الله يعافيك
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الله يعافيك
هلا اخوي ماجلان واعذرني على التاخر في الرد عليك
بالنسبه للمبات اللي تقول تاكد من الروله الخاصه فيها داخل علبة الفيوزات ممكن انها ضعيفه من المصنع وهذا عيب فيها
للي مايعرفها هي القطعه السوداء مع الفيوزات كانها فيش
احتمال ثاني ان المشكله من الاسلاك الموصله الى اللمبات شيك عليهم كلهم
لانها ممكن تكون من النوع الردئ او ضعيفه وتحتر وتنقص قوة اللمبه
وعشان تتاكد وصل سلك من البطاريه للمبه مباشره وعلمني وش يصير معك
اما المسامير فانا اقصد المسامير المثبته للقربه اللي مكتوب عليها4200vortec
بجانب المنظم
وايضا المسامير تبع القربه اللي موجود فيها فلتر الهواء
وودي انك تعطيني معلومات وافيه اكثرعن الفلتر الرياضي والانتيكه الالمنيوم
بحكم تجربتك
في انتظار ردك على احرمن الجمر
لك جزيل الشكر
اللة يجمل حالك وماتقصر
جزاك الله خير وعطاك الصحه
معي افلانش موديل 2002 و جيت افك رطوش الهواء و طلع في يدي بدون ما اسحبه بقوه ولا فك البرغي
المهم انه طلع منه سنووو الى بكره وحسيت السياره صارت تعشق بسهوله ( سلاسه ) اكثر من اول بدون ما تحن او تاخذ وقت في بين النمره و الثانيه , ولكن كهرب الطبلون يضعف مثل اول مع تغير خفيف للافضل .
واذا كانت الصور مهمه نزلتها .
قبل ترد على أي موضوع حط في بالكان صاحب الموضوع يسأل عن طريقة أو كيفية عمل شيءموهب يسألك وش رايك الشخصيأو هل ينفع أو لاأو له لزوم أو لاما سأل إلا وهو لزوم و نص
هلا وغلا أخوي شيخ البليزر
والله يعافيك ...
بالنسبة للمبات طفن ولاعاد يشتغلن وعلى الله التعويض
مع إني ماشيكت على الريليه أو الكتاوت ،،
لكن المسامير اللي على القربة أو التي تسمى ريسونيتر resonator فهي موجودة وبكثرة في المحلات ، يعني لو تمر الصناعية راح تحصل المحل ، أنت أسئل عنه وراح يفيدونك ، أنا أتذكر مرة إحتجت لموتري كامري مسامير وحصلت محل كامل بالمسامير ثم فيه محل يقال له السيف 100% أتوقع تحصله فيه،،،
بالنسبة للفلتر فأنا مركبه بـ330 ريال من محل 4500 بالربوة شارع أبي ذر الغفاري تقاطع متعب بن عبدالعزيز خلف العثيم مول في الدائري الشرقي وأخذت معه طقم تنظيف ب90 ريال ، لأنه بالفعل البليزر حساس للغبار وأشوفه يتغير عزمه بالحيل ، فركبته إرتحت من تغيير الفلتر كل شهرين ب100 ريال ، وهذا أنظفه كل شهر مره وإرتحت المصاريف اللي مالهاداعي
بالنسبة للأنتيك أو الماصورة الألمنيوم فهو عطانياه بسعر غالي جدا فوق الألف على ما أذكر ورفضت ، وإلا الأنتيك لو تحصل الماصورة الألمنيوم راح يفرق مع العزم مع وجود الفلتر الرياضي ،طبعا راح يطلع له صوت حلووو..
وميزة الأنتيك إنه صلب ومافيه فتحات بالإضافة إن مكان وضع الفلتر يعني قربة الفلتر راح تكون محكمة الإغلاق مو مثل اللي موجود الحين فيه ،
أنا طبعا فلتر فقط مع إني شاك إن الهوز أو الخرطوش يهرب هواء ، لكن أجلت فكرة الأنتيك بعدين، خصوصا مانيب راعي مقاومات أو مطارحات ، كبرت على هالشغلات وصرت أبوعيال
وفيه حركة حلوة بعد إن تحط شراب (الله يكرمك) من شرابات مقاس العائلة على الفلتر طبعا العادي مو الرياضي وكل ما أخذت فترة شلته وحطيت واحد بدال عنه ونظفت الشراب القديم ..
حياك الله أخوي الكريم عبدالرحمن وألبسك ثياب الصحة والعافية
أخوي الكريم يبدولي تحتاج لزيادة جرعة التنظيف أكثر وأكثر حتى يصفى عزم الموتر
وبالنسبة للكهرباء فعادة الأفلانش تكمن مشكلته أنه مزود بدينمو كهربائي أقل من قدراته الحقيقية طبعا حسب ماسمعت أنه فقط 100 أمبير والبعض يقوم بإستبداله إلى 145 أمبير فتقوى بذلك قوة الإضاءة الداخلية والخارجية ،
وعلى أية حال فإن وجود رمش في انوار الطبلون أو الأمامية بالإضافة لضعف الإضاءة عند إستخدام النوافذ الكهربائية أمر عادي جدا ،،
ولا أنصح بتغيير الدينمو الكهربائي لأن المصنع قام بتجهيزه بذلك حتى لايأتيه زيادة في الكهرب ومن ثم تحترق بعض المواد الكهربائية وإن حصل تغييره فيلزم تزويد بعض الأجزاء بالكتاوت حتى ما تخرب عليك الأجهزة الكهربائية
هلا بالجميع
اتصلت على وكيل الشركه
في الرياض بس للاسف ماعنده قطع الا للدبابات
ثم اتصلت على الوكيل في الدمام
وحصلته عنده كامل بالانتيكه والقربه والفلتر
وسعره1410ريال مع الشحن
غالي جدا
الله يوفقك إن شاء الله
بس ترى المقصد منه بالدرجة الأولى هو عزل الهواء الداخل للمكينة فكلما برد كلما زاد عزم السيارة ، طبعا له فائدة ثانية مثل ماتفضلت يحفظها من الغبار ، طبعا فيه إخوان في منتدى تطعيس ممن جربوا الأنتيك يقدرون يفيدونك أكثر لأني حتى الآن ما أقدمت على هذه الخطوة فمن الأفضل الإستشارة أفضل قبل الشراء ، وحاول تاخذ واحد يركب على أكثر من طراز من السيارات
وبالتوفيق يالغالي
مشكوووووور
الذين يشاهدون الموضوع الآن: 1 (0 من الأعضاء و 1 زائر)