15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 2 من 2 الأولىالأولى 12
النتائج 16 إلى 22 من 22

الموضوع: ديوان الشاعر / راعي مرات

  1. #16
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489



    *******************************************

    ترى المراجل سلم واخلاق واسلوب= تحتاج شخص في المواجيب واعي

    يصبر على زود البلا صبر ايوب = ويسطي على الكايد جزوم شجاعي

    والحزم في بعض المهمات مطلوب = والعزم والهمه تشد الذراعي

    خلك كريم تصير للكل محبوب = وتطرف به عيون لعيبك تراعي

    وافزع لمن مسه من الدهر منيوب = اقض اللزوم وسركم ﻻ يشاعي

    والوعد اوفه ﻻيجي وعد عرقوب= وجنب عن دروب الحيل والخداعي

    وان طاب حظك زان لك كل مشروب = واليا تردى راح جهدك وضاعي

    والزهد في الدنيا جميل ومرغوب= ياسعد من يرحل خفيف المتاعي

    والجار قبل النفس له حق ماجوب= الدين وصانا لحقه نراعي

    واطلب ولي العرش ﻻصرت مكروب = ترى الفرج يأتيك عجل سراعي

    واحذر تصير بعرض اﻻجواد شاذوب= عرضك تبي تنهشه غلث السباعي

    وكثر الجدل لا شك عيب وعذروب = خلك حكيم ولاتكون اندفاعي

    والحقد في قلوب الحسودين مصبوب= اشد من سم الحنش واﻻفاعي

    ومنته على طرد المقفين مغصوب = الله خلق كون فجوجه وساعي

    ناس على فرقاهم الدمع مسكوب= وناس خساره لو سلام الوداعي

    أمر الله الغالب ولاهوب مغلوب = سبحان رب للخلايق يراعي

    والعمر معدود و في اللوح مكتوب= والموت ماياقاه درع وقناعي

    يارب تغفر زلتي واقدر اتوب= من قبل ينعاني من الموت ناعي

    وصلاة ربي عد مامال نبنوب = على النبي واعداد نبت المراعي

    راعي مرات
    عبدالرحمن بن عبدالله المجلي



    التعديل الأخير تم بواسطة ريف النشاما ; 21/01/2005 الساعة 02:41 AM

  2. #17
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    الأخوة الأعزاء... تحية طيبة وبعد/ عندما وقفت عاجزاً عن كتابة قصيدة لوالدتي

    جيت أبكتب في نظـر عينـي قصيـدة=إي وربي!! مـا لقيـت اللـي يساعـد
    قلـت أبكتبهـن وأغنيهـن نشـيـدة=لاغلى مخلـوقٍ بقلبـي اليـوم قاعـد
    ضاع كـل القـول ماضيـه وجديـده=وطاحت حروفي على سطـوري بدايـد
    الشعـر مـن قبـل ذا فنـي وأجيـده=وش بلاه اليوم وقف صـار جاحـد؟!
    عجزت ( بحوره) تجيب اللـي أريـده=وكـل تعبيـر تقولـه صـار بــارد
    ما ألومه (كـان وقـف) رافـع إيـده=ما ألومه!.. لو يعانـد.. لـو يعانـد
    قـال كـل الشعـر حاضـره وتليـده:=(نبغي بيـتٍ مننـا يصبـح مسانـد)!
    (مـا لقينـا مـا يناسبهـا نصيـده)=وأعتذر لي !! وأنسحب.. وأقفى مباعد
    طاحـت دمـوعٍ قبـل هـذا عنـيـده=وصرت أنا أول وأخر شخـص شاهـد
    لا كتبـت بغيرهـا شعـري يـزيـده=وإن كتبت بهـا أنـا راعـي الفوايـد
    وصرت أردد قـول (ربـي) وأستعيـده=يـوم وصانـا بهـا وبهـا نجـاهـد
    يـا عسـى أيامهـا دايـم سعـيـده=والفـرح دايـم لهـا والخيـر زايــد
    أمـي الـلـي إن فقدنـاهـا فقـيـده=وعقبها موتي وحياتـي شـيء واحـد
    وكان جاها من الزمن (هم) و(مكيـده)=أنـزلـو نـعـيٍ علـيـه بالجـرايـد
    ****راعـــي مــــرات****
    21/9/2003م
    التعديل الأخير تم بواسطة ريف النشاما ; 21/01/2005 الساعة 02:46 AM

