مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اخوي ماجلان
اذا حسيت ان طرمبة البنزين بتخبط .. يصلح اسوي لها تنظيف ؟؟
واذا سصلح وش افضل محل شغل وسعر وبارقا تلفوناتهم اذا امكن
وشكراً
يارب تقول يصلح تنظيف لاني على الحديده
اخي Magellan
السلام عليكم ورحمة الله وبركاته
بصراحه انا اشكرك كثيرا على هذا الموضوع الممتاز والذي يقل في منتديات السيارات فبارك الله فيك ورحم والديك.
اخي انا عندي سوبربان شفر موديل 99 امريكي وبدأ اعراض التفتفه والاضواء الداخليه تغمز؟
واريد ان اسوي تنظيف للحساس بس عندي بعض الاسئله لو سمحت.
هل اسوي نفس الخطواط المكتوبه للبليز؟
بالنسبه الى الهوز ايش هو؟
انظف الحساس والسياره شغاله افضل ولا مطفيه؟
وهل اذا كانت مطفيه ممكن ما تشتغل بسبب الهواء كما ذكرت؟
وهل افصل اصباع البطاريه السالب ؟
واسف على الاطاله وشكرا لك
لا يا أخوي الله يعافيك ما أطلت ، إلا وضحت المشكلة بصورة أكبر وعلى فكرة حركتي هذي يسمونها الورش تنظيف بخاخات
بالنسبة للموترك أخوي قبل ماتبدأ بعملية التنظيف وقبل ما أبدأ بعملية الشرح
هل إذا دعست بنزين عزم الموتر يصفى أو لا؟
هل إصبع البطارية السالب ماسك مضبوط بالبطارية
هل القراوند أوالتأريض للسيارة الماسك على بودي السيارة نظيف أي لايوجد عليه أملاح أو صدأ؟
بإنتظار إجابتك يالغالي
جزاك الله خيرا
اخوي ماجلان
بالنسبه للمسامير اللي تثبت القربه اللي بجنب المنظم وين احصلها
ايضا المسامير اللي تثبت قربة فلتر الهواء ضيعوها علي الوكاله حسبي الله عليهم
طبعا السياره تريل بليزر موديل 2006
سعودي
علما اني بحثت عنها عند الجميح والتقوى وباقادر والسبيعي
لك مني جزيل الشكر
أخوي أول واحد أحصله معه نفس موديل موتري
وإذا عندك مشاكل خلنا في هذا الموضوع نتناقشه
أناعندي اللمبات اللي على الدعاسات الجانبية (اكرمك الله) تضعف وبعض الأحيان تزين ما أدري وش لون أخليها قوية ..
بالنسبة للمسامير فأتوقع إنك تقصد اللي على القفيز وهذي إن شاء الله تجدها في محل مختص بالبراغي وتلقاه قريب من السيف لقطع الغيار (محل مشهور بالصناعية) تخليه على يمينك أول شارع أو ثاني شارع تدخل معه تلقاه على اليسار
آسف ما أعرف الوصف زين بس حول الدعوى
السلام عليكم
بيض الله وجهك أخوي مجلان على هذا الموضوع المهم
مداخله ..
لي تجربه في تنظيف البخاخات في جمس سوبربان 94 الله يذكره بالخير .. والله موووتر ..
سويت له فحص كمبيوتر والله فسقه ماكان فيه شي الموتر بس مبطي ماسويت له صيانه
طلع عندي ..
ثلاث نقاط** .منها تنظيف بخاخات وأظن هي نفسها تنظيف الخانق
من عقبها والله تغيرت صرفية الموتر 180 درجه
**للفائده
باقي النقاط ..
تغيير بواجي
ووزن دلكو
تقبل خالص تحياتي
أخوي ماجلان هل بخاخ التنظيف هذا خاص بالخانق فقط أو للخانق وحساس الهواء جميع ؟
ياخوان هل يوجد محل Ac Delco في القصيم ؟
إذا فيه وين موقعه الله لايهينكم ؟
أخوي sa-z71
أكيد زادت صرفية البنزين ،،
وبالنسبة للمحلات AC-Delcoفي بريدة الإخوان اللي هناك يفيدونك لأني معرفتي بالقصيم سطحية وأغلبها بعنيزه
طبعا بخاخ تنظيف الحساسات فهو يختلف عن بخاخ AC-Delco وهو مكتوب عليه للمواد الكهربائية أيا كان نوعه ، أنا طبعا اللي عرضته هنا من النت ولكن اللي شريته يختلف عنه ، وإن أمكني صورته ..
لكن تنظيف الحساس يتم برش البخاخ وتركه يجف بدون ماتدخل قطعه وتجففه لاقطن ولامنديل بل تعرضه للهواء لأنه حساس ، وللمعلومية جميع السيارات يابانيه وأمريكيه وكوريه وألمانيه لها نفس المبدأ في عملية خلط الهواء مع البنزين ولكن بإختلاف أشكال القطع
بالعكس أخوي ماجلان
قلت الصرفيه بشكل ملحوظ
أشكرك على الشرح الوافي
الذين يشاهدون الموضوع الآن: 1 (0 من الأعضاء و 1 زائر)