السيارات الأكثر إعتمادية لعام 2015 - دراسة جي. دي. باور

[دوج رام 98]

نسخه كاملة للدراسة لعام 2015 , ويلاحظ سيطرة جنرال موتورز على أفضل تقييم للسيارات الرياضية متعددة الاستخدامات مثل :
يوكون - تاهو - سوبربان

وأيضا سيارات البيك أب المتوسطة مثل
سييرا 1500 - سلفرادو 1500

وأيضا الهفي ديوتي (الأعمال الشاقة)
سلفرادو 2500 - سييرا 2500

[SAS2]

استغرب عدم وجود سيارات فورد مع انها اعتمادية بكل انواعها

[سيد النشاما..]

يعني التاهو واليوكن اعتمادي اكثر من الاند كروزر والباترول
والسييرا الحوض اعتمادي اكثر من الشاص النيسان والتويوتا
؟؟؟؟
طيب اذا كان التقرير صحيح على كلامهم
وش الأساسيات والمواصفات الي بنوا عليها اعتمادهم

[سموو الروح]

اجل جبلك رجل ساكن بالحره
وراع ابل وكل يوم يشيل
اغراض وصحاري وحجره
خله يأخذ السييرا ممكن نعرف
ع ويش بنو وويش إلى نافس معه

[مخ سعودي]

[QUOTE=سيد النشاما..;10470785]يعني التاهو واليوكن اعتمادي اكثر من الاند كروزر والباترول
والسييرا الحوض اعتمادي اكثر من الشاص النيسان والتويوتا
؟؟؟؟
طيب اذا كان التقرير صحيح على كلامهم
وش الأساسيات والمواصفات الي بنوا عليها اعتمادهم[/QUOTE

الباترول والشاص غير موجوده في امريكا لعدم وجود الامان فيها يالغالي فلذلك سيارات غير معترف فيها بالتصنيف لانها بدون سلامه
اما الالندكروزر فخرج من التصنيف ولا اعلم السبب

[ابو سليمان بن]

يمكن الدراسه للسيارات الامريكيه فقط .. ولا مقفى الباترول اطلق من الامريكي

[- النايف -]

اللاندكروزر خرج من المنافسه بسبب مشاكل الصدامات اللي تنفك من الجلد والاستعمال الشاق
ولا ننسى مشاكل كمبيوتر دعسة البنزين هذا غير الهزه الكهربائيه في الدركسون
المشاكل اعلاه عانيت من اثنين منها وهي الاولى والاخيره والحمد لله على كل حال

بالنسبه للنيسان فلايباع في الولايات المتحده

ولكن اللي استغربه ونيتات الفورد المعروفه باعتماديتها العاليه وينها من التصنيف

[- النايف -]

يمكن الدراسه للسيارات الامريكيه فقط .. ولا مقفى الباترول اطلق من الامريكي

مقفى عاد يارجل الباترول عقب الفتك ماعاد يسوى التاليه خجمبه تقول سيكويا
وانا والله كنت اعشق النيسان والتايوتا واكره الامريكي
لكن عقب الفتك حولت على اللاند وللاسف ندمت
اللاند معاد مثل اول صار للترزز وانا مالي في هالامور
تفككت الصدامات الاماميه وكلبساتها ابو كلب والدركسون تحس فيه ماس ماحد عرف له


والحين بحول على الباجيرو لاني سمعت ملاكه يمدحون صبره واعتماديته

الله يعوض علينا خير الجداد ماهي مثل الاولات

[مطر وربيع]

الباترول ماينباع في امريكا واللاندكروز ينباع بكميات قليلة جدا ما تخش في تقييم الجودة
وشاص التيوتا والنيسان ماتنباع في امريكا والباجيرو والفتك والربع مافي غير السكويا والارمادا والتايتن والتندرا
مع ذلك الياباني منافس في الونيتات المتوسطة

[ابوسند9]

غريبه وين الفورد؟
ارفع وامتن بودي من السييراء واكثر مبيعا في امريكا

[مخاوي دابذريع]

صراحه الجمس 2500 اتش دي ماهو بطال والظاهر أكل الجو على الشاص أما غيره سييرا ومادري وشهو ماضنتي بالعكس إلا أبو النكبه

[الحربي 591]

جي دي باور هذي بعض الاحيان تجيب العيد

[ابن عكاش]

سواليف اجل التاهو واليوكن اعتمادية اكثر من الاندكروزر

[الحربي 591]

سواليف اجل التاهو واليوكن اعتمادية اكثر من الاندكروزر

اذا كلامك هذا للقديم من 2007 وجاي صحيح
لكن اذا كلامك من موديل 2008 ورايح انا ضد هذا الكلام
اليوكون والتاهو من 2006 وجاي اردى انواع السيارات
لكن من 2007...2014 بدأت تتحسن و 2015 صارت افضل وافضل واللي معه تاهو او يوكون و ركب اليوكون والتاهو الجديد يفهم كلامي
حاليا معي تاهو 2008 وافكر بالجديد لكن غويلي