  3. #18
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    أثاري المشاعـر مـا تزيـف ولا تنبـاع؟!=بـوح الحقيقـة يظهـر السـد والخـافـي
    جلسنا أنـا ويـاه جلسـت ألـم.. وأوجـاع=يشكي لي اللـي جـاه مـن وقتـه الجافـي
    ما زان له ( حظه) ..وحبه ..ولا الأوضـاع=يقول الزمن يا كيـف ياعـد ولا يافـي؟!!
    تكسر به العبـره وأنـا القلـب منـي مـاع=أقـول السلامـة زيـن لاصـرت متعافـي
    يلـد النظـر يمـي بعيـن تشـع إشعـاع=من الجور.. والحرمان.. واليأس.. يا كافي!!
    يشكي لي ويبكـي ومـزع حشـاي أمـزاع=وأحرق يـدي دمـعٍ علـى الخـد ذرافـي
    يقول أنت ماتفهـم.. ولا تعـرف الأسنـاع=وما ترحم اللي جاك يركـض وهـو حافـي
    جانـي يذكرنـي بحـبٍ قـديـم ضــاع!=وشبك أخيراً جيت تشعـل بـي الطافـي؟!
    من بعد عمـر فـات منـه ثـلاث أربـاع=عمـر تعـدى وراح قفـى بــه القـافـي
    وشريت به وأغليت وارخص بـه البيـاع=كأس شرابٍ (مـر) وكأس (عسـل) صافـي
    وقت خـذاه السيـل وعـدا بـه المطـلاع=وغطى ربيع القلب( طبـقٍ) مـن السافـي
    *** راعـــــي مـــــرات*** عبدالرحمن المجلي
    20/5/2003م

    *************************

    آخر الموجز.. نهاية عناويني

    عسرني زماني (لعنبو) حظـي اللـي نـام=أنـا كيـف أخـاوي واحـدٍ مـا يدانينـي
    شكيت ..وبكيت ..وطحت من جور هـا الأيـام=ولا بـه رفيـقٍ لـي تـنـزل يواسيـنـي
    إلى قلت له أرفق.. يقول: الوعـد قـدام؟!=وفي مامضى الأزمان أنـت متحدينـي
    أقوم أتعذر لـه.. وأحلـف ثـلاث أقسـام=بأنـي ضريـرٍ أبغـي أحــد يقديـنـي!!
    علام الدهر يا ناس ما يرحـم المنضـام؟!=يخلط الشقى.. والمر.. ( كوكتيل) يسقينـي
    يعادي واصانع له.. وذالـه ثـلاث أعـوام=أنـا مكسبـي منـه السلامـه ويكفينـي!!
    وأهديت له سبحه وعطـرٍ (وطقـم) أقـلام=لعلـه يليّـن جانبـه لــي ويرضيـنـي
    وساعة يدي والبـوك و(الفـرد) والأبـوام=وعمري ومـا أملـك.. رهنتـه بجرحينـي
    يقول ( إنثبر ) ! ما طاب لك يا (غبي) مادام=وذا اللـي نخيتـه مـا يفيـدك مسيكينـي
    (تكوبعت) في همي وعضيت أنـا الأبهـام=وصرت أفتكر ذا الوقت وش به معادينـي ؟
    أشوفه يزيـد الحـزن.. والجـرح.. والآلام=يقول إنت في طوعي!.. وقصـده يبكينـي
    أثر ما مضى لي فلم !!..كله خدع وأوهـام!=تفنـن بـه المخـرج وسلكـه شراييـنـي
    وحطولهم حفلـة وغنـت بهـا ( أحـلام)=يدقـون طـار الـزار نشـوى وفرحِينـي
    وقلبي على ( التورته) غدا بينهـم أقسـام=وشبو شموع (الفـوز ) وحـده وثنتينـي
    وصفـوا هداياهـم علـى الطاولـة أكـوام=شعـوري.. وإحساسـي ..وذاتٍ مشقينـي
    وصرت أتحسر ليه ؟ ! حظي عثـر ماقـام=ولونـي نخيته صـد عيـا يحاكيـنـي
    ولملمـت باقـي ذكرياتـي مـع الأحـلام=وفـي آخـر( الموجـز) نهايـة عناوينـي
    *** راعـــــي مـــــرات ***


