شقران في شقراء

[الفرعاوي]

هلا ولله بشقران في شقرا ..

عاد تصدق اني امرها دائما و ما عمري شفت هالاشياء فيها ؟؟

جزاك الله خير على هالتوثيق الرائع ...

لكـــــــــــــــن ... ورا ما مريتنا في الفرعة ؟

[الشبارم]

اخي العزيز شقران

السلام عليكم و رحمته و بركاته و بعد

احب ان اهنك بهذا الموضوع الجيد و المشيق لنتعلم منه تاريخ ابانا و اجدادنا.
لقد كفيت و وفيت في هذا الموضوع و ارجو ان يكون العم ابو هيثم و العم ابورئد بصحه و عافية و ارجو التكرم بالسلام عليهم و اخوانك جميع ( و خص ابو غريب )

و لك و جميع اعضاء و مرتادي مكشات كل التحية و التقدير و كل عام و انتم بكل خير .

اخوك

الشبارم

(ابو راكان) في 18 رمضان المنصرم

[شقران]

laith: وعليكم السلام ورحمة الله وبركاته
حفظك الله على اطرائك وثنائك الذي لااستحقه...

جزل الله لك المثوبه وسرني اعجابكم بالموضوع.

اخوك شقران.
عاد يالفرعاوي ماتبيلها ازرق زرق وشف هالاطلال الجميله وتحين الوقت المناسب هاه ترى هاليومين

مخطوره عقب الحيا الله يحفظك ويرعاك ياغالي....وابشر بمن يسير بس خل نشوفك .

دمت لاخيك.

الحبيب الغالي ابو راكان حفظه الله ورعاه.....ياليتنا والله شايفينك ياخلفهم والله انا شايفين الربع كلهم....
ولو عندي خبر انك بالشبرمية كان عنينالك يابعدهم وابشر والله بمن يوصل لهم سلامك وفوقه مطخه....بشرني عاد وشلون قنصكم ترا الاخبار جتني من داورد يقولون طرحوا ثلاث قبل اسبوعين من العيد ومذكور(ن) لهم واحد طرح ست حبارى في العبور المتأخر.
ياجعل ربي يوفقك ياغالي ولا طرا لك ياحبيلك سير ترى البيت قريب ومامن بعد فنيجيل قهوة وعلوم صقوركم وصيدها. وفقك الله لما تحب ويرضى.
اخوك المحب ابوسلطان

[هذا]

بارك الله فيك يا مشرفنا العزيز

وأنا كذلك أحن وأشتاق إلى شقراء بلد الأباء والأجداد ..............
فقد أخذتنا المدنية والحضارة " المزيفة " عن رد الجميل
وصدق الشاعر :

بلادي وإن جارت علي عزيزة ............ وأهلي وإن ضنوا علـي كـرام

مع التقدير الأكيد للوطن الأم

[قناص القرائن]

ما هقيتها منك يا شقران تمر شقراء ولا تسير افا ؟؟؟؟؟؟؟؟!!!!!!!!!!!

[شقران]

وبارك الله فيك ..هذا:
بلا شك اننا لن نوفي الاباء والاجداد الحقوق ولو طال الزمن ولا نقول الا رحم المولى من تولاه منهم وامد الله في عمر من بقي منهم واحسن عملهم وخاتمتهم.

قناص القرائن:
تقول وتطول ياغالي وابشر بمن يرضيك..في قادم الزيارات.

تحياتي القلبيه

[ابو عايد]

Originally posted by نقا هشال
اخوي شقران

يعطيك العافيه ولاهنت

صور من الماضي ولا اروع

كعادتك يابو ابو سلطان مبدع ورائع موضوع رائع وجميل كذالك مدعم بالصور

و يعطيك الف عافيه على جهد تشكر عليه ، صور رائعه وتعليق دقيق

لا املك سو ان اشكرك مجددا على السرد الجميل الذي امتعتنا به .

مع اطيب الامنيات واحلى التحايا // العاشق الولهان

[شقران]

ابوعايد:
رفع الله من قدرك...

سرني اعجابكم بالموضوع....

جهدي المتواضع ..عباره عن جهودكم فكلنا واحد في مكشات نود ابرازه وتزيينه دائماً.

تحياتي ودمت لاخيك.

ابوسلطان

[الأشهـــــب]

الأخ العزيز : شقران .

حياك الله يالغالي .

الحقيقة إنك هيضت المشاعر بهذه الزيارة وهذه المعلومات الجميلة عن الديرة الحبيبة والغالية ( شقراء) .

أخي الغالي ياليتك والله لو ، وأعوذ من ( لو ) وضعت صور عن مسجد ( سديرة ) بشقراء ، وهو مسجد قديم جداً مازالت تقام فيه الصلاة إلى الآن ، وفيه خلوة يصلون فيها بعد في الشتاء .
كل ماصليت فيه أكاد ابكي إلا قليلاً . فبلا شك ستكون صور جميلة جداً .

أخي الكريم لاأملك إلا أن أقول هذه البيت والذي كتب على إحدى البيوت القديمة في مدينة شقراء :

( يادار لاتبكين عصر مضى لك ***** ليت ولو ربع يوم يجتمع شملنا فيك ).

وألف شكر أخي الكريم : شقران .

[شقران]

حفظه الله ورعاه

( يادار لاتبكين عصر مضى لك ***** ليت ولو ربع يوم يجتمع شملنا فيك ).

استميحك العذر فلم اصور المسجد الذي طلبت ولكن لعلنا في المستقبل نضيف صورته للمجموعه ...

سرني اعجابك ومشاركتك حفظك المولى جل وعلى

اخوك شقران

[السمح]

ماشاء الله عليك أخوي شقران مبدع في كل شي ..
أجهزة .. رحلات .. طبخ وشوي يالله من فضلك .. صيد .. وش خليت يابعدي
حتى إثارة الأشجان واجترار الماضي ، وتذكر الأيام الخوالي مع أحوال الآباء والأجداد ماخليتها ..
ما أقول إلا عسى الله يخليك شقران لنا ، وتعطينا أكثر وأكثر

أحلى تحية

[ابو شكاع]

لاهنت يا شقران


والله يرحم امواتكم


صور جميلة ..............


لكن ياليت انك اخذت الصور بدري شوي ..................... لانه يبدو ان الكاميره نوعية ممتازه بس ما ساعدها الضوء

وابي اسالك وش نوع الكاميره


وتسلم

[شقران]

الله يرفع قدرك ويجزاك خير ...
لن نصل الى ماوصلتم اليه يالغالي والمنتدى وخيامه واعضائه يشهدون لكم بالخيرية.

اجد ان مكشات بالفعل طغى علينا لنكتب في كل مجال يتيسر لنا فيه لقطه ورحلة وموقف.

نتشارك به مع الاخرين ونشحن انفسنا به لرحلات قادمه ونثري به الموقع لنا ولغيرنا.

ولاشك ان هناك قصور ولكن نستميحكم العذر ان قصرنا في شيء.

تحياتي القلبيه

الاخ ابوشكاع:

جميع الكاميرات الرقمية عند التصوير في الليل فالفلاش لايتجاوز 3 متر قطرياً اضاءة

والموضوع صور بكاميرتين رقميتين من افضل الماركات (كانون-نيكون) وسترى صور احلى في قادم المواضيع لنفس الكاميرتين وبنفس درجة الظلمه ومع محدودية الفناء والظلمة الزائده في موقع تصويرنا في شقراء فلازالت الصور واضحة وبشهادة جميع المشاركين حينما تجد تعليقهم على الصور..انها جيده.

تحياتي