نفود ام دباب والعجب العجاب!!!!! (بالصور)

[عليان الليل]

بسم الله الرحمن الرحيم
وكل عام وانتم بخير واعاده الله علينا اعواما عديدة
في البداية كنت اسمع بهذا النفود وانه كبير وانه كالجبل وانه يصعب صعوده
ما كنت مهتم بكل ما يقولون عنه وكنت اذن من طين واذن من عجين ....
وفي ثاني العيد قدر الله وذهبت ... الى نفود ام دباب؟؟؟
وركبنا السيارة وبدت المسيرة من الخبراء الى عنيزة بعدها
بدأ المطامر وبد ت الروس تتصابخ ... ولا تسمع الا السواق يقول
امسك القير امسك القير ....
قلت له انا شكرا متمسك زين !!!
قالي اسمع الكلام ولا تكثر هرج ..
قلت سم وامسك القير وانا مادري وش السالفة ....ودريت عقب ليش
علشان مايعشق القير مع المطامر ويبتل بنمرة..
ويوم وصلنا !!! ! الله اكبر وش هذا ياساتر !!!
نفود مثل الجبل وعالم مثل النمل ...
عالم متجمعه كثر التراب تقول بعرفة ...
ولا تسمع الا صوت المرهمات وصوت الدبابات
هذا جيب ربع وهذا جيب شيروكي وهذا دباب بانشي وهذا دباب ابوكفرين
وشي مادري وشو !!!!
وهذا يرقى وهذا ينزل وهذا يوصل النص ويرجع ....
لكن مايرقى هالنفود الا الدبابات وجيب شيروكي رانجلر لونه احمر .. وكم جيب مرهم
اشكاله غريبه ...
والباقين ما قدروا يرقون لا جيوب ربع تيوتا ولا غيره ..
هذا بالنهار فقط!!!!
يوم جاء الليل وأظلمت الدنيا بدا الشغل ...
بدت الالعاب النارية وبدت معه الانفجارات ... شي يهول صراحة
النفود نور من الانوار .. هذا احمر وهذا اصفر وهذا بنفسجي!!!
هذا يطير وهذا ينفقع بالارض وهذا صاروخ يطير ويرجع للارض !!!! ويحوس الي حوله.
وهذي طلقات رشاش شباب تنور بالسماء ... لدرجة ان واحد اطلق اكثر من ثلاثين طلقة مرة وحدة !!!
ويوم صفينا نصلي العشاء تقول صلاة خوف بساحة حرب .. تسمع من هنا رمي ومن هنا صواريخ
والسماء منورة واصوات الانفجارات ... والله العظيم موقف رهيب ..
صراحة شي ما شفت مثلة !!! شي رهيب تعجز عن وصفه..
ولا اطول عليكم اترككم مع الصور.
-هذا الموتر المخضرم ما شاء الله عليه


- صورة النفود من بعيد


- صورة العالم المتجمعه(هذي صورة من قمة النفود)


- صور الذين يستعرضون








تابع تحت