    بالحيل ..بالحيل يعجبني

    بالحيـل.. بالحيـل.. يعجبنـي=الحـرف مـن صـادق النـيـه

    فنـه يطـابـق عـلـى فـنـي=يبـغـي عـلــومٍ سنـافـيـه

    قـريـت قـافـه و تعـبـنـي=ذكرنـي اللـي مـضـى لـيـه

    مـن قبلـه الشـوق صايبـنـي=والعـيـن مـنـه شـقـاويـه

    يــا درةٍ جــت.. تداعبـنـي=بالصـوت شـالـت هجينـيـة

    جاريتهـا ..وإنثنـى ..متـنـي=أحـلـى فـتــاة خليـجـيـة

    يافتنـة الإنــس ..والجـنـي=خوفـي.. إلـه البـشـر فـيـه

    اشـوف مافـات لــي حـنّـي=يبغـي السنيـن الخـلاويـة!!؟


    عبدالرحمن بن عبدالله المجلي *** راعــي مـــرات***

    يوم الجمعة/ 22/ شعبان/1424ه

    التعديل الأخير تم بواسطة ريف النشاما ; 21/01/2005 الساعة 02:45 AM

  4. #19
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    ( مناسبتها أنني أعتذرت عن الإشراف على أحد المنتديات الشعرية لظروف خاصة. . فرفض المشرف العام فكتبت هذه المفردات.

    موسى. . لك الله. . فكْ. . عنّي قيـودي=أنـا أسيـر عندكـم صـرت محـتـار
    خوفوا. . إله . . الكون منشيء الرعودي=ربـي عليـم الحـال عـلام الأســرار
    لا نيب بـوذيٍ . . ولا نـي. . يهـودي=مسلم وأصلي الفرض. . وعيدت الأفطار
    ولانيب ( سيرلنكي) . . ترانـي سعـودي=بطاقتي. . بجيبي. . بها سيف وشعـار
    إن كنت أنا مخطي .. فهاتو.. شهـودي=تثبـت دعاويـكـم بتوقـيـع وإقــرار
    وأبي قضاةٍ عـدل . . تعطـي عهـودي=وتصدر قرار الحكم . . صـارم. . وبتـار
    و(المُلة) اللي صار. . (يحشاك). . زودي=مافادني قربـه . . ولا ذيـك الأشعـار!!
    مـن سبتـه غربـال قلبـي يـكـودي=جـدد جـروحٍ لـي. . قديمـات وكثـار
    الله حسيبـي بس. . ضـيـع جـهـودي=من عقب ما وصاك. . بدلتَ . . الأفكـار
    أنـا مسالـم طبـع مـانـي حـقـودي=وش لي بتدوير. . المشاكل. . والأخطار
    أخشـى إلـى مـا طـق عـودٍ بعـودي=يقال خله عنـك . . سامـج. . وثرثـار
    وإلا . . أبتلش لي. . مع سقيمٍ ..حسودي=يدفع على سـب.. الأجاويـد. . دينـار
    ومثلك يا أبو ( ريناد) يوفـي الوعـودي=أوف. 0ّ بوعودك. . قبل قصاف الأعمـار
    وتوبـة لكـم مـا عـاد والله أعــودي=ولا أجيكم كـود. . طرّقـي . . وخطّـار
    هذي هـي القصـه وعطنـي الـردودي=أبغي قرار العفو يصدر . . بلا. . أعـذار

