدات والكيف والكأس= يـارد مـواريد الخنـا والرخومـي

    هذا الردي ودك على الخد ينداس = نذل خسيـس ما يـعرف السلـومي

    وبعض البشر يذي كما البـق والحـاس = الـرابح اللـي صار منه معـدومـي

    وبعض البشر ينقل على الهم هوجاس = فوقه غراب البين قبله يحومي

    غامض ومبهم دايم الدوم حساس = ماتفهمه طبعه عنيد كتومي

    ومن يرفع البنيان يحرص على الساس = كانك لجزلات المعاني ترومي

    وحبل الأمل لا يقطعه خنجر اليأس = وقل الرجا يفثل قوي العزومي

    وإذا زرعت الطيب ازرعه بقياس = تراك ما تجني من الورد ثومي

    عبدالرحمن المجلي- راعي مرات


    **************************************************

    قصيدة ورد بين الشاعر عبدالرحمن الدايل وراعي مرات

    هذه قصيدة الشاعر/ عبدالرحمن الدايل
    تحسـب إن كـل ٍ بهالدنيـا سعـيـد؟؟ ***الـــمــــلا غــرقــانـــة ٍ بـنــكــادهــا
    لا تـنـاظـر بـالـرخـا زيـــد وعـبـيـد *** ذي مـظـاهــر والـخـفــا شـهّــادهــا
    يضمـر المكنـون يـا الغـالـي وقـيـد***مـــن لـهـيـب المشـكـلـة واعـقـادهـا
    والله الـلــي سـاتــر ٍ كـــل الـعـبـيـد ***يـعـقــب ايــــام الـشـقــا بـسـعـادهــا
    والبـيـوت أســرار ذا عـلـم ٍ وكـيـد***كــــم بــيــوتٍ تـشـتـكـي حـسّـادهــا
    والهـنـا فــي جوفـهـا غــادٍ زهـيــد****لـلـفـرح تـلـبــس ثــيــاب حــدادهــا
    مـا دروا باللـي رثوهـا بالقصيـد؟!****ما دروا عن حال صبح اعيادها؟!
    إإإإيه كم جرح ٍ نزف فيهـا صديـد****إإإإيـه كــم عـاشـت بـنـار اكمـادهـا
    ونـة ٍ مــن جوفـهـا تصـهـر حـديـد ****رغـــم ذا مـــا تـلـتــوي بـحـقـادهـا
    آآآه لا مـنّـه سـجـع فــوق الـجـريـد****لـي حمـام الـورق طـرب انشـادهـا
    هـي سعيـدة وانـا فـي همّـي وحيـد*****أو تـخـاويـنـا الـسـنـيــن اشــدادهـــا
    لـكـن الظـاهـر أنــا حـظــي عـنـيـد*****والحمـامـه مــا نــي مــن أنـدادهــا
    بطـرق طـروق العنـا سيـد ٍ وسيـد*****والـجـروح بعـلـم ربــي اضمـادهـا
    ذا تـرى يـا صاحبـي راي ٍ سـديـد*****ذي جـروحـي نـزفـهـا مـــا فـادهــا
    كــم شربـنـا الـمـر والعلـقـم مـديــد*****كـم صـلا هالـروح نـار اضـدادهـا
    مــا يـسّـرك لا تشـكّـي ولا وعـيــد*****بــيــد ربــــي حـلّــهــا واعـقــادهــا
    وتحسب إن كل ٍ بهالدنيا سعيـد ؟؟ *****الـــمـــلا غــراقــانــة ٍ بـانــكــادهــا

    الشاعر/ عبدالرحمن فهد الدايل

    رد الشاعر/ راعي مرات

    كـل قاسـي يليـن لوهـو مـن حديـد*****والصـبـر طــب الـكـبـود وزادهـــا
    والأمــل بالله هــو بـيــت القـصـيـد *****والـعـزم والـحــزم رأس اسـيـادهـا
    والـرجــا حـبـلـه طـويــل ومايـبـيـد *****والـمـحـاجــر دمـعــهــا مــافــادهــا
    مابـهـا الـدنـيـا مـريــح ولا سـعـيـد *****تـوصـي بـقـعـا بـالـغـدر أحـفـادهـا
    يـفـعـل الله مـايـشـاء ومــــا يــريــد *****جـل مــن يــرزق جمـيـع عبـادهـا
    السـعـادة مطـلـبٍ صـعـب وعـنـيـد *****مـن سلـك درب القنـاعـه صـادهـا
    والـتـمـنــي والأمـــانـــي مـاتـفــيــد *****أصـبـع الحـسـره يــرص زنـادهــا
    والـكـسـل والـيــأس عـــذرٍ للبـلـيـد *****مـن سكـن فـي الطامنـات إعتادهـا
    والهـمـوم القـاسـيـة تـأتــي سـريــد *****الــوســاوس سـرجـهــا وشــدادهــا
    وجرحك الخافي ولو ينزف صديد *****أكـتـمـه يـالـقــرم عــــن حـسـادهــا
    مثلكـم يصطـي إلـى عـال الضديـد *****يـحــرم عـيــون الــعــدو رقــادهــا
    ومثلكـم مشـهـور بـالـرأي السـديـد *****أعتـلـى ظـهــر المـعـالـي وقـادهــا
    ومثلـكـم بــاع المظـاهـر بالـزهـيـد *****مـايـهـمـه فــــي الـحـيــاة بــدادهـــا
    والحمام إللـي سجـع فـوق الجريـد *****يـطـربـك إنـكــان ربــــي رادهــــا

    عبدالرحمن بن عبدالله المجلي /راعي مرات

    التعديل الأخير تم بواسطة ريف النشاما ; 21/01/2005 الساعة 01:32 AM

  4. #4
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    باب الرجا في الله......
    باب الرجاء في الله.. ماهوب ينصك =وحبل اﻻمل ياخوي حذرا تفكه
    على جبينك ماكتب للشقى صك =هذا الكلام الثبت مافيه شكه
    وماقدر الرحمن ياقع ويدرك =مالك عن المكتوب ملجا .. وسكه
    ولو الهموم جبال ..لابد ..تندك=زبر الحديد ..الطرق كثره .. يفكه
    واجزم على الكايد.. إلى ناشك ..الضك= ولا .. يرتخي .. حبلٍ ايدينك تتكه
    وترى الحياة دروس.. لابد ..تعرك= صروف الدهر معدنك غصبٍ تحكه
    ومن شال حمل المرجله .عيب . يبرك=حملٍ على كتفه والآخر يعكه
    وبيت القطاعة لايجي حول مبرك=نجم من الخلاق عجلٍ يدكه
    واللي بدا في رفقته ريبه وشك =خله عسى للذل بقعا تصكه
    امقيط..عطه رشاه ..يالقرم وافتك= واهل الحجاز أعرف بشعبان مكه
    هذي نصايح مابها ..زيفٍ .. و عك=جنيه الذهب عند الصيارف تسكه
    عبدالرحمن المجلي – راعي مرات
    ***********************************

    ققصيدة موجهة للشاعر/عبدالرحمن بن عبدالله المجلي من الشاعر/ محمد الشبيكي ( أبو ناصر) شفاه الله حيث يعاني من مرض تعطل الكلى /

    حيا الله إللي فاح ريحه كما العـود= الطيب إللي لـي أنـا عنـه مـدة
    وافي الخصايل منبع الطيب والجود= من ساس خاله ثـم عمـه وجـده
    في غيبته زاد الغلى والولـه زود= الله لنا فـي زيـن حـالٍ يـرده
    كم غاب شخصٍ نشدةٍ عنه منقـود=عيـبٍ علينـا نذكـره أو نـوده
    إلا أنت ياللي ذكركم سابق النـود=محـدٍ يحـاول يمنعـه أو يصـده
    لاشك أنت لديرتك كنـك الطـود=لانزاح عنها زلزلـت منـه خـده
    الله يردك قالهـا الطفـل والعـود=ومرات قالـت عجـل الله بـرده
    محمد عبدالحكيم الشبيكي أبو ناصر


    رد الشاعر/ عبدالرحمن بن عبدالله المجلي راعي مرات على قصيدة أبو ناصر ( محمد الشبيكي)
    وقتٍ صعيب وحبل الآمال ممدود

    عطفت حرفـي يمكـم وإنثنـى زود=وجتـك القوافـي تنتشـي مستعـده
    ياريحة الريحان يالمسك يالعود=فنجال كيـف المرجلـه لـك نمـده
    نشتاق لك شوق الصحاري إلى النود=لاذعذع الوسمـي وهـي مجرهـده
    وافرح بشوفك فرحة البدو بالذود =فرحة سجيـنٍ مطلـقٍ عقـب مـده
    حبك زرعته داخـل القلـب والفـود= يصعب على الحسّـاب كيلـه وعـده
    أسعدّنِي بشوفك ترى العمر معـدود= من قبل ياقـف يومنـا عنـد حـده
    وقتٍ صعيب وحبل الآمال ممدود=واليسـر ياتـي دايـمٍ عقـب شـده
    يالله ياالخـلاق ياخـيـر معـبـود=ترحـم سقيـمٍ دمعتـه فـوق خـده
    يامرسـلٍ طـه ويـونـس و داوود=تشفي لنا إللي قاسـي البـاس هـده
    يشفيك ربي يافتى الطيـب والجـود=يشفيـك مـن لاينتهـي دوم مــده
    دنياً عجيبه سترهـا طـاح مقـدود= وإللي تجيبه (يابـو ناصـر) تـرده
    واللي وثق في وقتـه اليـوم مقـرود=ما ينعـرف ياخـوي هزلـه وجـده
    عن يومنا الموعود هجـاع ورقـود= ناخذ لنا عن واجـب الديـن صـده
    جبال الذنوب إللي غرابيبهـا سـود=لـو وافقـت طـودٍ يميـنٍ تـهـده
    نرجي الولي يعفو قبل حفـرة الـدود=باح الضمير وجـاك مكنـون سـده
    وأرجوك تعذرني عن النقص والزود= كـلٍ يفصـل ملبـسـه دوم قــده
    عبدالرحمن بن عبدالله المجلي*** راعي مرات

    التعديل الأخير تم بواسطة ريف النشاما ; 21/01/2005 الساعة 01:42 AM

  5. #5
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    صبرت وطال بي صبري .. احسبه شدةٍ وتزول


    دخيلك يالعيون اللي تذكرني بهاك الزول = دخيل الليل واسراره . . وريحة عطرها الباقي

    دخيل الحزن وجروحي ولفة (غدفة) المجمول =إلى شال اللثام اصيح ياستار.. ياواقي

    ورمشٍ ساطيٍ ساحر ..وشعرٍ فاحمٍ مفلول = إلى شفته على متنه تولِع فيني أشواقي

    أنا عنكم دخيل الله ..ومن نزفٍ كما الهملول= تزايد همه بصدري ولا ينفع به الراقي

    أجاهد من ثلاث سنين أخاف يقال لي مهبول؟؟!!= كتمت الوجد واخفيته ولو عن اقرب رفاقي

    صبرت وطال بي صبري .. احسبه شدةٍ وتزول=إثر طول الصبر يوذي ولا يسقي من الساقي؟؟!!

    إلى ضاقت بي همومي رقيت بعالي (الغرمول)= أطوح فوقه اصواتٍ أنتلها من اعماقي

    تهب النود بانسامٍ عليلة كنها معمول=إلى ركّب هوا الغربي يزيد القلب دقاقي

    ألا ياويل من مثلي . . مصيره في يد المجهول= قضى عمره وهو يرجي بوقته لحظة إشراقي

    أنا والهم.. والغربة. . وحيلٍ طايحٍ معلول= تعاهدنا على حبه .....وهو سمي وترياقي


    ** راعي مرات*** عبدالرحمن بن عبدالله المجلي

    ********************************************


    جرحـي قديم وجدده صـوت ورقــا =والقلـب سمـع (الراعبيـه) ولا طــاق
    لا..ذعذعت.. لي ريحة (النـود).. شرقـا =تهـب بانسـام العشاشـيـق واشـتـاق
    يسرقنـي التفكيـر ..والحلـم ..سـرقـا=والى صحيت بواقعـي.. طحـت منعـاق
    طفلٍ حرق لـي مهجـة الجـوف حرقـا=أنتّـل الونـات مـن وسـط الأعـمـاق
    في وسـط قلبـي لسعـةٍ منـه زرقـا =وفي وسط موق العيـن.. ماغيرهـا لاق
    ياليـت جرحـه.. ينـتـداوى ويـرقـا! =أو ليت بعـده .. يـا مسلميـن ينطـاق
    همه يغنيبي علـى كـــل طـرقـا =عـزاه ياقلـبٍ مـن الشوق مـافـاق
    هـذا يحـول بــه ..وهــذاك يـرقـا =والكون كله عقب هـاك الغضـي ضـاق
    في بحر حبـه.. طاحـت النفـس غرقـا =ولا حصـل لـي منـه مابـلّ الأرمــاق
    عقبـه فـلا والله فـي الغـيـد فـرقـا!=وما منهن إللي بالتواصيــف تنسـاق!!
    باطوي حبالي .. وانثر ( الدلو ) .. وارقا=ماعـاد لـي شـفٍ بتلعـات الأعـنـاق!
    فرقا ..عويـذا.. ياهـل الحـب فرقـا!!=منكم شربت المـر .. أشكـال.. وارنـاق
    يـارب جيـت ودمعـة العيـن غـرقـا =تغفر لي ذنوبـي إلـى (قيـل مـن راق)
    المـوت يـدرق تالـي العمـر.. درقــا=وياحسرتي لا (إلتفـت السـاق بالسـاق)
    لاعـادِك الله يــوم الأثنـيـن ورقــا=القلب سمع صيـاح صوتـك ولاطـاق!!
    راعي مرات عبدالرحمن عبدالله المجلي السبيعي

    *************************************************

    قصيدة في المغفور له الشيخ/ محمد بن علي الدعيج وهو معروف بكرمة ونخوته وشهامته في نجد ويعتبر (حاتم نجد) في عصره مشهور لدى البادية بالذات ولدى أهالي مرات والوشم عرف بكرمه وسخاءه يذكر له العديد من قصص المروءة والكرم والشهامة رحل رحمه الله وترك سيرة عطرة تتناقلها الأجيال ..
    خلف من بعده رجالاً افذاذ لايقلون عن مراجل الدهم غفر الله له .... هذه قصيدة مسندة إلى ابنه دعيج بن محمد الدعيج

    لاهنت ياإللي خوتـك ترفـع الـرأس=يابـو محمـد ياسهـيـل اليمـانـي
    يالصاطي الضرغام ياشبل دربـاس= طيبـك وفعلـك يالسنافـي دعـانـي
    أنضم بيوتٍ وهجهـا لاعـج المـاس=وأكتب حـروفٍ ريحهـا الزعفرانـي
    أصلك عريب وفي المراجل لكم ساس=ماكـر حـرارٍ مـن قديـم الزمانـي
    ساسِك سليم ..وأسسك . سايسٍ ..ساس=ساسَه00وسيًس..في المراجل مباني
    وتسلسلت ..سلسالها.. يجرس ..اجراس=أصلٍ وفصلٍ مـن شيـوخ قحطانـي
    أبوك شيخٍ قد سرت عنـه الأرمـاس=ماضنتي مثله يجـي مودماني
    ملجا ومنصا من شكى الضيم والبأس =من حـل فـي داره حشـى مايعانـي
    فرز الوغى في الفعل والحلم نبـراس=في وصف جوده مـا تجـود المعانـي
    أقولهـا صـدقٍ ولانـيـب بــلاس=يشهـد بفعلـه كـل قاصـي ودانـي
    يادعيج فعلـه لـو يوثـق بقرطـاس =البـوك يتعـب والقـلـم واللسـانـي
    ولوكان عمر النـاس بالفعـل ينقـاس=ماكـان نفقـد شوفته لـو ثـوانـي
    فيا الله يالمعبـود يامحصـي النـاس=تجعـل مقـره فـي نعيـم الجنانـي
    ومـالٍ بـلا عـزٍ بالأقـدام ينـداس=الذكـر يبقـى والعمـر دوم فـانـي
    ومصاحب الأخيـار للفـرد نومـاس=هـذي الحيـاة وربنـا المستعـانـي
    وما هنت ياللي خوتك ترفـع الـرأس=طيبـك وعـزك ياخويـي شجـانـي

    عبدالرحمن بن عبدالله المجلي - راعي مرات

    التعديل الأخير تم بواسطة ريف النشاما ; 21/01/2005 الساعة 02:02 AM

  6. #6
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    قصيدة وردود

    -----------

    رجا.. ما مل .. من طول البطا.. ومقابل البيبان= يبي عله ولو يسمع من اصوات الأمل همسه

    وقلبٍ طاح من جور الزمان وقصة الحرمان= يصبحه الشقا دايم ... ويصافح في المساء خمسه

    وحظٍ .. بآخر أيامه عقب ذيك المعزة شان= ياشين الوقت لامن صارت علومه معك عمسه !

    ( وكهل الحب) يمشي بالأمل ويدور النسيان= قتله اللي خذا قلبه معه ... مامرةٍ لمسه !!

    وصار يمثل الضحكه ..يخاف يقال له غلطان!!= يعيش الحاضر بجسمه وفكره غارق بامسه !

    وهذا مختصر وضعه.. يعيش بعالم الأحزان= محى وقته أثر حبه.. وزاد البعد في طمسه

    وهو مازال في صمته ... وداخل مهجته بركان= عسى الله يخرج همومٍ بصدره غيبت شمسه

    راعي مرات- عبدالرحمن المجلي
    ______________________________
    مجاراة الشاعر العذب فهد الفهيد
    --
    طويت رشاي وادري من طويت رشاي كلش بان = تبين لي حقيقة صورتي اللي شفت منعمسه.
    دريت ان الهوى وملاعب الفرحه زمان كان= مضى واستوطن احلامي خيال مخاصم نفسه
    ياكود مفارق ايام الونس والعيش في النسيان= تعيش بهامش ايامك خيال وارد طمسه.
    عقب ما انت الحبيب اللي يعزه جملة الخلان= نساك الوقت يا مسكين واستثناك من درسه.
    غديت بزحمة الايام مالك بينهم عنوان= غريب الدار تنشد عن مداهيلك وعن رمسه.
    الا يا ليت وقت مر بك في سالف الازمان= يعود يعتذر لك عن بهاذيله وعن وكسه.
    جزا الله عن زماني كان مالي في زماني شان= وجزا الله عن فرحه اللي خذيت وعن غثا عرسه.
    ( فهد الفهيد)
    -----
    مجاراة الشاعر بدر ابا العون الحربي
    ---
    وإلى ياحظي العاثر عليك الخالق الرحمان = ترفق بالجريح اللي سرا ليله على جمسه

    ادوس البنص لديار الوليف وديرة الخلان = مدام ان الليالي في ظلام الوقت مندمسه

    سحايب خير فوق سدير عدت من ورا بنبان = يخايلها القصيم هناك واهل وثال ملتمسه

    خيالً صبت امطاره على قول البدو ودان = لك الله والشغايا من مسيل السيل منطمسه

    نظر عيني مناظرها وطبيعتها سحر وجنان = تساوي في نظر عيني جبال الالب والنمسا

    يقولون القصيم احيان مامثله واقول احيان = حرام ان القصيم ابكل حزه حاضره امسه

    انا احبه عشان السيل والامطار والهتان= او انه بس من شان الحلو وحروفه الخمسه

    سلام الله على منهو شغل فكري وانا سهران = عدد ماهو حمس قلبي زمان وجوّد الحمسه

    بدر ابالعون الحربي

    التعديل الأخير تم بواسطة ريف النشاما ; 21/01/2005 الساعة 02:02 AM

  7. #7
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489


    كتبها الشاعر عبدالرحمن المجلي في أخيه عبدالعزيز ابو بدر

    الهزيلـة مـا تجـي لــه والجزيـلـه للجـزالـي= سلـم الله رأس مـن هـو دوم حملـي يرتكـي لـه

    وطيب الله ذكر مـن هـو دوم ذكـره فوق عالي=يخجِـل الغيمـة بفعلـه والبـشـر دايــم تخيـلـه

    فعلـه وطيبـه وجـوده ماهـو خـصٍ لـي لحالـي= عـمّ خيـره للبـرايـا مـثـل هـمـال المخيـلـه

    إن مدحتِه عجـز قولـي ..بـح صوتـي عزتالـي!= عزتِي للي يجـاري فعـل ( أخويـه) عزتـي لـه!!


    لاارتكـا للحمـل شالـه.. دوم شيـلـه للثقـالـي= وماشكى من ثقل حمله ..حمله اللـي يشتكـي لـه!

    إن نخيـتَـه ماتوانـا..قـال أبـشـر يـاحـلالـي= سعدّ ( عيـن) أللـي أخويـه جـاك فـازع ينتخيلـه

    هو أخويه؟!..أو أبويه ؟!.. وإلاعزي ورأس مالي؟!= ولّ يا ضيـم الليالـي دون أخويـه كيـف أشيلـه؟!

    ماذِكـر بالفعـل مثلـه.. حتـى ماضيـن الفعالـي= فعله اللـي فـاق وصفـي صـار عنـوان الفضيلـة

    فاق (عنتر).. فاق( حاتم).. حتى (أبو زيد الهلالي)= (بالشجاعـه) و(الكرامـه) و(المواجيـب) الأصيلـة

    (بو بـدر) لامـن لجـو لـه ضيقهـم والهـم زالـي= (بـو بـدر) لامـن عنـو لـه طابـت كبـودٍ عليلـه

    (بـو بـدر) لامـن سـرو لـه ينجلـي هـم الليالـي= (بـو بـدر) صيتـه وفعلـه صـار عــزٍ للقبيـلـة

    (بـو بـدر) رأس المراجـل والمراجـل لـه تـلالـي= والمراجل لاداعاهـا جـت ( تراكـض) تنتشـي لـه

    تعب (كفي) عجز (حرفي) ما كتبت اللـي فـي بالـي= والعـذر يـا( شيـخ) والله كـان ماهيـب الجزيلـه
    عبدالرحمن المجلي


    **********************************************

    ك أخي . . . مع خالص حبي وأشتياقي . . . حفظك الله
    الأخوة الأعزاء . .
    هل تسمحون لي بهذه ( الخاصة) . .
    وجدتها تصافح الورقة بعدما غادر أخي ( خالد) للدراسة في بريطانيا . . ليلة الأحد/ 25/7/1424هـ


    تشوشت . . شاشـات . . فكـري وجاشـي=هـمٍ تشاويتـه . . وهـمٍ عـلـي هــاش
    (وتوَشّ وشتْ بي) . . شايبـات الغواشـي=تبـي . . تبيّتْنـي بـلا لحـاف وفــراش
    وقـتٍ لـك الله . . صابـنـي بإندهـاشـي=لاجـار . . كـن يخـرّق القلـب رشــاش
    يـا عـل يسقِـي قبـر أبويـه رشـاشـي=اللـي شقـى فـي دنيتـه كـود نعـتـاش
    ويغفـر لـه الـزلات منشـي النـواشـي=وللي تولتنـا . . رجاجيـل . . و اغـواش
    دنيـاً دنـيـة . . أودعتـنـا طشـاشـي!!=بيني وبين أخوانـي اليـوم . . مطـراش؟!
    خالد . . (للنـدن) . . زهبـو لـه فراشـي=يفداه غالي المـال . . والحـال . . والـلاش
    مــا هــوب للدنـيـا وزود المعـاشـي=يخـدم وطنـه اليـوم لـو كـان ببـلاش
    قرأ متـون الكتـب . . وصـم الحواشـي=في العلم له بـاعٍ . . وفـي الحق بطـاش
    (خالد) . . طليـق الوجـه زيـن المماشـي=مـا عيبَـه مـن هـو للأعـراض نبـاش
    ماهـوب تـوه فـي المواجيـب نـاشـي=(خالد) . . تخلّد . . فعـل يمنـاه بالجـاش
    لا شفت رقمـه صـاب قلبـي إرتعاشـي!!=ولا طرّو أسمه قيل: عاش . . الفتى . . عاش
    يــارب سـهـل كــل دربٍ عتاشي=وأحفظـه مـن ميـلات بقعـا والأوبـاش
    ومـا يسعـد المشتـاق حكـي ونقـاشـي=ياليت مـن يدفـع علـى شوفتـه كـاش
    عمري . . ومـا أملـك . . تراهـا بلاشـي=أفـدي بهـا اخوانـي ولا نيـب ( بكـاش)
    عبدالرحمن بن عبدالله المجلي راعـــــي مــــــرات**

    التعديل الأخير تم بواسطة ريف النشاما ; 21/01/2005 الساعة 02:05 AM

  8. #8
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489


    كتب أحد الأخوة الأعضاء الشاع اليمني ابن البادية قصيدة مسندة إلى راعي مرات وكانت هذه الأبيات/
    هذة القصيدة موجهة الي الاخ العزيز راعي مرات اخي >>>>لا يفهم احساس الشاعر الا شاعر ولا يبدع في التعبير ويصنع الكلمات الا شاعر مثله
    اخي العزيز
    اليك ابياتي المتواضعة مع خالص التحية.... والعفو على اي تقصير-:

    راعي مرات ارجوك تسمع شكاياء=يامن زهمتك في قصيدي وناديت
    يا ذ يب يرباء في قبايل.. دهاياء=نعم الصفات .. اللي بها تحليت
    سلا م لك يا ذيب.. يسمع عواياء=ماهل مزن الصيف وانبت نوابيت
    من مأرب.. اليمن تقبل.. تحاياء=ما طو فو حجاج مكة على البيت
    يا عز صا حب في رجال... البرياء=يا صقر في عالي المراقيب طليت
    و شلون حظي.. ما صد ق وياياء=و يحاول يعثر ني لا مني اخطيت
    ليتة و لو.. مرة يصد ق.. معاياء=لية الشقاء وياي في الدرب حليت
    لو اظلمت.. د نياي و غيم سماياء=ما نز لتنا مرقاب.. منة تبا د يت
    لو كان خلي هو سبب في شقاياء=مرتاح في الشقاء ولا كني ادريت
    اضحك وناء المهموم واخفي بكاياء=يا ما بكت لقلا م لجلة و حنيت
    بيحت .. من بين الضلوع الخفاياء=شليتنا با لصو ت لحني.. وغنيت
    و اللي د فنتة عمر.. بين الحناياء=( ونة ) فلا اظلم بي الليل و نيت
    ونة.. تذكر ني .. بحلو... السجاياء=واعوي على فرقاة والذيب خاويت
    مولى جعود(ن) فوق متنة د راياء=واشقرعلى حرفة حجوبة تواليت
    فوهات شا خوفة !!! عيونة مناياء=ماريت ياراعي مرات اللي انا ريت
    يامن بروق.. الصيف بين الثناياء=حظي شقي فا صبرمعي لنتة انويت
    عزاه .. يا جسمي .. هده.. عناياء=عساك يا درب الشقا مني اليوم مليت
    في زمان .. الويل انهارت قواياء=بد يتناه اليوم ولابةانهيت

    تمت من لسن قائلها ( محمد القد يمي ) قبايل حاشد اليمن ( ابن البادية )

    الشاعر ** ابن البادية
    """"""""""""
    """""""""

    وقد رد عليه الشاعر راعي مرات بهذا /

    الغالي.... أبن البادية

    محمد القديمي. . .

    تسعدنا دائماً أخي بمشاركاتك ومداخلاتك الجميلة وهذا من حسن ذاتك أخي الكريم ونبل أخلاقك. . .

    نقول لك مليون شكر على جهودك الدائمة وسعيك الدائم لإضفاء التغيير والتنويع ..فتسلم...
    ــــــــــــــــــــ

    سلام يامن خصني بالشكايا= جيته على الداعي ولا عنه صديت
    مليون (أرحب) كان هي بالتحايا=ومليون (أبشر) كان بالصوت ناديت
    أجيك كلي ما أبقي بقايا= من شوفتي لاسمك على طول فزيت
    من دار ( أخو نوره)جزيل العطايا =اللي جعل ربي لهم خدمة البيت
    أبعث لكم . . حب .. وسلام وهدايا=وأخص انا ( ابن البادية) عالي الصيت
    اللي سطع بدره بعالي سمايا= نبع الكرم عنده وأنا منه َرويت
    قريت (قافك) يا رفيع المزايا=همك كثير وفيه أبديت ما أخفيت
    وذكرتني وقتٍ تعدا ورايا=خلٍ رحل عني وقفى وقفيت
    من بعدهم قلبي غدا به شظايا =وصبرت من بعده ولا منه جضيت
    وكتمت سري عن جميع البرايا=أخاف من قولت قصرت وتدانيت
    ودفنت أنا علومي بداخل حشايا = وخفضت صوتي يا ( القديمي) وونيت
    فلاتشتكي حظك تراها عطايا= من عند رب البيت كان أنت سجيت!!
    إن جاد لك وقتك يسوي سوايا = يجيك مطلوبك على ما تمنيت
    وإن شان عقد لك جميع القضايا=همٍ يجيك الصبح ويزداد لا أمسيت
    فأصبر عساها لك تزين النوايا=ويضحك زمان منه يا الذيب مليت

    **راعي مرات** عبدالرحمن عبدالله المجلي

    *****************************************

    كتب أحد الأخوة الأعضاء ( الوهيداني )قصيدة مسندة إلى راعي مرات وكانت هذه الأبيات

    يم راع مرات حنا مرسلينه إلى راعي مرات

    راكب اللي جيب لكـزس مشترينـه=مشترينه نقـد ماهـو بالقصـودي
    من وكيله قبـل ياصـل حاجزينـه=حاجزينه لو حصـل بالسعـر زودي
    اربعـه والفيـن أصفـار المكينـه=ماأشتغل لحظـة ولا دار العمـودي
    ولبـدي بستـم رفـع ومنزليـنـه=بالسفلت.. ونرفعه بأرض النفـودي
    راكـدٍ ممشـاه ياحلـوه وزيـنـه=لادعست (سليتره) مشيـه يـزودي
    يعجب اللي يشبحه في شوف عينـه=ومنوة اللي للسفر جبـرَ امحـدودي
    منوة اللي مسكنه بقصـى المدينـه=والعمل باالزر.. والوقت امعـدودي
    ود عينـه شـوف حـيٍ محترينـه=لـه سنـه ماشافهـم وده يعـودي
    يـم( راع مـرات) حنـا مرسلينـه=والرساله طيب ..مع عنبر.. وعودي
    مانعرفـه ميـر كـنـا عارفيـنـه=الرجل يبين مـن طيـب الـردودي
    وحيث علمـه طيـب الله لايهينـه=طيبٍ و الطيب من طيب الجـدودي
    ومالنـا حاجـه ولاكـن زايرينـه=حب باللي خالق الخلـق معبـودي

    الشاعر // الوهـيداني


    وقد رد عليه راعي مرات بهذا / الغالي الوهيداني تسلم أخي وأحبك الله .. وهذا من طيبك .

    راكب اللي يسوقهـا يرطـن رطينـة=صنعـة الكفـار وعيـال اليهـودي
    لاتعلـت بالسمـاء صـوت المكينـة=كنه أصـوات الـزلازل والرعـودي
    أوصلـوا منـي تحـيـات ثميـنـة=ودي أتجـزل بشكـري والــردودي
    مرحبـا ترحيبـة جزلـة سميـنـة=عد رمل الطعس.. وإعـداد النفـودي
    ريحها اليشموم.. ونعنـاع المدينـة=والخزامى.. والنفل.. والمسك.. زودي
    حبَـك الله يـا مشيِخـتِـه يميـنـه=فعلك الوافـي تعلـى بـك سنـودي
    ياهـلا بـمـرَوّيٍ حــد السنيـنـة=السخى.. والجود ..من جودك يجودي
    شاقنـي حـرٍ تواصيـفـه رزيـنـه=صـادقٍ هرجـه وفـيٍ بالوعـودي
    (الوهيدانـي) عسـى الله لا يهينـه=ضيغميٍ ..ضاريٍ ..شبـل الأسـودي
    شـوق منهـي لادقـاق ولا متينـة=بنت شيخٍ مـن عريبيـن الجـدودي
    من مشى مثله عسـى ربـي يعينـه=فعله الطيـب علـى غيـره يكـودي
    ياسعد عيـن اللـي جيتـو زايرينـه=دربكـم نفرشـه يالـعـزوة ورودي

    **** راعـــي مــــرات*** عبدالرحمن بن عبداله المجلي

    التعديل الأخير تم بواسطة ريف النشاما ; 21/01/2005 الساعة 02:08 AM

  9. #9
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489



    ** المرآيا أكسريهن( لعنبو) كل المرآيا..
    الأخوة الأعزاء...
    أتمنى...أن أكون قد وفقت ..في تصوير هذا الموقف..مع التحية للجميع...

    الـمـرآيـا أكسـريـهـن ( لعـن أـبـو ) كـــل الـمـرآيــا=كـان مـا شفتـي جمالـك فـي عـيـون الـلـي يبـيـك
    والـشـظـايــا أتـركـيـهــن لاتـلـمـيــن الـشـظـايــا=جرحهن في القلب ينزف ..عنّك : لاتجرح يديك
    والنوايـا (حــب ذاتــك) صــار قـصـدك والنـوايـا=لانظـر لــك شـخـص.. معجب.. جــاك عــزٍ ينتشـيـك
    لون ( ميشك)عندك أنتي صار أكبـر هـا القضايـا=أصبغـي شعـرك بـدمـي لــون مــا يخـفـى علـيـك
    والشفايـا يـا كذبهـن.. آه.. مـن هـاك الشفايـا=ما صدقتي يـوم قلتـي ( طـول عمـري بأحتريـك)
    والنـدم منـي تمكـن ..ياهـو سـوى بــي سـوايـا=ليتني ما جيـت يمك..ليتـي مـا صحـت أنتخيـك
    والوصايا يـا كثرهـن ! طـاح قلبـي مـن الوصايـا=مـا( تأمـل)! مـا( تحمـل)! ليـش يهدينـي إليـك؟!
    والخطـايـا أدمحيـهـن.. كــان زلـيــت بخـطـايـا=جيـت ظامـي مـن صحـاري شوقـي أبغـا أرتويـك
    والعطايا لك ( عيوني) صارت أرخصهـن عطايـا=بعـت عمـري والمشـاعـر كـنـت جــازم أشتـريـك
    والـهـدايــا أقبـلـيـهـن ياغـلـيـهـن مــــن هــدايــا=(همي) و(دمعي) و(حزني) و(سهد) توه يبتديـك
    والبقية في حياتـك.. صـرت مـن بعـض البقايـا=أحـرقـي كــل المشـاعـر عــل غـيــري يحـتـويـك
    وكفني (حبي) و(عرفـي) واقبريهـن فـي الحنايـا=واقبـلـي فــي (التـعـازي) ولا تجيـنـي ولا أجـيـك

    عبدالرحمن بن عبدالله المجلي
    ********************************


    صباح الخير قالـت لـي=وقلت لها صبـاح النـور
    ***
    صباح المسـك والعنبـر=صباح الكـادي والكافـور
    ***
    صباح اللولـو والعسجـد=وغالي المـاس والبلـور
    ***
    صبـاح الفـل يــاوردٍ= تفتـح زاهـيٍ ممـطـور
    ***
    صباح الطفل لا. . غا. . غا=بحضن أمه بليـا شعـور
    ***
    صبـاح النـاس لاصبـح=بوجهك صبحهم مسـرور
    ***
    صبـاح يبتسـم لجـلـك=ومن بسمـك جالـه دور
    ***
    صباحـك إنتـي لاأسفـر=فنور الشمـس للديكـور
    ***
    صباح الضيء من ضيـك=جمالك من جمال الحـور
    ***
    صباحٍ مـا يجـي مثلـه=ولا مرت عليـه عصـور
    ***
    صباحـي لا تصـورتـه=بغيـرك ينقلـب ديجـور
    ***
    وقالت لـي عقـب هـذا=صباح النور يا مغرور!!!!
    ***


    ** راعي مـرات** عبدالرحمن المجلي

    التعديل الأخير تم بواسطة ريف النشاما ; 21/01/2005 الساعة 02:14 AM

  10. #10
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    (بعض المراثي والتعزيات)

    رثاء وتعزية في وفاة أحد الأقارب. . غفر الله له
    ( المغفور له بمشيئة الله/ سليمان بن محمد الفهيد)

    أسألـك بالله ربــي يــا رحـيـم=يامديـر الكـون يــارب الأنــام
    أسألك بأعظـم صفاتـك يـا عظيـم=يامدرّ الغيـث مـن عالـي الغمـام
    طالبـك ربـي ولا مثـلـك كـريـم=مستجيبٍ لصوت يونس فـي الظـلام
    تقبل اللي حِـط فـي القبـر البهيـم=قـدم أعمالـه ولا عـنـده كــلام
    كل ما يملك.. غدا ..ضـده خصيـم=ما كسى جسمه سوى (مترين) خـام
    ثبتـه يـارب.. بالقـول الحكـيـم=واجعل أقوالـه إلـى جـاوب تمـام
    والهمـه يـارب رشــده ياعلـيـم=وموحشـات القبـر تجعلهـا سـلام
    مؤمنٍ بك.. طايـع لـك.. مستقيـم=يشهـد المسجـد بفعلـه والإمــام
    وتشهد الكعبه.. وزمزم.. والحطيـم=والطواف.. وركن بيتـك ..والمقـام
    والطفل .. والكهل ..يشهد ..والحريم=مثل طيبه مـا رأت عينـي.. حـرام
    أرزقـه يــارب جـنـات النعـيـم=واجعل الفردوس لـه أعلـى مقـام
    موت ابو احمد صاب قلبي في الصميم=من بكاهـا العيـن صايبهـا جحـام
    ما ألـوم اللـي غـدا عقبـه سقيـم=عقب ابو احمد عافت جفوني المنـام
    عارفـه بالطيـب مـن عهـدٍ قديـم=خابره مـن يـوم أنـا تـوي غـلام
    الوفـى يبكـي عقـب موتـه يتيـم=والمراجـل لبسـت بفـقـده لـثـام
    والكرم والجـود مـن عقبـه عقيـم=فـي المعالـي مالـكٍ رأس السنـام
    راح محبـوبٍ ولالـه مـن غـريـم=مسعـدٍ.. داره ..وجـاره.. والعَمَـام
    يوم هم.. ويوم حزن..ويـوم ضيـم=يوم ستة مـن بعـد شهـر الصيـام
    جيـت أعزيكـم وأنـا قلبـي كليـم=لا ذكرتـه صابنـي مثـل الهـيـام
    مؤمنٍ بقضـاه مانـي بـه غشيـم=عـارفٍ آخــر حيـاتـي للـعـدام
    وسنـة الله مابهـا الدنيـا مـديـم=ماضـيٍ فعلـه وحكمـه بالتـمـام
    وكلنـا فآثارهـم نركـض همـيـم=نقتفيهـم.. مالنـا فـي ذا مـقـام
    والزمـن وجهـه إلـى قفـى دميـم=لا انقلـب يدعـي علاويهـا حطـام
    عفـت أنـا دنيـاي وأفهـم يافهيـم=والصلاة تخـص طّـه فـي الختـام


    *** راعـــي مــــرات*** عبدالرحمن المجلي
    الثـلاثـاء/ 8 /شــوال/1424هـ

    ****************************************
    رثاء في فقيد محافظة مرات المغفور له محمد بن عبدالعزيز المسلم

    عم الحزن وتبدل النور ديجور
    ** واقفت ليالي السعد والوقت قاسي

    علمٍ لفاني أودع الدمع منثور
    ** انهد حيلي منه وانهار باسي

    (ابن مسلم ) شرقي كميت مقبور
    **وكلن على فرقاه امسى يواسي

    الهم وثق في حشى الصدر دستور
    ** الله حسيبك يازمان المآسي

    يالله انا طالبك يافالق النور
    **يارافعن سبعٍ بليا كراسي

    يارب تجعل ذنبه اليوم مغفور
    ** ياخالقن شم الجبال الرواسي

    وتجعله في الفردوس راضي ومسرور
    **ومن سلسبيلك يرتوي منه كاسي

    حزنٍ يجيش بداخل الجوف ويثور
    ** إلى ذكرته صاب فكري عماسي

    رفقة عمر ماهيب ايام وشهور
    ** انا اشهد اني عقب فقده بقاسي

    لوني بكيته دم لاشك معذور
    **ولوكان يفدا كان يفداه راسي

    الطيب يشكي والكرم طاح مقهور
    ** والمرجلة تبكي وجتنا تواسي

    اسمه بداخل لوحة ( مرات) محفور
    ** ومواقفه في ديرته دوم اساسي

    والموت حق وننتظر لحظة الدور
    ** ماهوب ناسينا.. ولانيب ناسي

    عبدالرحمن المجلي- راعي مرات
    يوم الخميس 8/1/2015م

    ******************************

    رثاء في فقيد الشاب علي عبدالله الروضان غفر الله ورحمه وجبر مصيبة أهله فيه


    يامحمـد الروضـان هـذي مقاديـر=واللي كتـب باللـوح مامنـه فرقـا
    حكمة ولي العرش مجـري التدابيـر=اللي يديـر الكـون غـربٍ وشرقـا
    القلب من ما صار يبكي من الضيـر=والعين بأقشر دمعهـا اليـوم غرقـا
    لا يا عديل الروح تشكـي المعاسيـر=لامن نـزل أمـر فـلا عنـه مرقـا
    واللـي يبيـه الـرب مالـه معاذيـر=لو كانـت أريـاق المحاذيـر شرقـا
    علـمٍ فجعنـي شيـن مالـه تعابيـر=فزيت ويدينـي مـن الغبـن عرقـا
    قالو (علي ) صابـه مـن اللهِ تدابير=وتبدلـت بيـض الليـالـي بـزرقـا
    رح يا(علي). . ياعل ماصار تبشيـر=لـك بالجنـان وعنـد مـولاك ترقـا
    رح يا (علي) . . الله يذكرك بالخيـر=لك بالشـرف بيـن الأجاويـد طرقـا
    رح يا(علي) . . ياعل ما جاك تكفيـر=وينجيك ربـي مـن عـذابٍ وحرقـا
    موتك شرف مافيه ( غطوٍ) و( تفسير)=واللي جرى لك صـار غـدرٍ ودرقـا
    أحسنت (للعامل) علـى نيـة الخيـر=وجازاك بالمعروف (طعـنٍ) وسرقـا
    ولو دونـك العالـم دروع وطوابيـر=سهم القدر من بينهـم جـاك زرقـا
    ويا عيال أبن روضان ربعي المناعير=تشهد لكم بالطيـب (روق) (وبرقـا)
    لكم على الطـولات ثبـت وتقاريـر=ووسمتو المعـروف عرقـاً وعرقـا
    ربـي يبـدل حزنكـم بالتسـاريـر=وتسجع سعادتكـم علـى كـل ورقـا

    راعــــي مـــــرات / عبدالرحمن عبدالله المجلي


    ___________________

    رثاء في فقد العم/ محمد بن عبدالعزيز المجلي حيث كان فقده حزناً على الجميع
    - غفرالله له واسكنه فسيح جناته وأحسن عزاء ابناءه وبناته والجميع في فقده
    ______
    البارحه ونيت من ضيقة البال
    والقلب من زود العنى باح سـده

    واسبلت دمعٍ عاصيٍ صعب لا سال
    ياحيث صبري من الحزن وصل حده

    دنيا العنى.. دنيا الشقى.. سعدها زال
    علمٍ فجعني فج قلبي وقده

    في موت عمي طيب الصيت والفال
    يالله عسى الجنات داره وخده

    إكميت من فقده لبس للحزن شال
    وتبوك يغسل حزنه ببحر جده

    يبكيك ياعمي صناديد ورجال
    ويبكيك محتاجٍ ظروفه تحده

    عز الخوي إن كان حمل الدهر مال
    وسار الزمان الصلف عكسه وضده

    وريف الضعيف ..وريف ..طرقي وجمال
    وملجا يتيمٍ دمعته فوق خده

    تشهد له الفزعات وفعوله جزال
    في لازمٍ ماكل شخصٍ يسدّه

    له رآية في عالي العز تختال
    ومواقفٍ ياصعب حصره وعده

    انا اشهد انه للمواجيب خيال
    في ساعةٍ مافيه هاته.. ورده

    وفيه التواضع للعرب مضرب امثال
    مامرةٍ للناس صعر بخدة

    يالله انا طالبك ياعالم الحال
    عبدك ببابك يطلبك لا ترده

    تجعله في الفردوس في خير منزال
    ومن فيض عفوك يا إلهي تمده

    وتحفظ عيال العم من شر واهوال
    اهل الفعول الطايلة والأشدّة

    متوارثين الطيب جيلٍ ورى اجيال
    وحبل الوصل كلٍ حريصٍ يمده

    وسنة إله الكون راحل ونزال
    والموت عند الله ولا احد.ٍ يرده
    ___
    عبدالرحمن بن عبدالله المجلي
    ظ¢ظ×/ظ،ظ،/ظ،ظ¤ظ£ظ§---الأثنين

    __________________

    حروف ومشاعر حزن في وفاة الخال/ عبدالرحمن الحلوان
    نسأل الله أن يغفر له ويرحمه ويجعله في جنات النعيم

    يالله يالخلاق ياخير معبود
    يافارج الكربات نور طريقي

    حزنٍ بصدري داخل الجوف مرجود
    والهم والتفكير اصبح رفيقي

    الحزن بدل.. وضح.. الأيام بالسود
    قلت آهـ ..واويلاه .. جرحي عميقي

    من موت خالي جفت انهار وعدود
    ومن فقد خالي شب جوفي حريقي

    راعي الوصل .. نبع الوفاء..منبت الجود
    راعي مواجيبٍ تسر الصديقي

    يشهد له المسجد وخلق الله شهود
    والجار يشهد له وكل الفريقي

    مرحوم ياللي راح ما مس منقود
    فعله ينومس كل حرٍ طليقي

    يارب تغفر له عدد ذاري النود
    وتسقيه من جنات عدنٍ رحيقي

    وياعيال خالي طيبكم دوم مشهود
    يبين لامنه نشف كل ريقي

    البر..فيكم والوصل ترثِة جدود
    متوارثين المجد فعلٍ حقيقي

    ووصل الرحم لاشك دينٍ ومردود
    يالله تساعدنا لحمله نطيقي

    وتجعل أهلنا دوم في سهود ومهود
    وتزيح عنهم كل همٍ وضيقي

    وسنة إله الكون فاقد ومفقود
    والموت حق و كل لحظة يويقي

    واللي غفل عن جور الأيام مقرود
    بقعى تبي تكويه حتى يفيقي

    ويالله أنا طالبك والكف ممدود
    يافارج الشدات نور طريقي

    عبدالرحمن عبدالله المجلي
    11/7/1437هـ

    ______________________


    مشاعر حزن كتبت الجزء الأول من القصيدة
    بلسان والد الفقيد الشاب/ فارس عبدالرحمن الروضان
    غفر الله له واسكنه فسيح جناته
    واحسن عزاء والديه واخوانه واعمامه واخواله وأقاربه وجبر مصيبتهم


    الفقد موحش والحزن هدّ حيلي
    والقلب من بين السراجيف منصاب


    همٍ ترادم في حشايه ثقيلي

    ينباج نور الفجر والدمع سكّاب

    ياعين بزرق دمعك اليوم سيلي

    لا تذخرين الدمع في فقد الاحباب

    من موت ( فارس)..صحت واعزتي لي

    قلت ..آهـ ..واويلاه ..واقصى الحشا ذاب

    وناديت( فارس)؟!.. علّ صوته يجي لي
    وعاد الصدى يدّوي.. بسمعي وينساب


    وامسيت من فقده صويبٍ عليلي
    ومن جور بقعاء طحت خايف ومرتاب


    ياكبر حزني فيه.. وياطول ليلي
    وياكثر ذكري له إذا ما الشفق غاب

    ياربنا انت الذرى والوكيلي
    ومن التجابك.. أو ترجاك ماخاب

    تغفر ذنوبه يامنجي الدخيلي
    وتقبله عندك دون تدّقيق وحساب


    وتجعله في جنات عدنٍ نزيلي
    في عالي الفردوس يارب الارباب

    يسير في طوبى بظلٍ ظليلي
    يقطف من ثمارٍ بها كل ماطاب

    وتزيح عنهم كل حزنٍ ثقيلي
    امه وابوه وكل ربعه والاقراب


    ابوه قرمٍ للمكارم فضيلي
    ما حط دون الضيف اسوار وابواب

    واخوانه اللي للمراجل دليلي
    البرّ فيهم والوصل دوم جذاب

    شادّو بفعل الطيب رجمٍ طويلي
    يشهد لهم كل الجماعة والأجناب

    عن المراجل دربهم ما يميلي
    دار الكرم دار المعزة والانساب

    وبقعى ولو زانت تراها تعيلي
    تخدع.. وتمكر ما تحسب لك حساب

    جفيتها وحطيت قلبي دليلي
    من كثر صكّات الزمن خاطري طاب

    ودون القدر مابه ملاذِ يحيلي
    الأمر لله وكل شيٍ له أسباب

    وياسعد من حسب ليوم الرحيلي
    من قبل تنعيه القرابه والأحباب


    وازكى صلاتي يمّ طه الخليلي
    اعداد ما دقّو هل البر منساب

    عبدالرحمن المجلي - راعي مرات

    _______________

    التعديل الأخير تم بواسطة ريف النشاما ; 21/01/2005 الساعة 02:14 AM

  11. #11
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    تكـدر الخاطـر وأنـا بآخـر الليـل= وهاج الضميـر وجاوبتـه القريحـة
    وهلت حروف الشعر تشدى الهماليـل= مثايـلٍ نـوبٍ ونــوبٍ نصيـحـه
    وأركيت في صالي ضلوعي المعاميـل= وفاح الصبر منهـا وشميـت ريحـه
    وبهرتهـا مـن دون بـنٍ ولا هيـل= كيـفٍ يـداوي كـل كبـدٍ جريـحـه
    وصبيـت منهـا للنشامـى فناجيـل= أهـل المعرفـه والعقـول الرجيحـة
    النايفـيـن العارفـيـن الحلاحـيـل= المدركيـن أهـل الوجيـه الفليـحـة
    إللي لهم في وسـط قلبـي مداهيـل= معـزةٍ فيهـا المشاعـر صحيـحـة
    صدري على ربعي تطارد بـه الخيـل= وسيع واوسع من فجـوج الفسيحـة
    مانيـب أجازيهـم بصـد وغرابيـل= ولانيـب أبـدل حسنهـم بالقبيـحـة
    حتى ولو ضاقـت علـي المحاصيـل= وصارت مناهيـل المراجـل شحيحـة
    أرفع معزتهـم علـى نجمـة سهيـل= وأقـول كـلٍ ياعسـى الله يبيـحـه
    ولانيب أجازي راعي القـول بالقيـل= ويح إلذي يحكـي بالأجـواد ويحـه
    بعض الربع تحرص على رضاه بالحيل= نفسـك تبـات بشوفتـه مستريحـه
    وشخصٍ إلى قفا عسى دربـه السيـل= طـرد المقفـي يالنشامـى فضيحـه
    وإللي يتردى فـي علـوم الرجاجيـل= ياسـرع بقعـى ماتعجـل مطيـحـه
    نجزي الحقوق ونوفي الكيـل بالكيـل= وكلٍ إلا جـا الجـد يعـرف نطيحـه

    عبدالرحمن المجلي= راعي مرات

    ***********************************



    الليل لاعسعس نجومـه درابيـل=تكشف بقايا السالفه والفضيحـه

    والصبح يتنفس على ريحة الهيل=يشتاق لعلوم النشامى الصحيحـه

    والكبر ( آفه) والدناوة غرابيـل=والـذم طبـعٍ للوجيـه الكليحـه

    الزود يبشر صاحبـه بالبهاذيـل=مجنون منهو ما استمع للنصيحه

    شخصٍ جفته المرجله والرجاجيل=هرجه كثيرٍ والصمايـل شحيحـه

    الجرم وافي لكن العقل بـه ميـل=يكذب وكذبه بيـنٍ مـن فحيحـه

    هماز.. لمازٍ.. قليـل المحاصيـل=عتلٍ.. عليلٍ دوم نفسه كسيحـه

    (رفيق للشيطـان) نقـال للقيـل=ماشاف له خير ولا شـم ريحـه

    فكره عليل.. وزاده الكبر تعليـل =الناس تضحك به وهي مستريحه

    جنسه ذروقٍ مثل صوايـة الليـل=من ذم فعله ياعسـى الله يبيحـه

    ماينفع (الأفاك) كثـر التهاويـل=زيفه تبيـن ولفضتـه الفسيحـه

    مافي يده دبره ولا في يده حيـل=قلـه تـريـح الاوادم مريـحـه

    وقله قصيده والحكي والمواويـل=مترديه وحده.. والاخرى نطيحه

    وقله ترانا نبخص الجدي وسهيل=نسبر مطاليعه ونعـرف مطيحـه

    وقله ترانا من عصـاةٍ مشاكيـل=نطـرخ بعـزٍ كاسبيـنٍ مديحـه

    وقلـه ترانـا مانهـز الفناجيـل=إلا بوجه إللـي علومـه قبيحـه

    وقله ترى كثر البكـا والسعابيـل=ماعز شخصٍ يطحس في مطيحه

    وقله يجوز ويترك القال والقيـل=ليه المروه عرضها يستبيحـه؟!

    وقله يسد بغترته جاري السيـل=يقطعك يسرىً دلوهـا ماتميحـه

    العمر يفنـى والليالـي مقابيـل=وكلٍ يحاسب لادفن في ضريحـه

    يامن نشدني عن جميع التفاصيل=جتك العلوم الوافيـه والصريحـه

    وعيبٍ علي إني اجاري مهابيـل=لكن عصت شوري بيوت القريحه

    هذا وصلى الله على سيد الجيـل=إعداد ما ينبت من الغيث شيحـه

    ( راعي مرات ) :~ عبدالرحمن المجلي
    التعديل الأخير تم بواسطة ريف النشاما ; 21/01/2005 الساعة 02:19 AM

  12. #12
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489


    الشاعر المعروف مضحي الشيبان ( السنعوسي) كان له موقف مع إبنته عندما كان والده مريضاً في حائل وكان يتجهز لمرافقته بطائرة الإخلاء إلى الرياض ودخل البيت وكانت دموعة تسيل فمسحتها إبنته الصغيرة ( ريا) وطلبت منه أن يمسح وجهه بالمنديل عندما يغسله تعتقد أنه قد غسل وجهه بالماء فكتب قصيدة تصور الموقف
    الغـالـيـه تـمـســح دمــوعــي بـيـدهــا *** يـوم أن وجهـي دمـع عينـي تغـشـلاه
    تـــقـــول لاغــسّــلـــت لازم بــعــدهـــا *** الـمــاء بهالـمـنـديـل تـمـســح بـقـايــاه
    هـي ماتـعـرف الـلـي لكـبـدي لهـدهـا *** يـاعـل ( ريــاء ) تسـلـم الـيـوم يـمـنـاه
    الـلـي لبـوهـا الـيــوم تـبــذل جـهـدهـا *** لـو عمرهـا فـي أول الخـمـس مـبـداه
    فـــي سـاعــةٍ فـيـنـي تـبـيـن نـكـدهـا *** تجـهـل بـهـا ( ريــاء ) وتجـهـل بمعـنـاه
    هــلــت دمــوعــه واحــــدٍ مـاجـحـدهـا *** غصـبٍ علـيـه العـيـن يــوم انتـثـر مــاه
    عـلـى الــذي يــوم السـلالـم صعـدهـا *** سـلالـم الــي بــأزرق الـجـو مـمـشـاه
    فـــوق الـسـريـر ومـاعـرفـنـا وعــدهــادنيـا وجّــل الـلـي عـلـم فــي خفـايـاه
    هاضـت مـزون احـزان قلـبـي رعـدهـا *** يخلـف صـلاة اللـي ركـع فـي مـصـلاّه
    عـلـيــك يــاعــز الـنـفــوس وسـنـدهــا *** علـيـك يـاسـاس الـمـراجـل ومـنـشـاه
    يـامـن يــداوي فــي عيـونـي رمـدهــا *** عـلـى الـلـذي ماعـيـش لحـظـه بلـيـاه
    يـابــوي انــــا نــــاري تــزايــد وقــدهــا *** عـلـيـك يـاســاس الـمـعـزه ومـرســاه
    يـامـن حـوايــج مـــن عـنـالـه وجـدهــا *** مكـانـتـه عـنــد الـعــرب صـــان مـبـنـاه
    يالله رب الـخـلـق مـحـصــي عــددهــا *** فـي جـاه مـن ماغـيـر وجـهـه طلبـنـاه
    الـلــي رفــــع ســبــعٍ بـلـيــا عـمـدهــا *** يـامـن فـــرض لـيـلـه ظـــلامٍ لبـسـنـاه
    يـامـن يـســوق مـزونـهـا مـــع بـردهــا *** هـــو الـولــي عـــلاّم غـيـبـه رجـيـنــاه
    في رحمتك تضفي على من شحدها *** مالـي ســوى وجـهـك كـريـمٍ نصيـنـاه
    تطـفـي لهايـبـهـا ويـطـفـي سـمـدهـا *** نـارٍ كـلـت جـوفـي وبــي سـاقـت الاه
    تـزيـل عـــن مـــن كـــل عـلـيـا وردهـــا *** حـــر الـمـواجـع يـــوم حـــره تـغـشـلاه
    عـلـيـه نـفـســي زاد فـيـهــا زهــدهــا *** يالله بـوجــهــك مـاطـلـبـنـاه عــطــنــاه
    بأمـرك هنـا نفسـي وبأمـرك سعدهـا *** والـلـي يـجـي مـــن ربـنــا ماكـرهـنـاه
    .
    مـضـحــي الـشـيـبــان** الـسـنـعــوســي***
    .
    .
    وقد كتبت له هذا الرد
    يــا عــل مــن (كـفـت) دمـوعـك بـيـدهـا *** تسلـم ويسلـم رأس مــن هــي ربـايـاه
    البـنـت شـافــت مـــن أبـوهــا سـعـدهـا *** يـــا سـعـدهـا يـومــه حضـنـهـا بـيـمـنـاه
    تسلـم يـا ( أبـو مـروان) حيثـك سنـدهـا *** يوم الردي يخطي عن الـدرب مـا أقـداه
    فـعـايـلـك (بــاأبــوك) مــحـــدٍ جـحــدهــا *** مـا خـاب فـي (خالـك) تعـب لـيـن نـقـاه
    وارتــــاح حـيـثــه ورّثــــك يـــــا بـعــدهــا *** عـريـب ســاس الـجـد مـعــروف مـربــاه
    يبـيـك إلـــى شـانــت وصـكــت عـقـدهـا *** تـــذود عـنــه الـضـيـم بـالــروح والــجــاه
    ومــا لــوم عيـنـك كـــان جـاهــا رمـدهــا *** أو صحت بأعلى الصوت ويلاه! ويلاه!
    أرهقـت نفـسـك فــوق عـالـي جهـدهـا *** وأرخصـتـهـا تـرجــي يـشـافـيـه مــــولاه
    بحسنـاك يـا منشـي الحقـوق ورعدهـا *** يـامــن إلـــى ضـاقــت علـيـنـا نـصـيـنـاه
    تشفـي لـنـا (عــودٍ )ٍ يقـاسـي كمـدهـا *** وتغـفـر لـــه الـــزلات يـــا الله يـــا الله
    يــا الـقـرم حبـلـك كـــل (بـيــرٍ ) وردهـــا *** ورميـك علـى ذاك الهـدف صـاب مرمـاه
    فـــلا تـلــوم الـبـنــت مــاهــي وحــدهــا *** الـلــي تـبــي دمـعــك تـمّـسـح بـقـايــاه
    .
    .
    راعي مرات - عبدالرحمن المجلي



    التعديل الأخير تم بواسطة ريف النشاما ; 21/01/2005 الساعة 02:30 AM

  13. #13
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    الأخوة الأعزاء .. أتمنى أن ترتقي هذه الحروف
    إلى أذواقكـــم.. تحياتي

    إبتديت بذكـر ربـي سعـد عيـن اللـي أطاعـه=تابـعٍ سنـة ( محمـد) ماشـيٍ بأمـره وطوعـه
    آه مـن هـمٍ بقلبـي صـاط فكـري ثـم صاعـه=إجتلـد فيـه وتمكـن ليـن بيـن لـه خضوعـه
    وش بلا حرفـي تكلـم..؟! ليـت مـن كسـر يراعـه=ليت قافـي بـات هاجـد مستمـرٍ فـي هجوعـه
    ليت حظي أدرك اللي فـات مـن فـرض الجماعـه=ليـت ذاك الوقـت طـول ليـن أدركنـا ركوعـه
    جيت عمري أنتخـي بـه ماسـكٍ بيـدي ذراعـه=أعتذر لي.. وراح.. يومي..تسبق العبرة دموعه
    الزمـن لامـن تولـى ( مومـنٍ ) بريـال باعـه=مـا يحسـب للخسـاره يأكـلـه ثــمٍ يجـوعـه
    والقـدر لامـن تكامـل جـر كـلٍ مـن كـراعـة=والحـذر كثـرة وقلـة مايـرده عــن وقـوعـه
    تنقلب كل السعـادة للشقـى فـي ظـرف ساعـه=والمصايـب لاتوالـت تفجـع القلـب وتـروعـه
    وقتنـا الحاضـر يخـوف قامـت تـدوج ضباعـه=كـل يـومٍ فيـه فتنـة.. مـن ثلاثـاه لربوعـه
    أختلـط جـده وهزلـه.. الحقيقـة والإشـاعـة=مـا عرفنـا مـن نصـدق كـلٍ يمـدّح ربـوعـه
    بعضهم يخدعك قوله كنه مـــركب إذاعــــــة=وإن جــت الصمله تولى نفســه العفنه جزوعه
    والنذالـة ..والدنـاوة.. صـارت تسـمـى لكـاعـة=والكذب في البعض آفة صـار طبـعٍ مـن طبوعـه
    والمطفـف لـو يحلـف اختلـط مـده وصـاعـه=الجشـع فيـه متأصـل ياكثر جنســـــه ونوعه
    والتكاسـل ..والتخـاذل ..صـار مفـهـوم القنـاعـة=وقت أهلنا اللي شقو به ميسينٍ مـن رجوعـه؟؟!!
    والوصل أقفى وقفـى وزاد فـي النـاس القطاعـة=والأقارب مـا تقـارب صـارت أنفسهـم دنوعـة
    وصاحب العقل المحنـك دوم مشيـه فـي وقاعـه=مـا ذكـر إنـه تنـدم خايـفٍ بقعـا تصـوعـه
    بعـــــــد ذا صلوا على اللي خصه الله بالشفاعة=عد ما لبى الملبي مطمئنٍ في خشوعـــــــه


    **** راعي مرات*** عبدالرحمن عبدالله المجلي ليلة السبت/ 18/6/1424هــــ

    ***********************************

    آه أنـا وآسفـابـي طـحـت كلـي جميـع
    مـا أمهلتـني الليـالـي ليـن أحقـق مـناي
    ..
    أحسـب العمـر واقـف وأثـر ركضـه سـريـع
    مـومـيـات الليـالـي قضـبـتـنـي عـصـاي
    ..
    فـي حـراج المصـايـب قمـت أحـرج وأبيـع
    مـرخـص كـل ما أمـلك لـوهـو غـالي شـراي
    ..
    إن ضحكنـا بكيـنـا وإن عصينـا نطـيـع
    ضاعـت العشـر وحـدة عقـب زمـة صبـاي
    ..
    لاغشـى القلـب غـاشي الـروابـع تضيـع
    أفتـكـر فالـسنيـن الـي تـعـدت وراي
    ..
    أمحـل العمـر وأقفـر عقـب هـاك الربيـع
    وآحسـايف شبـابي غـاب وأظلـم سمـاي
    ..
    مـن وثـق في زمـانـه أشهـد أنـه صديـع
    هـذي جـورات بقعـى قصـرت لـي خطـاي

    (راعي مرات ) :- عبدالرحمن المجلي
    **************************************

    منى أن تعجبكــم هذه الخاطرة. . . مع الحظ. . . .


    حدتنـي الدنيـا علـى شـرب الأمـرار=لامـن بغيـت الحـظ أقفـى وعيـا
    يأخذنـي بعقلـه ويضحـك وينـدار=يقـول صبـرك بـس ماشفـت شيـا
    والله أن تذوق المـر مـن كفـي أمـرار=وما ارحمـك حتـى لـو تحـب الثريـا
    هلت دموعي دم. . وأمسيـت محتـار!!=ليـه الزمن وقـف بحلقـي هنـيـا؟!
    شارو علـي الربـع والنـاس الأخيـار=قالـو تغـرب عنـه وأبـعـد شـويـا
    شديت مـن بيتـي إلـى ذيـك الأكتـار=بـأرض المنامه قلـت عـزي تهـيـا
    وصليـت بالمسجـد وأوردت الأذكــار=ودعيـت رب العـرش يسخـره لـيـا
    أخذت لي سجـه. . وقلـت الزمـن دار=ياسعـد عينـي زان مـادمـت حـيـا
    أثـره يدورنـي !! علـى جرتـي سـار=ووصـل إلـى عنـدي وسلـم وحـيـا
    أقول:وش جابك؟! يقول: أنـت مكـار!!=خفت. . ورفعت الصوت يأهل الحمييياا
    قيد أيديني قيـد مـن غيـر مـا اختـار=واصبح. . يتلّتلّني. . يقول: أمش هيـا
    عرفـت أنـا حظـي تعيـسٍ وغــدار=حتيـش لـو لبسـي علـى كـل زيـا
    وأنـا مـن الدنيـا تجرعـت الأكــدار=شـيٍ جرالـي صـدق. . وشـيٍ تهيـا
    واليـوم كنـي راعـي الغار والنار=إلـى قضـى هــذا ..إلــى ذا يتهـيـا
    وبيحـت مكنونـي وبينـت الأســرار=ومن قبل أنا هذا . . وها الحين ذيـا
    فيـا الله تنجينـي مـن القبـر والنـار=أدعـوك ربـي رافــعٍ لــك إيـديـا
    عبدالرحمن بن عبدالله المجلي *** راعـــــي مـــــرات **

    التعديل الأخير تم بواسطة ريف النشاما ; 21/01/2005 الساعة 02:29 AM

  14. #14
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    الصـورة اللـي حطهـا راعـي الــذوق=أنـا أشهـد إن ذوقـه علـى الكـل راقـي
    إختارهـا يبغـي يجـدد بـي الـشـوق!!=وأنـا بعيـد وزاد.. شوقـي.. إشتياقـي
    للخايـع الـي علـه الـوسـم بحـقـوق=ذارف غـديـره كــن يسقـيـه سـاقـي
    زملـوق زهـره نايـفٍ تـقـل غـرنـوق=والنفـل.. والحـوذان.. فيهـا متلاقـي
    مختلطتن .. شيحٍ.. وبابونق .. وذعلوق=متهاوشـاتٍ ..بيـن زاحــف وراقــي
    وفيها الخزامـى مايـقٍ تقـل معشـوق !!=لا عـط ريحـه فـاع ..قلبـي.. وفاقـي
    وإن شـال فيهـا راعـي الكيـف طـاروق=يـزيـح هــمٍ لــه زمانـيـن بـاقـي
    وثـوب الكلافـة بيننـا طـاح مشـقـوق=مافيـه مــن نـكـد عليـنـا التـلاقـي
    عندي يشـادي ملـك قيصـر.. وفـاروق=مـا مثلهـا فـي مهجـة القلـب لاقــي

    = راعي مرات= عبدالرحمن عبدالله المجلي

    *************************************

    على صدر الزمان المبتسم خطـت ثـلاث حـروف=رسمناها قلـوب أحبـاب مانـدري عـن الخافـي
    تمسكنا ..بأمل يمكن!!..وبددنا جميـع الخـوف=تعاهدنـا عهـودٍ صادقـة بأيـمـان واحلافي
    زرعنـا بـذرة اللقيـا بداخـل مستكـنّ الجـوف=نمت فـي داخـل أعماقـي مكـانٍ ذاري ودافـي
    تفرّعن ..غصنها الزاهر.. تهايق.. يمنا ملهوف=يبي يمشي على الرمضى ولكـن القـدم حافـي!!
    صحينا بصدمة الواقع..بدأ يلعب على المكشـوف=زمانٍ يعلمـه ربه..زمـن ظالم..زمـن جافـي
    تكسر مركب أمالي واحلامـه ..بلمحـة شـوف=غرق واغرق أمانينا..وتـرك حرفـي ..ومجدافـي
    بكى حبـي وبكاني..وعزانـي وهـو مكسـوف=وقال الله يجبركم.. زمنكم صعب.. يـا كافـي!!
    ***راعـــــــي مــــــــرات*** عبدالرحمن عبدالله المجلي

    ***************************


    أقبلـي ربـي يحرسـك يالعيـون النرجسـيـة=عـلّ لاجيتـي محلـي ينقفـل ستيـن بــاب
    باب صدك. . باب هجرك. . باب حرمان واسيـة=وقـت علّـه مـا يعـود راح غربـال وعـذاب
    آه... من همٍ طرقني فـي الليالـي السرمديـة=نجم عمري منك قفى. . صرت أراقب لين غاب!!
    وطحت من حزني أعاني. . مابقى لي من بقيـة=مرخصٍ حالي ومالـي . . ياعساهـن للذهـاب
    من همومي صرت شاعر . . تبكي حروفي عليه=والأمل يلعب بعمـري يطـرد أوهـام وسـراب
    والأغاني. . والمعاني. . والحـروف الأبجديـة=عجزت توصـف شعـورٍ داخـل الخفـاق ذاب
    صادقٍ جيتك تراني. . مخلصٍ من حسـن نيـة=كلـي عبـراتٍ تتالى. . أنتظـر رد الـجـواب
    فإن حصلتي لي وربي. . ما أبي غيرك عطيـة=كل زين ماهـو زينـك ماحسبنـا لـه حسـاب
    لكن أخشى (يا حياتي). . من غرابيـل وأذيـة=جاوبي قلبٍ يحبك. . خوفي من يـوم الحسـاب
    واسعديني واوعديني. . وعالجي جـروحٍ نديـة=وارحمي شخصٍ تحطم. . . مل من كثر العتـاب


    *** راعــــــي مـــــــرات***



    التعديل الأخير تم بواسطة ريف النشاما ; 21/01/2005 الساعة 02:35 AM

  15. #15
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489


    بدع من الشاعر/ علي القرني ....ورد من الشاعر/ ابو فارس/ إبراهيم المجلي
    يقولون زر غبٍ تزدد حـب ومعـزه وأنا تحيـرت بيـن الغـب وأحبابـي
    الحزة إللي لنـا ماهـي لهـم حـزة ظروفنـا تختلـف والوقـت نهابـي
    واصبحت أخيل العتب وأحس له هزه وأخاف يمطر مـلام وينكسـر بابـي
    وش حلهاإن كان عندك حل لـي دزه عبر الرسايل تراني وسط ( محنابي) .

    رد الشاعر إبراهيم المجلي
    الحل واضح وضوح الشمس هالحزه إتغير الوقت من سلبـي لإيجابـي
    الوقت فيصل قبل ما يجزنـا نجـزه وإذا بغيت الصحيح الوقت غلابـي
    الخاسر إللي يخلـي بليـس يبتـزه ويلهيه عن وصل خلانه والاصحابي
    واجب علينا نزور الجـار ونعـزه لاخير في قاطعٍ وصلـه للأقرابـي
    خل الوفا لك شعـار وبيرقـك رزه والمشكله ماتحل بفتـل الأشنابـي

    ______
    مجاراة من عبدالرحمن بن عبدالله المجلي
    من يشرب الكره يشقابه ولو مزه = ومن قال أنا أقدر اصالي البعد لعابي
    وإن كان ربي رزقك بصاحبٍ وزه = خله بعيدٍ عن الحبال والحابي
    قالو ..وقلتو.. تثير طويق وتهزه = وفي الناس عفنٍ يحط العرض مشذابي
    حبلي متين .. ولكن الهجر .. جزه = شف صابري من فراق إللي أبي شابي

    التعديل الأخير تم بواسطة ريف النشاما ; 21/01/2005 الساعة 02:38 AM

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •