ابي اسافر الى الكويت.............ابي معلومات عنها

[باترول]

بي عناوين واسعار الشقق المفروشة في الكويت والاماكن الزينة........اللي يعرف لا يبخل علينا............

[ولد شقرا]

السلام عليكم ورحمة الله وبركاته......
من ناحية السكن اذا كان بالفندق فانا انصحك عن تجربه بالموفنبيك والمارينا جميعها تقع على شارع الخليج العربي.......
اما الشقق المفروشه فعندك ساره بلازا وتقع بالسالميه كذلك اجنحة بودل في السالميه ايضا وكذلك كازا بلس صراحه من افضل الشقق الفندقيه التي جربتها لامن النظافه ولا من الخدمه والاسعار...
هذا شي بس خلك شديد في التفاهم بالاسعار ولاتراهم من يدرون انك سعودي صلخوك
الاسعار المناسبه في هذهي الايام بالنسبه للشقق المفروشه مابين ال 25 الى 45 دينار
انتبه انتبه ترى سعر الصرف هاليومين زايد بالمره يعني الدينار وصل 14.22 ريال
بالنسبه للمطاعم لاتحوس ولاتدور عن اي مطعم لان المطعم اللي باذكره لك مانت بلاقي زيه ان كانك راعي الطبخ السنع وبنفس اللي مطعم فريج صويلح لاتنساه ويقع في شارع السالميه......
ونصيحه ايضا حاول تصرف دراهم عند المحطات اللي عند الحدود لان يكون سعر الصرف عندهم نازل
اي خدمه اخرى انا حاضر ومستعد
تحياتي لك ورحله موفقه

[باترول]

اخوي ولد شقرا بيض الله وجهك وجزاك الله خير ومشكور على المعلومات القيمة...........تقبل تحياتي

[abo-ahmad6655]

حتى في دول الجوار لا بد أن أخفي جنسيتي السعودية !!!
والله مصيبة..

[ساقان]

اهم شي فريج صويلح جنب المارينا

[ضرماوي مووت]

والله ماعندي ارقام ولا عنواوين
بس احجز قبل لاترووح ((نصييييحه))

[وين الكشتة]

الله يكون في عونك

ويسهل الله دربك

[الخبوبي]

بي عناوين واسعار الشقق المفروشة في الكويت والاماكن الزينة........اللي يعرف لا يبخل علينا............

يمديني أدلو بدلوي ,, وأعطيك معلومات

وإلا خلاص سافرت ورجعت بالسلامه

[أبو علي 444]

يامال العافية ولد شقرا ..

[السنع كله]

ماهي افضل الاسواق للقماش الرجالي الصيفي والشتوي لاني سمعت انهم يستوردون اقمشة راقيه ثم اريد محل رحلات تحديد الامكنة ولا عليكم امر والف شكر يالغالين

[بوعزيزالعيدان]

ماهي افضل الاسواق للقماش الرجالي الصيفي والشتوي لاني سمعت انهم يستوردون اقمشة راقيه ثم اريد محل رحلات تحديد الامكنة ولا عليكم امر والف شكر يالغالين

مساكم الله بالخير ..

شف طويل العمر ..

بالنسبة للأقمشة عندك بالديرة سوق المباركية ، وشارع البلوكات ..

وبالنسبة لي أحب أشتري من فاروق زماني وعبدالرضا كاكولي ..

وإذا تبي طريقهم انت بس قولي من وين داش الكويت من الخفجي ( النويصيب ) ولاّ من الرقعي ( السالمي ) ..؟

وتقبل مروري وسلامي ..

السلام عليكم

[منزلي الصمان1]

اما أنا بوصيك وصاتن خاصة الارحت للكويت
أسأل عن الشويخ تراها ديره مهوب رجال والى جيت الشويخ رح للشارع الحلاويات طب وتخير من الحلاو والبساكيت واللكاكاوات ووصيك بشكل خاص لمحل(عالم الحلاويات ) اي شي قديم وجديد عنده 0

أتمنى اني قدمت لك معلومة

[ابن الصحراء]

والله لو انك رايح ساحل العاج

يارجال الكويت بلد عادي جدا والسكن صعب جدا جدا ( بس سمعت اليومين هذي يقولون توفرت عندهم الشقق المفروشه ) .

روح واعتبر انك رايح اي منطقه بالسعوديه لانها جزء منا وبس

الله يوفقك

[صقر العثمور]

الله يوققك ودربك خضر انشالله ولد شقرى اعطاك المفيد وترى الكويت نفس السعوديه لاتخاف اخواناء