    ***راعـــــي مـــــرات*** 8/ شــــعــــبــــان/1424هـ


    وقد تكرم الشاعر/ سعد أبو حمد بالرد بالقصيدة التالية

    عود على الماضي وكثـر الـردودي=تظهر لك انوار الحقيقـه والاسـرار
    هونك ترى مطلوب منـك الركـودي=خلك مع الذاري ليا هـب الاعصـار
    غـلاك يالغالـي يزيـح الحـدودي=بيني وبينك ما بني سـور وجـدار
    حاشاك ما يلحـق جنابـك نقـودي=ولا يضيّق خاطـرك صايـر ٍ صـار
    منتب سريلانكي ولا مـن الهنـودي=من غير نقص في المسلمين الاخيار
    اصلك عريق ٍ والفصل من جـدودي=من عزوة فيها الجدا سـر وجهـار
    ومثلك عن حياض النشامـا يـذودي=وغيرك كثير الطهبلة كـذب وقمـار
    و( المُله ) اللي في نظركم حسـودي=لك في صباحك والمسا ورد واذكـار
    تكفيـك والا رقيـة الشـيـخ زودي=نركض نجيبه لك على حامي النـار
    لولا غـلاك اللـي بقلبـي يـزودي=وتقدير ( ابو ريناد) من خلف الاستار
    قلنا بـدال اللـي جفانـا جحـودي=عشرين من خيـرة بلدنـا وشعـار
    ونو ٍ تلجلج فـي حشـاه الرعـودي=وخطاف برقه مزعج كـل الابصـار
    يمكن يسوّي خبوب وسط النفـودي=والا يـزل ومـا تهنّـى بالامطـار
    لوكان غيرك قلت طبعـك شـرودي=لكن حكيم قد سرت عنـك الاخبـار
    بالطيب والشيمـه علينـا يجـودي=وجميله الغانـم بتعزيـز الاوصـار
    وآقولهـا وآحـث لا زم تـعـودي=للمنتدى لو مـا تجـي فيـه ينهـار

    *** سـعـد أبــو حـمـد***
    22/8/2. . 3م
    التعديل الأخير تم بواسطة ريف النشاما ; 21/01/2005 الساعة 02:58 AM

  5. #20
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    الشاعر / إبراهيم سليمان المجلي السبيعي.... ( راعي البحرين) أبو راشد من أهالي مافظة مرات وظروف الحياة قديما في الغوص جعل والده يذهب إلى البحرين ويستقر هناك يتزوج ولكن مايزال الحنين إلى الوطن يشغل ابناءه وهذه ابيات لأبنه الأكبر الشاعر إبراهيم المجلي

    كتب قصيدة في المنتدى يتشوق لمسقط رأس والده محافظة مرات ويتوجد على شوفة الأهل والأحباب هذه أبياته الجميلة...


    أمس العصر مريت مـن طـارف كميـت=ديـرة أبـوي ودار عـرنـة جــدودي
    ديرة بني عمي هـل السمـت والصيـت=ربعـي هـل الطـولات زيـن الأسـودي
    ديـرة مـرات اللـي بسناهـا تماريـت=من عصر خالـد لـى زمـان السعـودي
    فيهـا كـرامٍ بـك تهلـي إلـى جـيـت=اللـي لهـم مرقـى المراجـل صعـودي
    هم عزوتـي لاعاسـم الوقـت وأبليـت=عزي سنـادي لـى تهـاوت عضـودي
    ربعٍ إلى من طحـت قالـو لـي أعليـت=ملفـى هشاشيـل الـخـلا والفـهـودي
    لى جيتهـم عانـي مـن البعـد وافيـت=ربـعٍ عـن سلـوم المكـارم تــذودي
    ينصاهـم المضيـوم ومفـارق البـيـت=ريـفٍ إلـى مـن زاد شـح الحسـودي
    عزي وعوني هـم إلـى لـذت وألجيـت=لى ضامنـي عسـر الزمـان النكـودي
    ماقلـت شـيٍ فـي ثناهـم تهقـويـت=إلا الوكـاد اللـي روتــه الـوفـودي
    جدني أنـا مبطـي مـن العـام ماجيـت=فكـري هواجيسـه تـشـط وتـعـودي
    تجذبني الذكرى إلى اصبحـت وأمسيـت=تاريـخ مـجـدٍ سطـرتـه الشـهـودي
    واليـوم عنّـت لـي الذكـرى وعنيـت=ركبـي جـداهـم أستحـثـه بــزودي
    سـلام يـادارٍ لهـا فـهـت وأثنـيـت=مالعلـع الجمـري بـروس الفـنـودي


    **** إبراهيم سليمـان السبيعـي*** أنزلت في المنتدى بتاريخ/ 9/12/2003م

    """""""""""" """""""
    رد الشاعر راعي مرات

    زان المثل في خاطـري واسفهليـت=وا بديت أنا شوقي وعاطـر ردودي
    للصاحب الي خص ربعه هل (كميت)=بأبيـات جزلـه ماعليهـا نقـودي
    من طيب ساسه يالنشامى تقهويـت=وأخذت أنا شفي.. ورَوّيت عـودي
    ياراعي البحرين ..ياعالي الصيـت=يالـي غلاكـم بالضمايـر يـزودي
    قطفت من زاهـر كرمكـم وشميـت=ريحٍ يشادي فـوح مسـكٍ وعـودي
    أنا أشهد إنـك بالمراجـل تماديـت=فعلك.. وطيبك.. راقيٍ بك سنـودي
    وأنا أشهد إنك في المعالـي تعليـت=تدّرك بجاهـك كـل علـمٍ يكـودي
    راعي ( قلالي)1 مرحبابك وحٍييـت=انتا لنـا يمنـىً وحنـا العضـودي
    شامـخ بفعلـك يافتـى ماترديـت=ياشوق ضافية الستـر والجعـودي
    ياليت ربي يجمـع الشمـل ياليـت=من قبل ماتطوى علينـا اللحـودي
    تكفى (يا بو راشد) نبي تبني البيت=في ديرة أعمامك.. مقـر الجـدودي
    وإليا إجتمع شمل القرايـب تهنيـت=جمع الشمل يسوى جميع الوجـودي
    إلى ذكرت عصـور اهلنـا تأذيـت=يشب في صدري سـواة الوقـودي
    وقـتٍ فـلا والله مثلـه تمـاريـت=وقت عليهم (يابن عمي) جحـودي
    وقتٍ يشتت جمع الأخـوان تشتيـت=في دُورة العيشة تعـدوا الحـدودي
    ومن يوم ربي سخر القار والزيـت=نحمد ولي العرش صارت مهـودي
    نعيش في الدنيـا علـى ماتمنيـت=طير السعد غرد على كـل عـودي
    يا الله يامن فـوق عرشـك تعليـت=إنك تديم الخيـر عهـد السعـودي
    ومنك العذر كاني بقولـي تماديـت=لاشـك ولهـانٍ وباحـت سـدودي
    ولك التحية عد من طـاف بالبيـت=وعد الحصى وإعداد رمل النفـودي
    عبدالرحمن بن عبدالله المجلي *** راعـــي مــــرات***
    الخميـس/ 17/ شــوال/ 1424هـ


    قلالي= المنطقة التي يسكن بها (أبو راشد) في مملكة البحرين
    التعديل الأخير تم بواسطة ريف النشاما ; 21/01/2005 الساعة 02:59 AM

  6. Thumbs up مشاركة: ديوان الشاعر / راعي مرات

    بمناسبة عيد الفطر الميارك

    الآ يا مرحبا وأهـلا تحيـاتي لكم بالعيـد= أبهديها لكم فرحـه تخـص الفـرد وتعمـي
    لكم فل ولكم كادي وزيـن القـول والتغريـد=وأبدعي الرب يحفظكم قبل ما أقول واسمـي
    الآ ياعيد ياعلك على كـل الحضـور سعيـد=تديم السعد ياربي .. وننسى الباس والغمـي
    دفعني الشوق و النشوة لكم أطوي العنا والبيد=أبا اصافـح محياكـم لعـل الشمـل يلتمـي
    وأبشكر كل من ساهم بمجهوده بـلا تحديـد=وأخص الشهم حيث إنه يقول العلم ويتمي
    وعماني لهـم منـي مواجيـب وحبـة أيـد=وعنهم دوم أنا احامي ولو سيحت أنـا دمـي
    ولا أنسى كل من شرف وجونا والديـار بعيـد=وكل اللي بذل جوده ومجهـوده ولا أهتمـي
    ولا هانو ولا شانو ..شبابٍ شوق كل الغيـد=لهم في المرجلة سطوة بعيدينٍ عـن الذمـي
    تجمعتوا على عزٍ ..وشيدتوا الفخـر تشييـد=نماري بطيب مجناكم ..نخلي الضـد ينغمـي
    ونبي وصل الرحم دايم ..وأعيد القول ثم أعيد=ترى بعض الجروح إليا قشرها الظفر تشتمي
    وننسى اللي يكدرنا ولا نبغي الحـروق تزيـد=وكثر الهرج في الماضي تراه الموت والسمي
    إلى مني ذكرت اللي فقدنـا صابنـي تسهيـد=تكسِر قلبي العبرة.. وأمش دموعـي بكمـي
    الآ يا الله ترزقهـم جنـان الخلـد والتخليـد=وتجعلهم لنا قدوة .. نشـم آثارهـم شمـي
    وحنا للوطن فـدوة ولا يغلـى عليـه الجيـد=ونمشي تحت رآياته ولو خضنا بهـا اليمـي
    وعز أوطاننا منوة ولا نرضـى لـه التهديـد=وحب ملوكنا خلقه..شربته مع حليـب أمـي
    وعز الفرد إلى منـه تمسـك دوم بالتوحيـد =على هذا تربينـا أنـا و أنـت ولـد عمـي
    تدينت الوفى منكم وجيـت اليـوم للتسديـد=وإذا قولي عجز يوفي فخلو النقص من يمـي
    بلا ضمة بلا فتحة بـلا كسـرة بـلا تشديـد=معانيٍ صادقه جتكم وأغرف القاف من جمـي

    راعي مرات- عبدالرحمن بن عبدالله المجلي
    التعديل الأخير تم بواسطة ريف النشاما ; 21/01/2005 الساعة 03:17 AM

  7. #22
    تاريخ التسجيل
    Aug 2009
    المشاركات
    2,716

    رد: ديوان الشاعر / راعي مرات

    البدع من الشاعر/ محمد فهد العصيمي

    ربعت دار الجماعه والبهايم هجت = ماتنظمها الشبوك ولاقدرها الراعي
    و(الصعو) لجت وراها بالغناوي لجت = قام يرددها علينا النت والمذياعي
    واخطت ازهار الربيع ومن جهلها دجت = ضاعت (الخلفه) ولا تعرف من الرضاعي
    محمد العصيمي
    __________
    رد من /عبدالرحمن المجلي راعي مرات

    يارفيقي لاتعجب كان ( عوفة) حجت =وصفق الفارس وراها شاوي. ومرياعي
    اختلط حابل بنابل والمراجل سجت =وش نخيط.. وش نرقع.. الشقوق وساعي
    حتى لو بعض الاوادم.. وقفت واحتجت =ما مسح دمع اليتيمه كود شخص واعي
    من كبر هول الفجيعة العقول.. ارتجت =ندعي الله يالعصيمي يصلح الاوضاعي
    عبدالرحمن عبدالله المجلي / راعي مراتُ
    _________
    ( عوفة= البقرة )
    ( المرياع = المرياع : هو كبش يتم تربيته بطريقة خاصة لتطيعه الأغنام وتبحث عنه وهو يبحث ويطيع ( الـ ج ح ش )
    ___________
    مجاراة من الشاعر محمد ابراهيم الدايل

    السحاب اقفى شمال والحراوي عجت =سد باب الشعيب وسكر المطلاعي
    من رداها بالغبار وبالسوافي كجت =يالله اني دخيلك تبدل الاوضاعي
    ضجت الناس منهم والقوافي ضجت =يارفيقي بيت شعرك حرك الاوجاعي
    صوت نق الضفادع بالنقانق لجت =يوم ريحة غربها بالمناقع فاعي
    استر اللي تشوفه دام رجلك سجت =صاحي للناس عارف وفي المواقف واعي
    محمد الدايل
    __________
    مجاراة من الشاعر عبدالعزيز عبدالحكيم الدعيج

    الزمن كله تغير والعقول ارتجت =والفتن كثرت رصين العقل منهاواعي
    خل نعاقٍ بنشر الشر رجلة رجت =يصطفق في سو فعله مرجفٍ ويعاعي
    مايعدل ميل هالدنيا حلوقٍ لجت =والإشاعه نشرها لاشك ماله داعي
    لكن الله حكمته تمضي ولوهي كجت = والحظيظ اللي بدرب الخير ساقه ساعي
    عبد العزيز بن عبد الحكيم الدعيج ابو نواف
    __________
    مجاراة من الشاعر سعد ابو حمد

    الهروج اليوم واجد والبلاوي زجت =بالعقول التايهه في مظلمات القاعي
    وارسلت يوم البيارق سود منها احتجت =راعبيات وحرار وقلد الفيوم راعي
    والعجب يوم الكتامه مقبله والريح عجت =ما تتقى من خطرها ساقه الاطماعي
    ظنها الجاهل سحاب ابروقها وارعود رجت =مقتفيها الوبل يسقي يابس المرباعي
    اخلفت كل الظنون المستشكه ماترجت =والبصير ادرى يعرف الزيف ماله داعي
    الشاعر /سعد حمد المجلي /سعد ابوحمد
    __________
    مجاراة من الشاعر/محمد عبدالرحمن البخيتان
    شاقني طرق لفاني والقوافي ارتجت =وانعطف حرفي وانا ما دعاني داعي
    ماحكمت النفس لامن المشاعر سجت =رغم تحذيري لها ان الفجوج وساعي
    اسهجت فيني كما عجتن لا عجت =والله اني عقبها حاير و مرتاعي
    اااه .. يا دنيا العنا ياكثر ما لجت =في ضمير اللي بها ما نساها واعي
    لا يفاجئك الزمن بالبقر لو حجت =مير نطلب كريم يبدل الأوضاعي
    نفسك اجبرهاالصمود ولوهي احتجت =دام فيها الحصيني شابعً ماجاعي
    والسلوم اللي مضت في زمنا هجت =مالقت في ارضها طيب المرباعي
    فالت الدعوا ولا يسئل اذا هي وجت =طايع ابليس الرجيم وشانت الأطباع
    والمكارم حايره و المجالس دجت =بين نت لعين وشاشة و اصباعي
    والختام ازكى صلاة عد ماقد ضجت =من حجيج في منى للنبي الداعي

    محمدبن عبدالرحمن البخيتان
    -------------------
    مجاراة من الشاعر عبدالله عبدالرحمن اليوسف
    المشاعر من خفوقي ياالنداوي هجت =والسبايب يالنداوي قافك اللي فاعي
    النبات اللي سقيته وش بلى ماكفت =الحراسه نايمه والرصود انواعي
    والرقيب اللي عيونه عن حلاله صدت =بغفلة الناظور لحظه قشها القشاعي
    احتمل سيفك وقص اللى لدربك قصت =وخل من يطمع بزادك منه الاطماعي

    عبدالله عبدالرحمن اليوسف
    ابوعبدالرحمن
    __________
    مجاراة من الشاعر محمد الشبيكي

    يااهل الشعر شفت القوافي ارتجت =وقامت تداعى في حشاي اوجاعي
    لا تخنعوا ياقوم لو هي احتجت =طغمة يهود وشيعة واشياعِ
    قوم الدجل شافت أسود وهجت =أخلت حماها وماحماها الراعي
    ودار الأمان الساكنه ماصجت =تعمل بصمت اليا دعاها الداعي
    كلش طبيعي والحجيج وحجت =والخوف هو والذعرماله داعي
    مساجد التوحيد تدعي لجت =ردّ ًعلى المرجف وأي معاعي
    للدين دارك يالسعودي زجت =بابطال يحمون السما والقاعِ
    حزمً وعزم وطايراتك مجت =جامّ الغضب سلمان شبع جياعِ
    من لحم حوثي وفارسي انبجت =حوف الصقور ورمي كف شجاعِ
    ماهمها شلقة كلابً لجت = سمّ ً زعاف تشربه ويزاعِ
    يبقى بحشاهاودمها لو ثجت =زرنيخه أخطر من سلاح اشعاعِ
    يتلف خلايا مخها لانرجت =صَمَّا وبكْمَا عينهاماتراعي
    وصلاة ربي ماامطرت وانكجت =شعبانها بالسيل سيل رجاعي
    على النبي الهاشمي ماضجت =طيور الفلاة بخايعً ما انخاعِ
    وسلام ماانصكت بعدوانهجت =بيبان من هو نايمً أو واعي
    محمد عبدالحكيم الشبيكي ابو ناصر





    محبكم /

    (أبو عبدالرحمن)
    منتديات مكشات
    خيمة الألغاز
    المدينة المنورة
    .نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    [/center]

صفحة 2 من 2 الأولىالأولى 12

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •